Սեպտեմբերի 9-ին Արարատի, Արմավիրի, Լոռու, Շիրակի և Սյունիքի մարզերում տեղի կունենան ՏԻՄ ընտրություններ: Ընդհանուր առմամբ, 535 համայնքներից 379-ում տեղի կունենան համայնքի ղեկավարի, իսկ 454-ում՝ ավագանու ընտրություններ: Հայաստանի 18 քաղաքներում նշանակված են քաղաքապետի ընտրություններ:

Երեկ հրաժարական է տվել ԱԺ–ում ՀՀ նախագահի ներկայացուցիչ Գառնիկ Իսագուլյանը։ Ըստ մամուլում շրջանառվող տեղեկությունների՝ Բաղրամյան 26–ից հաղորդել են նաև, որ Սերժ Սարգսյանի հրամանագրով Իսագուլյանին այդ պաշտոնում կփոխարինի Վիկտոր Դալլաքյանը։

«Կրակած փամփուշտի պես էր հայտարարությունը, ինչպես արտգործնախարարի ելույթը: Այս իրադարձությունից մենք կարող ենք քաղաքական դիվիդենտներ շահել: Երևույթը բավականին բացառիկ քաղաքական պոտենցիալ ունի, բայց շատ կարևոր է զգացականից անցնել պատասխանատվության դաշտ»։

«Այն, որ Բալասանյանը հերքեց Սերժ Սարգսյանի այդ հայտարարությունը, կարելի է նաեւ ապտակ որակել գործող նախագահին: Հարց է ծագում` ինչո՞ւ Սերժ Սարգսյանը նման հայտարարություն արեց։ Ես մեկ բացատրություն եմ տեսնում. ԱԺ ընտրությունների արդյունքներից հետո Սերժ Սարգսյանը հասկացել է, որ Գյումրիում նույն սցենարն էր կրկնվելու, ինչ Իջեւանում...»։

Նաիրա Զոհրաբյան. «Իմ տպավորությամբ, մեր բոլոր դեսպաններն ու ներկայացուցիչները խորապես չեն հասկանում Հայաստանի արտաքին քաղաքականության գերակայությունները, որ իրենք պարտավոր են պաշտպանել տվյալ դեպքում: Նրանց թվում է, թե գերակայությունը երկու միջոցառում է` ապրիլի 24-ին լացակումած կանգնել Ցեղասպանության ինչ-որ հուշակոթողի մոտ և սեպտեմբերի 21-ին տոնական ֆուրշետ կազմակերպել»։

Սերժ Սարգսյանի հայտարարությունից ժամեր անց Սամվել Բալասանյանը Կենտրոնի եթերում ասել է, թե ինքը քաղաքապետի թեկնածու է առաջադրվել առաջին հերթին հենվելով խորհրդարանական ընտրությունների ժամանակ Գյումրիում ԲՀԿ-ի հավաքած ահռելի ձայների վրա: Բացի այդ, նա շեշտել է, որ իրեն քաղաքապետի թեկնածու է առաջադրել ԲՀԿ խորհուրդը, ինչի համար շնորհակալ և երախտապարտ է ԲՀԿ նախագահ Գագիկ Ծառուկյանին:

Բնականաբար, լիարժեք ՏԻՄ համակարգ երբեք չի կայանա պարտադրված ընտրությունների միջոցով։ Երբեմն տեղական «հեղինակությունները» իրենց վրա պետական գործառույթներ են վերցնում ու մնում անպատիժ։ Դա հյուծում է մեր երկիրը, պառակտում հասարակությունը։ Թալինի, Ախթալայի, Կապանի, Գյումրիի օրինակները հուշում են, որ այդ երևույթները եզակի չեն և ընդհանրական դառնալու միտում ունեն։

Եթե Հայրապետյանը ետ չվերցնի դիմումը, ապա սեպտեմբերի 21-ին այն կհամարվի ընդունված: Նշենք, սակայն, որ այս օրերին թիվ 1 ընտրատարածքում, որտեղ մեծամասնական ընտրակարգով պատգամավոր էր ընտրվել Ռուբեն Հայրապետյանը ստորագրահավաք է սկսվել՝ ի պաշտպանություն վերջինիս մանդատը վայր չդնելուն։ Բնակիչներին զանգում և խնդրում են, որ նրանք ստորագրեն համապատասխան հանրագրի տակ, որով խնդրում են Հայրապետյանին վայր չդնել իր պագամավորական մանդատը։

