ՀՅԴ Հայաստանի Գերագույն ժողովը որոշել է առաջիկա նախագահական ընտրություններին նախագահի թեկնածու չառաջադրել: Այս մասին քիչ առաջ լրագրողների հետ հանդիպմանը հայտնել է ԱԺ ՀՅԴ խմբակցության քարտուղար Աղվան Վարդանյանը:

Այսօր տեղի է ունեցել Հայ ազգային կոնգրեսի կենտրոնական շտաբի նիստը, որի ավարտից հետո ՀԱԿ համակարգող Լեւոն Զուրաբյանը լրագրողներին հայտնել է, որ նախագահական ընտրություններում Կոնգրեսի մասնակցության ձեւաչափի մասին քննարկումները դեռ չեն ավարտվել, և որոշում կայացնելուն պես այն կներկայացնեն հանրությանը՝ նշելով, որ, ամենայն հավանականությամբ, որոշումը կկայացվի մինչև տարեվերջ:

Այսօրվանից՝ դեկտեմբերի 25-ից սկսվում է ՀՀ նախագահի թեկնածուների փաստաթղթերը ներկայացնելու գործընթացը։ ԿԸՀ անհրաժեշտ փաստաթղթերի ներկայացման վերջնաժամկետը 2013թ. հունվարի 4-ն է։ Հայաստանում նախագահական ընտրությունները կանցկացվեն 2013թ. փետրվարի 18-ին։

«Նախ` ինչո՞վ է Սերժ Սարգսյանը պակաս Իլհամ Ալիևից, և երկրորդ` նույնիսկ 100 տոկոս հավաքելու պարագայում Սերժ Սարգսյանի օրինակարգությունը լինելու է այնքան, որքան Սադամ Հուսեյնի, Կադաֆիի կամ բռնապետական որևէ այլ երկրի ղեկավարի օրինակարգությունը»:

«Ավելի ճիշտ կանես թուլանաս ու ձեր` «Շարաշկինի կանտորայի», նրա անդամների «հերոսությունները» վայելես: Դու պարզապես չես կարող ազնիվ լինել: Դրա մասին խոսում են փաստերը: Այդուհանդերձ, այդ ինչպես ստացվեց, որ ձեր կուրատոր Լևոն Զուրաբյանը քեզ համարում է իրենց գծից դուրս: Իսկ իրենց գիծը ընդդիմադիր գիծն է: Այդ ինչպես ստացվեց, որ ՀՀՇ համագումարին դու չկայիր, չէ որ այնտեղ էր առաջնորդ Տեր-Պետրոսյանը և մյուսները»:

Դիտարկմանը, թե որքանով է հնարավոր է ընտրություններից հետո նրա համագործակցությունը իշխանությունների հետ կամ որևէ պաշտոն ստանձնելը, Բագրատյանն ասել է. «Նման մտադրություններ չունեմ»։ԱԺ ՀԱԿ խմբակցության պատգամավորն ասել է, թե «ո՛չ, հնարավոր չէ» կամ «այո՛, հնարավոր է» միանշանակ պատասխաններ տալ հնարավոր չէ՝ նշելով, որ մինչ այդ առաջարկներ շատ են եղել, որոնք, սակայն, ինքը չի ընդունել։

«Մենք պետք է հասկանանք, որ Հայաստանում գնում է թուրքմենիզացիայի, Թուրքմենստան դարձնելու գործընթաց, այսօր Հայաստանի իշախանությունները Սերժ Սարգսյանի գլխավորությամբ զբաղված են այդ գործընթացով»։

Թեև ակնկալվում էր, որ այսօր՝ ՀՀՇ համագումարի ժամանակ, ՀԱԿ առաջնորդ Լևոն Տեր-Պետրոսյանն իր դիրքորոշումը կհայտներ առաջիկա նախագահական ընտրությունների առաջադրման հետ կապված, սակայն նա առաջարկել է ևս մի քանի օր սպասել։ Նա իր ելույթում նախ ընդգծել է, որ հերիք չէին որոշ բաժանումները, հիմա էլ ոմանք երկիրը բաժանում են արևմտամետների և ռուսամետների, իսկ իրականում մենք ոչ արեւմտամետ, ոչ էլ ռուսամետ պետք է լինենք:

Կառավարության նիստերի դահլիճում մեկնարկած Հայոց համազգային շարժման 17-րդ համագումարին, բացի ՀԱԿ անդամ կուսակցություններից, մասնակցում են նաև ԲՀԿ, «Ժառանգություն» և ՀՅԴ կուսակցություննների ներկայացուցիչները: ՀՀՇ համագումարին ներկա չի գտնվել ՀԱԿ խմբակցությունից միայն Ստեփան Դեմիրճյանը (հիվանդության պատճառով) և Նիկոլ Փաշինյանը։ Նիստերի դահլիճն արագ լքել է «Ազատություն» կուսակցության ղեկավար Հրանտ Բագրատյանը։

