ՀՀ բնապահպանության նախարարության կողմից 02.05-11.05.2012թթ ընկած ժամանակահատվածում իրականացված ստուգումների, շրջայցերի ընթացքում հայտնաբերված խախտումների, տարածքային բաժինների վարույթին հանձնված գործերի քննության և եռամսյակային հաշվետվությունների ընդունման գործընթացում հայտնաբերված խախտումների արդյունքում ԲՊՏ կողմից կայացվել է 680.0հազ.դր ընդհանուր գումարով վարչական տուգանքի 11 որոշում...

Այսօր «Նասդաք OMX Արմենիա» բորսայում ամերիկյան դոլարի փոխարժեքի նոր ռեկորդ է սահմանվել։ Դոլարի միջին փոխարժեքը 2012 թվականին առաջին անգամ գերազանցել է 394 դրամի սահմանը՝ մայիսի 11–ի միջին փոխարժեքը կազմել է 394.47 դրամ։ Հայաստանի ֆինանսական շուկայում շարունակվող ԱՄՆ դոլարի փոխարժեքի աճը պայմանավորված է ՀՀ դրամի արժեզրկմամբ։

«Ֆլեշ» ընկերության սեփականատեր Բարսեղ Բեգլարյանը Սերժ Սարգսյանի և Տիգրան Սարգսյանի մերձավոր շրջապատի ներկայացուցիչներից է։ Տիգրան Սարգսյանը, պատասխանելով «7օր»–ի հարցին, ասել էր. «Ի՞նչ է՝ վարչապետը մտերիմներ չպե՞տք է ունենա»

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 07.05.12-13.05.12թթ.-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով...

ՀԿԵ-ն սկսել է աշխատանքը «Մոբիլ-Թիվի» ընկերության հետ 2010 թվականին, և այդ ընթացքում արտադրանքը մատակարարվում է ստույգ ժամկետներում: Իսկ 2012 թվականին ընկերությունը ստացել է Ռուսաստանի Դաշնության Տեխնիկական կարգավորման և չափագիտության դաշնային գործակալության համապատասխանության հավաստագիրը:

«Մեզ անհրաժեշտ են փոփոխություններ: Մեր այն թիմը, որ Ռոբերտ Քոչարյանի պաշտոնավարման ժամանակ ապահովել է երկրի անվտանգությունը և երկնիշ տնտեսական աճը, ունի այդ փորձն ու կարողություններն այսօր նույնպես իրականացնել փոփոխություններ»

2011թ. դեկտեմբերի համեմատ (53 288 դրամ) նվազագույն սպառողական զամբյուղը թանկացել է մոտ 2000 դրամով: Նվազագույն սպառողական զամբյուղում օրական առկա են հացամթերք, տավարի միս, կաթ, կաթնաշոռ, կենդանական և բուսական յուղ, պանիր, կարտոֆիլ, բանջարեղեն, միրգ, շաքար, կես ձու, ձուկ, մարգարին:

ՀՀ ագրարագյուղացիական միավորման նախագահ Հրաչ Բերբերյանն այսօր լրագրողներին ասել է, որ ՀՀ գյուղնախարարությունը զբաղվում է ամեն ինչով, բացի գյուղատնտեսությունից, իսկ նախարար Սերգո Կարապետյանի մասին խոսելիս ասել է՝ 3-4 կուսակցության անդամ է եղել, պետական տարբեր պաշտոններ է ունեցել, հիմա էլ այդ կուսակցություն է սողոսկել։ Բերբերյանը վստահ է նաև, որ թեև գյուղնախարարն ՕԵԿ–ական է, սակայն գյուղերում այդ կուսակցությունը շատ ձայն չի հավաքի:

2012 թվականի հունվար-մարտ ամիսներին ՀՀ պետական բյուջեն կատարվել է շուրջ 175.4 մլն դրամ պակասուրդով` առաջին եռամսյակի ծրագրով նախատեսված 26.8 մլրդ դրամ պակասուրդի դիմաց: Շեղումը հիմնականում պայմանավորված է այն հանգամանքով, որ ֆինանսավորման ներքին աղբյուրներում նախատեսված բյուջեի ազատ միջոցներից 18.4 մլրդ դրամ օգտագործելու փոխարեն դրանք ավելացել են 9.0 մլրդ դրամով:

«Երկիրը» գրում է, թե լուրեր են պտտվում, որ գյուղնախարար Սերգո Կարապետյանը հրաժարական է տալու: «Չի բացառվում, որ պատճառը ՕԵԿ-ում տիրող խուճապային տրամադրություններն են` կապված մի քանի առանցքային դեմքերի հեռացման, բայց հատկապես` կուսակցության նկատմամբ Սերժ Սարգսյանի ակնհայտորեն փոխված տրամադրվածության հետ»,- գրում է թերթը:

Մուտքի վիզաների դյուրացման համաձայնագրով ՀՀ քաղաքացիների համար կնախատեսվեն Շենգենյան գոտու երկրներ մուտքի արտոնագրեր ստանալու դյուրացված ընթացակարգեր: Համաձայնագրով սահմանվում է, որ Հայաստանի գիտնականները, ուսանողները, լրագրողները, գործարարները, սպորտի և արվեստի գործիչները և այլք վիզա կարող են ստանալ պարզեցված կարգով: Նախատեսվում է նաև նվազեցնել Շենգենի մուտքի արտոնագրերի գինը և դյուրացնել ընթացակարգերը:

ՀՀ վարչապետ Տիգրան Սարգսյանի բանկային հաշիվներին 2012 թվականի մարտի 1-ի դրությամբ եղել է 870 հազար դոլար և 35 մլն դրամ: Այսինքն, ինքն էլ չի հետևում Հայաստանում ավանդները ՀՀ դրամով պահելու իր հանրահայտ կոչին: Բերված տվյալները վերցված են Տիգրան Սարգսյանի կողմից ԿԸՀ ներկայացրած գույքի և եկամուտների մասին հայտարարագրից:

Քանի որ գազալցակայանների զգալի մասը պատկանում են ոչ պատահական մարդկանց, Տիգրան Սարգսյանին հորդորել են, սպասել մինչև ընտրությունների ավարտը, հետո նոր գործի անցնել, իսկ նոր դիսպենսորների ներկրման գործում ներգրավված է և շահագրգռվածություն ունի վարչապետի հարազատ եղբայրը` Չինաստանում ՀՀ արտակարգ և լիազոր դեսպան Արմեն Սարգսյանը:

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 23..04.2012-29.04.2012թթ-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով...

Հրանտ Բագրատյան. «2011թ ամռանը, հուլիսին, երբ պաշտոնական վիճակագրությունը փաստել էր, որ ՀՀ-ից մեկնածների թիվը 110 հազարով ավելի է, քան ժամանածներինը, իրար էիք խառնվել։ Խորհրդակցություն էիք հրավիրել ու բոլորիս բացատրեցիք բնակչության թվաքանակի առեղծվածը։ Նախ վարչապետը, հետո ՀՀ տարածքային կառավարման նախարարության միգրացիոն գործակալության պետ Գ.Եգանյանը հայտարարեցին, բա չեք ասի, սա սեզոնային միգրացիա է, հեսա աշունը կգա, մարդիկ ետ կգան ու ամեն ինչ տեղը կընկնի...»։

2012թ-ի հունվար-փետրվար ամիսներին միջազգային ուղևորահոսքերի բացասական մնացորդը /հանրապետությունից մեկնածների թվի գերազանցումը հանրապետություն ժամանածների թվին/ նախորդ տարվա նույն ժամանակահատվածի համեմատ ավելացել է 2,4 հազարով կամ 19,9%-ով և կազմել -14,4 հազար մարդ:

«2012 թ. ապրիլի 1-ի դրությամբ աշխատանք փնտրողների թիվը 78.6 հազար է, որը տարեսկզբի նկատմամբ նվազել է շուրջ 3.8 տոկոսով։ Շարունակում է բարձր մնալ գործազուրկ կանանց թիվը, որը կազմում է գործազուրկների ընդհանուր թվի 70.7 տոկոսը»,–ասել է «Զբաղվածության պետական ծառայություն» գործակալության պետի տեղակալ Արտակ Սիմոնյանը։

Հրանտ Բագրատյանի խոսքով՝ հանրապետականները բանավեճի չեն գալիս, որովհետև որևէ ասելիք չունեն, քանզի կառավարությունը և Սերժ Սարգսյանը չեն կատարել նախընտրական խոստումներից և ոչ մեկը։«Հանրապետականի նախընտրական ծրագիրը՝ լոլոներ են, այս անգամ որակական լոլոներ են. թիվ չկա...»,–ասել է ՀՀ նախկին վարչապետը։