Հունգարահայ գաղութի ներկայացուցիչներն, անդրադառնալով ադրբեջանցի մարդասպան Ռամիլ Սաֆարովի հետ կապված աղմկահարույց իրադարձություններին, մի նամակ են հրապարակել, որում նշվում է, որ ՀՀ ԱԳՆ–ն Սաֆարովին արտահգանձնելու դեպքից 11 օր առաջ տեղյակ էր, որ մարդասպանն արտահանձնվելու է Ադրբեջան։

Անհրաժեշտ է պետականորեն ծրագրված հստակ քայլեր ձեռնարկել` այս պարտության հետևանքները մեղմելու և միջազգային ասպարեզում կորցրածը ետ բերելու նպատակով: Պահանջում ենք վերատեսության ենթարկել ԵԱՀԿ Մինսկի խմբի ձևաչափով Ղարաբաղյան հարցի վերաբերյալ Ադրբեջանի հետ բանակցությունները շարունակելու նպատակահարմարությունը:

«Այստեղ խնդիրը, ինձ համար, նույնիսկ Ադրբեջանը չէ։ Ինչո՞վ էր զբաղված մեր ԱԳՆ–ն, ինչո՞վ էին զբաղված մեր դեսպանները։ Ըստ էության նրանք որևէ բան չեն արել։ Հիմա էլ արդարանում են, թե, գիտե՞ք, մինչև վերջին պահը մեզ ասել են, թե նման բան չի կարող լինել և այլն։ Դա առնվազն մանկամտություն է»։

«Ռամիլ Սաֆարովի ազատ արձակվելը, մեկ անգամ եւս ցույց է տալիս, որ ի դեմս իշխող վարչախմբի մենք գործ ունենք ոչ թե ազգային շահով ու ազգային արժանապատվությամբ մտահոգ ղեկավարության, այլ բոլոր ջանքերը միայն սեփական հարստացման ու իշխանության պահպանմանն ուղղած գծուծ ու անկարող մի խմբակի հետ»։

«Գորիկ Գուրգենիչ (ՀՀ ԱԱԾ տնօրեն), խորհրդակցությունից անմիջապես հետո կգաք ինձ մոտ` հատուկ հանձնարարություն ունեմ Ձեզ տալու»։

ՀԱԿ անդամ Աշոտ Սարգսյանն անդրադարձել է Լոնդոնում տեղի ունեցած օլիմպիական խաղերի շուրջ Հայաստանում տիրող մթնոլորտին ու տվել իր գնահատականը։

«Մեզ համար անընդունելի է տեղական ընտրության կուսակցականացումը` հաշվի առնելով, որ հատկապես փոքր քաղաքներում կրքերի շիկացումը հանգեցնում է ակնհայտ թշնամանքի, 1937թ. հիշեցնող մթնոլորտի: Եթե «ընտրություն» կոչված այս ներկայացումը այնուամենայնիվ կայանա, կապանցիներին կոչ ենք անելու բոյկոտել եւ մասնակից չդառնալ այդ խայտառակությանը»:

Պարզվել է, որ միջադեպը տեղի է ունեցել Ախթալայի քաղաքապետ, սեպտեմբերի 9-ին կայանալիք ընտրություններում քաղաքապետի թեկնածությունն առաջադրած Հայկազ Խաչիկյանի (ՀՀ աշխատանքի և սոցիալական հարցերի նախարարության սոցիալական ապահովության պետական հիմնադրամի նախկին պետ Վազգեն Խաչիկյանի եղբոր) տան մոտ։ Խաչիկյաններն այդ ամենում կասկածում են մանկապղծության համար դատապարտված Սերոբ Տեր-Պողոսյանի թիկնապահներին։

Մեր ունեցած տեղեկություններով՝ այս օրերին Բաղրամյան 26–ում ակտիվորեն քննարկվում և ավարտին է մոտենում նախագահական ընտրությունների ժամանակ իշխանական ածանցյալ թեկնածուների ցանկը: Ըստ այդմ, գործնականորեն արդեն որոշված է, որ առաջադրվելու է «Հանրապետություն» կուսակցության նախագահ Արամ Զավենի Սարգսյանը:

Գյումրիում ծեծի ու կրակոցների գործով երեկ ձերբակալվել է կասկածյալ, Գյումրու քաղաքապետ Վարդան Ղուկասյանի թիկնապահներից մեկը՝ Հարություն Համբարյանը: Հիշեցնենք, որ օգոստոսի 24-ին, ժամը 22.30-ի սահմաններում, Գյումրիի Սայաթ-Նովայի և Ռուսթավելու փողոցների խաչմերուկում գտնվող սրճարանի դիմաց մի խումբ անձինք, կոպիտ կերպով խախտելով հասարակական կարգը, վիճաբանություն էին հրահրել, ծեծի ենթարկել միմյանց, որի ընթացքում նաև կրակոցներ էին հնչել: