«Հիմք ընդունելով իրականությանը չհամապատասխանող էական փաստեր, ինչպես նաև, ԸՕ պահանջների յուրով մեկնաբանություններ, ՍԴ-ն կայացրեց իր հերթական մերժողական ընտրաորոշումը։ Մասնավորապես՝ hայտարարում ենք՝ մեր մոտ 500 դիմում-բողոքներից ոչ մեկն ըստ էության քննության չի առնվել, ավելին, կոպտորեն խախտվել է դիմում-բողոքների քննարկման կարգը, այն է՝ մեզ զրկել են այդ քննարկմանը մասնակցելու իրավունքից...»։

«Առաջին անգամ է, որ օրենսդիրում եմ: Համոզված եմ, որ մեր խմբակցության և համախոհ այլ պատգամավորների հետ կներկայացնենք հասարակության բոլոր այն շերտերը, որոնք այս ընտրություններում քվեարկեցին իսկական փոփոխության, քաղաքական հակակշիռների, սոցիալական և տնտեսական արդարության, ինչպես նաև ժողովրդավարական Հայաստանի համար»:

«Շատ առիթներ են լինելու՝ ներքուստ համոզվելու նախկին որոշ պատկերացումների կեղծության մեջ։ Կրկին կարիք կլինի հիշելու, որ պարտադիր չէ, որ մեր մտավախությունները լինեն դիմացինի մտադրությունները։ Միշտ էլ լինելու են պոպուլիստական հռետորաբանություն և երևակայականը իրականի տեղ մատուցելու փորձեր, բայց դա լինելու է բացառություն, ոչ թե օրինաչափություն»։

Այնուհետև ՀՀԿ խմբակցության ղեկավար Գալուստ Սահակյանն ԱԺ նախագահի թեկնածու է առաջադրել Հովիկ Աբրահամյանին։ Մյուս խմբակցություններն այլ թեկնածություն չեն առաջադրել։ Որոշ պատգամավորներ շտապել են արդեն նրա ընտրվելու կապակցությամբ ծափահարել, բայց Մկրտիչ Մինասյանը նկատել է՝ ծափ տալով չի լինի, պետք է անպայման ընտրություն կազմակերպել։

Կորյուն Մանուկյան. «Այսօր երեկոյան ստորագրվել է կոալիցիոն նոր հուշագիր` ՀՀԿ-ի եւ ՕԵԿ-ի միջև: Տեղին է հիշեցնելը, որ տարիներ առաջ Արթուր Բաղդասարյանը Սերժ Սարգսյանին մեղադրում էր իր դեմ մահափորձ կազմակերպելու մեջ, իսկ Սերժ Սարգսյանը ՕԵԿ ղեկավարին տալիս էր «հաճախորդ» որակումը»։

ԿԸՀ-ում պատգամավորական մանդատը ստանալուց հետո ՀՅԴ գերագույն մարմնի անդամ Արմեն Ռուստամյանը պատասխանել է լրագրողների հարցերին և ասել, որ խորհրդարանում ՀՅԴ-ի համագործակցությունն ավելի տրամաբանական կլինի ընդդիմադիր ուժերի հետ։ «Օրինակ, եթե նախկինում ընդդիմադիր ուժերը չէին կարողանաւմ կազմել օրինակ 1/5-րդը, որի ժամանակ միայն կարող էին դիմել ՍԴ, այժմ արդեն կարող են»,–ասել է նա։

«Մենք ճշտին ճիշտ ենք ասելու, սխալին՝ սխալ, և փորձելու ենք իրական փոփոխություն բերել: Ընտրարշավի ժամանակ ԲՀԿ-ն խոսել է իսկական փոփոխություններից` և՛ քաղաքական, և՛ սոցիալական և՛ տնտեսական։ Խոստումներ ենք տվել ու խոսել ենք ծրագրերից և հետամուտ ենք լինելու այդ ծրագրերի իրականացմանը»։

«Մայիսի 6-ի ԱԺ ընտրությունները անցան համատարած զանգվածային օրինախախտումներով, որոնք կրել են համակարգային եւ պետականորեն կազմակերպված բնույթ, ինչը էապես ազդել է ընտրությունների արդյունքների վրա: կցանկանայի Ձեր ուշադրությունը սևեռել այնպիսի երեք կարեւոր հանգամանքի վրա, որոնք բնորոշում են անցած ընտրությունները եւ ցույց են տալիս ընտրակեղծարարության համատարածությունը...»։

Թեև ավելի վաղ հայտարարվել էր, որ 5-րդ գումարման Ազգային ժողովի պատգամավորներն իրենց մանդատները ԿԸՀ–ից կստանան մայիսի 29-ին, սակայն այսօր պարզվեց, որ այդ արարողությունը հետաձգվել է։ Այն տեղի կունենա մայիսի 30–ին՝ ժամը 16:00-ին։ Թե ո՞րն է հետաձգման պատճառը, «7օր»–ի հարցին ԿԸՀ մամուլի խոսնակ Հերմինե Հարությունյանը պատասխանել է՝ կազմակերպչական հարցերը։