Մասնավորապես, ՀՀ գլխավոր դատախազությունից ստացված՝ ՀՀ ԱԺ պատգամավորների դիմումի հիման վրա նախապատրաստված նյութերով պարզվել է, որ գաղտնի ձայնագրվել է վերջիններիս՝ 2012 թվականի սեպտեմբեր-հոկտեմբեր ամիսներին «Ռիչ» սրճարանում տեղի ունեցած առանձնազրույցը, իսկ 2012 թվականի դեկտեմբերի կեսերին այն տեղադրվել է համացանցում։ Այդպիսով՝ լրատվության միջոցներով տարածվել են ապօրինի ձեռք բերված՝ ձայնագրության մեջ առկա անձնական գաղտնիք համարվող տեղեկությունները։

«Հանրապետություն» կուսակցության մեկնարկած վեցերորդ համագումարում Արամ Սարգսյանը հանդես եկավ «Ճանապարհ դեպի լույս» ելույթով։ Դրա ավարտին «Հանրապետության» նախագահը հայտարարեց, որ «հաշվի առնելով ներքաղաքական որոշ իրողություններ», չի առաջադրվելու գալիք նախագահական ընտրություններում:

««Ազատություն» կուսակցության գալիք համագումարը տեղի կունենա դեկտեմբերի 24-ին ժամը 12։00 Եզնիկ Կողբացի 69 հասցեում գտնվող խուլ և համրերի պալատում։ Մեր դելեգատները հարցնում են օրակարգի մասով (ոմանք գալու են հեռավոր շրջանններից)։ Օրակարգում, այո, կա ինձ որպես ՀՀ Նախագահի թեկնածու առաջադրվելու հարց...»։

ՀՀԿ–ական պատգամավոր Մանվել Բադեյանն այսօր հրավիրված ասուլիսում անդրադառնալով ՀԱԿ պատգամավոր Լևոն Զուրաբյանի և ԲՀԿ–ական պատգամավոր Վարդան Օսկանյանի զրույցի գաղտնալսմանն ու դրա ձայնագրության տարածմանը՝ դա բնութագրել է որպես նողկալի արարք։ Ասուլիսի մեկ այլ բանախոս, ԲՀԿ–ական Լյովա Խաչատրյանն էլ ընդգծել է, որ սա մնացած բոլորի նկատմամբ կիրառվող նախադեպ կարող է լինել։

«Ես իհարկե ցավում եմ, որ Գագիկը Ծառուկյանն իր թեկնածությունը չդրեց, ըստ երեւույթին գլխի ընկավ, որ միեւնույնն է հաշվողը գիտի, թե ինչպես է հաշվում ձայները: Ես չեմ ասում, որ մի սարի լալա էլ ինքն է, հարցը այդ չէ, բայց մեզ մոտ մի տեսակ դիկտատուրան շարունակվում է»

Դրանում, մասնավորապես, ասված է. «Առաջարկում ենք մեր զրույցի ապօրինի գաղտնալսման և սոցցանցերում տեղադրման կապակցությամբ հարուցել քրեական գործ՝ հայտնաբերել և պատժել հանցագործության պատասխանատուներին: Կից ներկայացնում ենք այդ կապակցությամբ մեր կողմից արված հայտարարությունները»:

ՀՀԿ պատգամավորներ Դավիթ Հարությունյանի և Արփինե Հովհաննիսյանի հեղինակած «ԱԺ Կանոնակարգ օրենքում էթիկայի հանձնաժողովի կանոնավորման վերաբերյալ» օրինագիծը ձայների 66 կողմ, 28 դեմ և 1 ձեռնպահ հարաբերակցությամբ առաջին ընթերցմամբ ընդունվեց։ Նախքան օրինագիծը քվեարկության դնելը ԲՀԿ-ից հայտնեցին, որ իրենք դեմ են քվեարկելու, օրինագծին, սակայն պատրաստ են քննարկումների։

Ի դեպ, որպես օրինագծի հիմնական զեկուցող հանդես է եկել երիտհանրապետական Արփինե Հովհաննիսյանը, ով և Ա. Վարդանյանի այս դիտարկմանն ի պատասխան հեգնել է, թե պատգամավորների համար հատուկ համազգեստ է պետք կարել՝ մեջքին գրված՝ ընդդիմություն, ո՛չ ընդդիմություն։

Ես ինքս միտումնավոր, սկզբունքային չեմ լսել այդ ձայնագրությունը, որովհետև դա նույն բանն է, ինչ փակ դռան հետևից ականջ դնել երկու քաղաքացիների երկու անձանց խոսակցությանը