2011թ. համեմատ, առաջատար հնգյակի կազմը կազմը մնացել է անփոփոխ՝ «Զանգեզուրի պղնձամոլիբդենային կոմբինատ» (31.7 մլրդ դրամ), «Հայռուսգազարդ» (30.9 մլրդ դրամ), «Ղ-Տելեկոմ», ապրանքանիշը՝ «Վիվա Սել-ՄՏՍ» (21.7 մլրդ դրամ), «Ալեքս Գրիգ» (17.4 մլրդ դրամ), «Արմենտել» (11.4 մլրդ դրամ): Առաջատար տասնյակում ընդգրկված են նաև վառելիքի ներկրմամբ զբաղվող «Ֆլեշ» և «Սիթի պետրոլ գրուպ» ընկերությունները, «Հայաստանի էլեկտրական ցանցերը», «Դինո գոլդ մայնինգ քամփնին» և ծխախոտի ներկրմամբ զբաղվող «Ավերսը»:

«Ագրարագյուղացիական միավորում» ՀԿ նախագահ Հրաչ Բերբերյանը հայտնել է, որ նախորդ տարվա համեմատ անասնակերի մեկ պարկը վաճառվում է երկու անգամ թանկ գնով՝ 2500-3000 դրամով։ Իսկ Սյունիքի մարզի արոտավայրերը Իրանին վարձայակալության տալու մասին Բերբերյանը նշել է, որ դրանք պետք է մնան տվյալ երկրի համար, բայց օգտագործվեն:

ՀՀ ֆինանսների նախարարության աշխատակազմի ֆինանսական վերահսկողության տեսչությունը Գյումրիի քաղաքապետարանում 2012թ նոյեմբեր-դեկտեմբեր ամիսների ընթացքում իրականացրել է ստուգում ՀՀ Շիրակի մարզի քննչական բաժնի քննչի 24.10.2012թ. «Մասնագիտական ստուգումներ նշանակելու մասին» կայացրած որոշմամբ առաջադրված հարցերի շրջանակներում: Ստուգումների վերաբերյալ նյութերը 29.01.2013 թվականին ուղարկել է ՀՀ ոստիկանության քննչական գլխավոր վարչություն:

Ըստ Ազգային վիճակագրական ծառայության տվյալների՝ 2012թ. դեկտեմբերին՝ նոյեմբեր ամսվա համեմատ, սպառողական գների ինդեքսի հավելաճը կազմել է 2,1%: Այդ թվում պարենային ապրանքները թանկացել են 4,0%–ով, հագուստն ու կոշիկը՝ 0,5%–ով, բնակվարձը, վառելիքը, էլեկտրաէներգիան՝ 0,2%–ով, բուժսպասարկումը և դեղորայքը՝ 0,7%–ով, մշակույթի ապրանքները և ծառայությունները՝ 0,9%–ով։

2013թ. հունվարի 29-ից «ՍԱՍ ԳՐՈՒՊ» ՍՊԸ-ի անվանական արժեկտրոնայինպարտատոմսերը ցուցակվել են ՆԱՍԴԱՔ ՕԷՄԷՔՍ Արմենիայի կողմից և ընդգրկվել Bbond ցուցակում: Այս թողարկումը ներառում է 10 ԱՄՆ դոլար անվանական արժեքով, 24 ամիս մարման ժամկետով և 10.1% տարեկանեկամտաբերությամբ 700,000 պարտատոմս: Պարտատոմսերը բորսայումկշրջանառվեն SASGB1 բորսայական հապավմամբ:

–Մենք կանգնած ենք գների հերթական բարձրացման շեմին։ Դրանք անընդհատական թանկացումներ են։ Արդեն հայտնի է, որ բնական գազի սակագինը բարձանալու է, և բնականաբար սպասելի է, որ դրան կհետևի որոշ ծառայությունների գների բարձրացումը,–հայտարարել է «Սպառողների միություն» ՀԿ-ի նախագահը։

«ՉԻ». «Մեր աղբյուրների փոխանցմամբ` «Ռոսգոսստրախ Արմենիան» գնել է կամ «Գարանտ Ինշուրանսը», կամ էլ «Ինգո Արմենիա» ապահովագրական ընկերություններից որեւէ մեկը: Նկատենք, որ «Գարանտ Ինշուրանսի» սեփականատերը ԱԺ ՀՀԿ-ական պատգամավոր, ԱԺ առողջապահության հարցերի մշտական հանձնաժողովի նախագահ Արա Բարլոյանն է, իսկ «Ինգո Արմենիայի» սեփականատերը ՀՀ վարչապետ Տիգրան Սարգսյանն է»։

ՄԱԿ–ի մամուլի ծառայության փոխանցմամբ՝ Աշխատանքի միջազգային կազմակերպության փորձագետների նոր զեկույցում ասվում է, որ երիտասարդների գործազրկության առումով ԱՊՀ երկրներից ամենաբարդ իրավիճակը Հայաստանում է։ Մասնավորապես, Հայաստանում երիտասարդների գործազրկությունը կազմում է 39,1%, իսկ օրինակ Ռուսաստանում այն 15,8% է։ Եվ ընդհանրապես՝ Ռուսաստանում վերջին մեկ տարվա ընթացքում գործազուրկների բանակը կրճատվել է գրեթե 1,5 մլն մարդով։

