Ըստ ՀՀԿ խմբակցության ղեկավարի՝ ՀԱԿ–ի սեպտեմբերյան հանրահավաքում հնչեցվելիք ելույթների բովանդակությունն արդեն կարելի է կռահել։ «...ու նորից վերադառնալու ենք ավազակապետությանը, որ «հեսա գալու ենք», «հեսա եկանք», «դուք տեսեք՝ ինչ ենք անելու», դրա համար իբրև թե առկախեցին»,–ասել է նա։

Մի խումբ Հասարակական կազմակերպություններ հանդես են եկել հայտարարությամբ, որում պահանջում են անհապաղ միջոցներ ձեռնարկել բանակում տիրող իրավիճակը շտկելու ուղղությամբ։ «Մեկ ամսում գործուն քայլեր չձեռնարկելու պարագայում հայկական բանակում տիրող իրավիճակի համար մեղավոր և հովանավոր ենք համարում ՀՀ գլխավոր գերագույն հրամանատար Սերժ Սարգսյանին և պահանջում նրա հրաժարականը»,–ասված է հայտարարության մեջ։

Այսօր ՀԱԿ ներկայացուցիչ, ՍԴՀԿ անդամ Գուրգեն Եղիազարյանը և ՀՀԿ խմբակցության անդամ Լեռնիկ Ալեքսանյանը համատեղ ասուլիսում հայտարարեցին, որ երկխոսությունը կլինի ու կշարունակվի։

«7օր»–ը ՀՀ մարքսիստական կուսակցության ղեկավար Դավիթ Հակոբյանից փորձել է պարզել՝ արդյոք իրականությանը համապատասխանո՞ւմ են այս տեղեկությունները, թե «Մեկ ազգ, մեկ մշակույթ» հիմնադրամի նախկին ղեկավար Թամարա Պողոսյանը Հայաստանի սփյուռքի նախարարության հետ ունեցած խնդիրներից և հիմնադրամը լքելուց հետո անդամագրվել է Մարքսիստական կուսակցությանը: «Քաղաքական էրոտիկա. ոչինչ ավելին։ Անաստված սուտ։ Այսքանը»,–մեզ հետ զրույցում ասել է Դավիթ Հակոբյանը։

«Ազգային համաձայնություն» կուսակցության նախագահ Արամ Հարությունյանը «7օր»–ի հետ զրույցում ընդգծել է, որ Հայ ազգային կոնգրես–իշխանություն երկխոսությունը միմիայն անհրաժեշտ էր ՀԱԿ–ին և իշխանությանը, վերջինիս, որ հեղափոխական շրջանն անցնցում անցնի, իսկ ՀԱԿ–ին՝ ժամանակ ձգելու՝ ընտրություններից առաջ ֆալստարտ չտալու համար։

«Կոնկրետ ինձ համար տհաճ է ՀԱԿ–ի հետ երկխոսության նստելը, բայց քանի որ ժողովրդի մոտ խնդիր կա, մենք պարտավոր ենք ավելի բաց լինելու։ Տհաճ է, որովհետև ես այդ մարդկանց ճանաչում եմ. ժողովուրդը մի խոսք ունի՝ դաբախանից գիտեմ ես բոլորին»։

«Wikileaks»–ը հերթական սկանդալային նյութն է հրապարակել, որը վերաբերում է Հայաստանին։ «Wikileaks»–ի հրապարակման մեջ նշվում է, թե ՄԱԿ–ի գրասենյակում համոզված են, որ Հայաստանի քաղաքական ու պետական վերնախավը ներկայացնող որոշ այրեր, այդ թվում՝ նախկին նախագահ Լևոն Տեր–Պետրոսյանն անձնապես օգտվում են թմրանյութերի առևտրից։

«WikiLeaks»–ը շարունակում է բացահայտումներ անել ՀՀ ներքաղաքական կյանքի մասին։ 2007թ. օգոստոսի 3–ին ՀՀ–ում ԱՄՆ դեսպանի պաշտոնակատար Ռուդոլֆ Փերինայի կողմից ԱՄՆ Պետդեպարտամենտին ուղարկված հաղորդագրությունում նշվում է, որ ԱՄՆ Միջազգային զարգացման գործակալության պատվերով 2007թ. հարցախույզի արդյունքում պարզ է դարձել, որ...