ՀՀԿ մամուլի խոսնակ Էդուարդ Շարմազանովն այսօր լրագրողներին ասել է, որ ՀՀԿ գործադիր մարմնի նիստը տեղի է ունենալու մայիսի 30-ին՝ ժամը 20.00-ին։ Նրա խոսքերով՝ դրանից հետո պարզ կդառնան ՀՀ 5-րդ գումարման Ազգային ժողովի նախագահի, փոխնախագահների և վարչապետի անունները։

«Հայկ Բաբուխանյանը, էրեկ մեկ, էսօր էրկու, եկել մտել է ՀՀԿ, հայտարարություններ է անում, թե ինչ կանի այս կամ այն կուսակցությունը, երբ որ ԲՀԿ-ն հստակ հայտարարել է իր պաշտոնական դիրքորոշումը»,-Yerkir.am-ի հետ զրույցում նշել է Հանրապետական Ռաֆիկ Պետրոսյանը և ընդգծել, որ «որոշները» շատ բաներ են կարծում, մինչդեռ ԲՀԿ-ն հարցի պատասխանը հստակ է տվել:

Խոսելով ՀԱԿ–ԲՀԿ համագործակցության մասին՝ Կոնգրեսի համակարգողն ասել է, որ դա անհնար չի համարում. «Ժամանակին այդ մասին խոսել է նաև Լևոն Տեր-Պետրոսյանը։ Ընտրությունների ժամանակ մենք համագործակցեցինք միասնական շտաբի ֆորմատում»։

Արամ Կարապետյանի կարծիքով ԲՀԿ–ն անցել է կառուցողական ընդդիմության դաշտ, ինչը եզակի դեպք է մեր տարածաշրջանի համար և հատուկ է ավելի շատ արևմտյան ժողովրդավարական քաղաքական համակարգերին։

ՀՀԿ գործադիր մարմնի նիստին ներկա հանրապետականների վկայությամբ` Սերժ Սարգսյանը զայրացած է եղել: Նա մի քանի անգամ կրկնել է, որ այժմ իրենք մենակ են մնացել, և մեղադրել է կուսակիցներին շատ խոսելու և ոչինչ չանելու մեջ: Նշենք նաև, որ ի տարբերություն ՀՀԿ Գործադիր մարմնի նախորդ նիստի, երեկ Սերժ Սարգսյանը արագ մտել է կուսակցության կենտրոնական գրասենյակի շենք՝ չշփվելով լրագրողների հետ։

Հայաստանի Հանրապետական կուսակցությունն ավարտում է քաղաքական խորհրդակցությունների շարքը` խորհրդարանական ընտրություններից հետո մեր երկրում ձևավորված դրական միջավայրն ամրապնդելու և զարգացմանը միտված համագործակցային մթնոլորտ ապահովելու ուղղությամբ:

«ԲՀԿ–ի՝ կոալիցիայի մաս չկազմելու հանգամանքն ազդեցություն կունենա Հայաստանի ներքին քաղաքական զարգացումների վրա։ Փաստացի սկսվել է նախագահական ընտրությունների նախընտրական շրջանը, ոչ պաշտոնական, բայց սկսվել է: Ես այս պահին չեմ կարող հեռու գնացող վերլուծություններ անել. փաստը կարևոր է, և նորից եմ կրկնում՝ դա անպայմանորեն կազդի բոլոր կուսակցությունների պահվածքի, դիրքորոշումների վրա, ինչու չէ՝ նաև նախագահական ընտրությունների ընթացքի վրա»։

«Խորհրդարանական ընտրությունների արդյունքում «Բարգավաճ Հայաստանը» ստացավ մոտ կես միլիոն ձայն: Ընտրությունների արդյունքներով` ԲՀԿ-ն չունի կառավարություն ձևավորելու և իր ծրագրերը իրականացնելու սահմանադրական հնարավորություն: Ելնելով վերը նշյալից` ես պաշտոնապես հայտարարում եմ, որ «Բարգավաճ Հայաստան» կուսակցությունը նպատակահարմար չի գտնում մասնակցել կոալիցիոն կառավարության ձևավորմանը»:

«Լիբերալները համարում են, որ մասնավոր սեփականությունը սրբություն է, և պետությունն իրավունք չունի կարգավորել հանրային հարստության բաշխումը: Սոցիալիստները համարում են, որ մասնավոր սեփականությունը բավական օգտակար է... Իսկ հայկական կառավարությունը համարում է, որ կարելի է միայն խլել: Ինչո՞ւ հետո բաժանել»