«Այգին թևակոխել է զարգացման նոր փուլ. ամայացվում են տարածքներ` հետագայում օտարելու նպատակով, կենդանիներին սովի են մատնել` սատկացնելու նպատակով, աշխատակիցներին միմյանց դեմ են տրամադրում` քայքայելով կոլեկտիվը` ստիպողաբար ստորագրել են տալիս գրություններ, որոնք վարկաբեկում են մեկը մյուսին, կեղծ տեղեկավություն են տարածում այգում նոր կենդանիների համալրման վերբերյալ` ընձուխտներ, փղեր, և այլն, թաքցնելով տգիտության և անտերության մատնելու հետևանքով կենդանիների անկումները»։

Նախարարը տեղեկացրեց, որ նախորդ հանդիպումների ընթացքում իրենց կողմից բարձրացված հարցերի շուրջ տեղի ունեցած քննարկումներից հետո ՀՀ առողջապահության նախարարության համապատասխան ստորաբաժանման մասնագետները մանրամասն վերլուծություններով և կոնկրետ առաջարկներով պաշտոնական փաստաթուղթ են պատրաստել, որը նախարարի ստորագրությամբ ուղարկվել է ՀՀ ֆինանսների նախարարին։

Ինչպես պնդում են «Ժողովուրդ» օրաթերթի լավատեղյակ աղբյուրները, գազի սակագնի շուրջ կայացվել է վերջնական որոշում, ապրիլի 1-ից «Գազպրոմ»-ը Հայաստանին գազը վաճառելու 11000 խմ-ն 240 դոլարով այժմյան 180 դոլարի փոխարեն: Ըստ թերթի տեղեկությունների` համապատասխան պայմանագիրն արդեն պատրաստ է, մնում է պաշտոնական հրապարակումը: Ամենայն հավանականությամբ, այն կհրապարակվի արդեն նախագահական ընտրություններից հետո:

«ՉԻ». «ՀՀ կառավարության հորդորով Երևանի քաղաքապետարանը սկսելու է ավտոկայանատեղերի «բաշխման» նոր կարգ սահմանել: Համաձայն նոր կարգի` ավտոկայանատեղերի վրա ևս տենդեր է հայտարարվելու: Այսինքն` ավտոկայանատեղեր «շահագործելու», ըստ այդմ՝ շահույթ են ստանալու այն անհատները կամ կազմակերպությունները, որոնք շահելու են հայտարարված տենդերը»։

ՀՀ տարածքայն կառավարման նախարարության միգրացիոն պետական ծառայությունը հրապարեկել է 2012թ. վիճակագրությունը։ Ըստ այդմ` նախորդ տարվա ընթացքում Հայաստանից մեկնել է 2 միլիոն 234 հազար 597 մարդ և ժամանել` 2 մլն 191 հազար 833-ը: Մեկնողների և ժամանողների թվի տարբերությունը` բացասական սալդոն, կազմել է 42 հազար 764 մարդ:

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 14.01.13թ.-20.01.13թ.-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով...

Գուցե, սխալմամբ, ստեղծվել է այնպիսի իրավիճակ, երբ որևէ պետական կառույց չի զբաղվում հացամթերքի արտադրամասերի լիցենզավորմամբ կամ գործունեության վերահսկմամբ: Այդ դեպքում խնդրում ենք տվյալ ոլորտի լիցենզավորումը հանձնարարել որևէ պետական կառույցի` հետագայում նման խայտառակ իրավիճակից խուսափելու համար:

2013թ. հունվարի 1-ից «Հարավկովկասյան երկաթուղի» ՓԲԸ-ն փոփոխություններ է կատարել ներհանրապետական ուղևորափոխադրումների ոլորտում գործող սակագներում: Սակագնային փոփոխություններում հաշվի են առնված 50 կմ հեռավորությամբ երթևեկող միջին վիճակագրական ուղևորի շահերը: Դա Արմավիր, Արարատ, Հրազդան կայարանների ուղևորներն են: Այս կարգի ուղևորների համար տոմսի արժեքը պահպանվել է անփոփոխ՝ 300 դրամի սահմաններում:

Մինչ ահունվարի 31-ը, համաձայն Ճանապարհային ոստիկանության հետ ձեռք բերված համաձայնության, 2013թ տեխզննման կտրոններ չունեցող քաղաքացիների նկատմամբ վարչական իրավախախտման վերաբերյալ արձանագրություններ չեն կազմվի, եթե վերջիններս ներկայացնեն 2012թ. գույքահարկի զրոյական անդորրագիրը:

«ՀՀ-ում հունվարի 1-ից 4-ը հաց չի եղել, մասնավորապես, չեն աշխատել Հայաստանում գործող հացի արտադրամասերը: Սա Հայաստանի Հանրապետության որոշ մարզերում բերել է հացի գնի կտրուկ թանկացման որոշ վաճառակետերում: Այլ կերպ ասած, այն վաճառակետերում, որտեղ հնարավոր է եղել գտնել հաց, այն արժեցել է որոշ դեպքերում մի քանի անգամ ավելի թանկ, քան մինչ Ամանորյա տոները»։