Այսօր նախատեսված հանդիպմանը ՀԱԿ–ի չներկայանալուց հետո կոալիցիայի աշխատանքային խմբի ղեկավար Դավիթ Հարությունյանը հայտարարել էր, որ տանգո պարելու համար անհրաժեշտ է երկու հոգի. երկխոսությունը չի լինում միակողմանի, և այն կախված է յուրաքանչյուր կողմի կամքից ևս:

Արդեն տեղեկացրել ենք, որ այսօր նախանշված ՀԱԿ–իշխանություն հերթական հանդիպումից առաջ Կառավարության ընդունելությունների տուն է ժամանել միայն ՀԱԿ–ի պատվիրակության անդամ Սամվել Աբրահամյանը և հայտարարել, որ այսօրվա քննարկմանն իրենց մասնակցությունը համարում են ոչ նպատակահարմար: «Շատ ցավում եմ այս դեմարշի համար: Կարծում եմ, որ դա էթիկայից դուրս է։ Մենք մինչև հիմա մեզ թույլ չենք տվել այդպես վարվել»,–ասել է կոալիցիայի աշխատանքային խմբի ղեկավար Դավիթ Հարությունյանը։

Անդրադառնալով Թուրքիայի նոր խորհրդարանի կողմից հայ–թուրքական արձանագրություններն անվավեր ճանաչելուն՝ ՀՀ ԱԺ փոխնագահ Սամվել Նիկոյանը «7օր»–ին ասել է, որ թուրքական իշխանությունների այդ քայլը պայմանավորված է իրենց օրենսդրությամբ։

ՀՀԿ–ական Մկրտիչ Մինասյանն ասել է, որ արտահերթ ընտրություններ ուղղակի չեն կարող լինել։ «Արտահերթ ընտրությունների հետ կապված ես թերահավատ եմ: Չեմ կարծում, որ անգամ ՀԱԿ-ը պատրաստ է արտահերթ ընտրությունների»,-իր հերթին ասել է ԼՂ նախկին արտգործնախարար Արման Մելիքյանը։

«Ժառանգություն» խմբակցության ղեկավար Ստեփան Սաֆարյանը մամուլի ասուլիսում ընդգծել է, որ այսօր Հայ ազգային կոնգրեսն այս իշխանություններին այլընտրանք ընկալվել չի կարող, քանի որ երկրի հիմնական հարցերում նրանց մոտեցումները նույնական են։

Կոալիցիայի աշխատանքային խմբի ղեկավար Դավիթ Հարությունյանը նշել է, որ առկա է ընդհանրական մոտեցում, որ իրավական համակարգը գործել է ոչ խտրական, և աշխատանքային խումբը համոզմունք ունի, որ իրավական համակարգը շարունակելու է գործել նույն կերպ:

Սեպտեմբերին Լոս Անջելեսում տեղի է ունենալու Հայաստանի հյուպատոսության նոր շենքի բացման արարողությունը։ Նախատեսվում է, որ այդ արարողությանը մասնակցելու է նաև ՀՀ նախագահ Սերժ Սարգսյանը: Լոս Անջելեսում բնակվող հայերը ստորագրահավաք են սկսել՝ Սերժ Սարգսյանին ԱՄՆ մուտք գործելու իրավունքից զրկելու պահանջով: Լոս Անջելեսում հեռարձակվող «Վարագույր» հայկական հեռուստածրագրի հեղինակ Ռուդիկ Հովսեփյանն ասել է, որ արդեն 15 հազար մարդ միացել է այդ ստորագրահավաքին։

«Ինչ վերաբերում է ապատեղեկատվություն տարածող լրատվամիջոցներին, ապա ցանկալի կլիներ, որ նրանք փորձեին փոխել իրենց մոտեցումը` հրապարակելով առողջ քննադատություն և միայն փաստարկված տեղեկատվություն` այդպիսով նպաստելով պետության համար կարևոր այն խնդիրների լուծմանը, որն իրականացնում է Պետական եկամուտների կոմիտեն»:

ՀՅԴ Գյումրու ներկայացուցիչներն արդեն մի քանի օր է, ինչ կարմիր վրան են տեղադրել Գյումրու կենտրոնական Սայաթ-Նովա փողոցում: Քաղաքացիներին կոչ է արվում մասնակցել ՀՀ կառավարությանը անվստահություն հայտնելու ստորագրահավաքին։

«Քննարկվել է օգոստոսի 9-ին Հայ ազգային կոնգրեսի ակտիվիստների եւ ոստիկանության աշխատակիցների միջեւ տեղի ունեցած միջադեպը, պայմանավորվածություն է ձեռք բերվել շարունակել քննարկումը ուրբաթ օրը, նաեւ պայմանավորվում ենք առայժմ ձեռնպահ մնալ միջադեպի քննարկման մանրամասների մասին մեկնաբանություն տալուց»,–նշված է կողմերի համատեղ հայտարարության մեջ։ Հաջորդ հանդիպումը կկայանա ուրբաթ օրը։