Հարցին, թե այս դեպքում արդյոք էժան վառելիքի մատակարարումը չի՞ մոնոպոլացնի դաշտն ու կուլ չի՞ տա մանր ու միջին ներկրողներին՝ ՀՀԿ խմբակցության պատգամավոր Գագիկ Մելիքյանը պատասխանել է, թե ոչ։ «Ես կարծում եմ, որ դա վտանգ չի պարունակում իր մեջ՝ ավելին,կարծում եմ, որ նման ծրագրերը կարող են նպաստել ժողովրդի սոցիալական վիճակը թեթևացնելոն։ Վտանգավոր չէ, որովհետև դաշտը մոնոպոլիզացված չէ»,–ասել է նա։

«ՆԱՍԴԱՔՕԷՄԷՔՍ Արմենիա» բորսայում ամերիկյան դոլարը դրամի նկատմամբ թանկացավ 0.34 %-ով կամ 1.33 կետով: Ընդհանուր առմամբ, բորսայում վաճառվել է 2.05 մլն դոլար: Կանխիկ արտարժույթի շուկայում դոլարի առքն իրականացվում է 387 կամ 388 դրամով, վաճառքը՝ հիմնականում 390 դրամով:

ՊԵԿ Խոշոր հարկ վճարողների հարկային տեսչության աշխատակիցները Երևանի և Արտաշատ քաղաքի մի շարք առևտրի կետերում հայտնաբերել և կանխել են կասկածելի, ինչպես նաև ժամկետանց դրոշմանիշերով ոգելից խմիչքի վաճառքը:

Հայաստանի ՀՆԱ–ն 2011–ին կազմել է 9,8մլրդ դոլար, Վրաստանի ցուցանիշը 12,8 մլրդ դոլար է, իսկ Ադրբեջանինը՝ 72 մլրդ։ Գործատուների հանրապետական միության նախագահ Գագիկ Մակարյանը ներկայացրել է ՀՆԱ–ի կառուցվածքն ըստ ոլորտների։ Հայաստանում 2011թ. ՀՆԱ–ի կառուցվածքում 22%–ը կազմում է գյուղատնտեսությունը, 48%–ը՝ արդյունաբերությունը։

Հայաստանի ինտերնետ շուկայում նոր բաժնետեր է դարձել Ռուսաստանի հեռահաղորդակցության ոլորտի առաջատար ընկերություններից «Ռոստելեկոմը»։ Ռուսական լրատվամիջոցների փոխանցմամբ՝ «Ռոստելեկոմը» մտադիր է գնել նաև անկախ ինտերնետ մատակարար «Ucom» ընկերությունը։

Տեղեկացնենք, որ «Ֆլեշ» ընկերության սեփականատերը Բարսեղ Բեգլարյանն է, ով, ինչպես հայտնի է, Սերժ Սարգսյանի և Տիգրան Սարգսյանի մերձավոր շրջապատի ներկայացուցիչ է։ Կոռուպցիայի դեմ, հավանաբար, հենց այսպես են պայքարում։

Լուրեր են պտտվում, թե Հայաստանում Ավտոքաղաքացիական պատասխանատվության պարտադիր ապահովագրության (ԱՊՊԱ) վճարը կարող է բարձրանալ։ «7օր»–ը փորձել է պարզաբանում ստանալ «ԻՆԳՈ ԱՐՄԵՆԻԱ» ապահովագրական ընկերությունից։ Հարցին՝ կարո՞ղ է արդյոք ապահովագրական ընկերությունը հանդես գալ ապահովագրավճարի փոփոխման վերաբերյալ համապատասխան նախաձեռնությամբ, «ԻՆԳՈ ԱՐՄԵՆԻԱ»–ի աշխատակիցը պատասխանել է՝ ո՛չ, չի կարող։

Ազգային վիճակագրական ծառայությունից տեղեկացնում են, որ հանրապետությունում 2012թ. հունվարին գնաճը կազմել է 4.8%, ինչը տարեկան կտրվածքով վերջին 7 տարիների ընթացքում ամենաբարձրն է(գնաճի միջին ցուցանիշն տվյալ ժամանակահատվածում եղել է 2.5%)։ Ըստ ԱՎԾ–ի՝ հունվարին 2011թ. դեկտեմբերի համեմատ գրանցվել է 3.6% գնաճ։ Մեկ տարվա ընթացքում ամենամեծ գնաճն արձանագրվել է պարենային ապրանքների խմբում՝ 6%, իսկ ամենացածրը՝ ծառայությունների՝ 3.5%։

Դերենիկ Մալխասյան. «Շիրակի մարզպետարանից պաշտոնապես հայտնում են, որ մարզում կառավարության ջանքերի շնորհիվ անցած տարի գրանցվել է 60 տոկոսանոց տնտեսական աճ: Սակայն չեն կարողանում հստակ բացատրել՝ այդ աստղաբաշխական աճն ինչպես է անդրադարձել գյումրեցիների և մարզի մյուս բնակիչների վրա: Արտադրությամբ զբաղվող գործարարներն էլ ահազանգում են, որ վերջին տարիներին իրենց արտադրության ծավալները հետևողականորեն անկում են ապրել»։

Բենզալցակայանների մեծ մասում «ռեգուլյար» տիպի բենզինը վաճառվում է 450, «պրեմիումը»՝ 470, իսկ «Սուպեր» տեսակի բենզինը 500 դրամով։ Գնային փոփոխություն տեղի չի ունեցել դիզելային վառելանյութի շուկայում։ Այն վաճառվում է հիմնականում 440 դրամով։

«Forbes» ռուսական ամսագրի «Ռուսական անշարժ գույքի արքաները» ամենամյա վարկանշային աղյուսակում «Տաշիր» ընկերությունների խմբի սեփականատեր Սամվել Կարապետյանը 3–րդն է։ Աղյուսակում ներկայացված են առաջատար 30 գործարարների անունները։

Գյումրիում առևտրականներն ահազանգում են, որ արդեն տևական ժամանակ է, ինչ իրենք չեն կարողանում Թուրքիայից ապրանք ներմուծել Հայաստան, քանի որ ապրանքներ փոխադրող «Կարգո» համակարգն անհայտ պատճառներով չի աշխատում կամ հրաժարվում է սպասարկել հայ առևտրականներին:

««Ամերիաբանկ» ՓԲ ընկերությունը 25.01.2012թ. ՀՀ ոստիկանության ԿՀԴՊ գլխավոր վարչության աշխատակիցների հետ այցելել է Երևանի Հր.Քոչարի 2 հասցեում գտնվող Հայաստան հանրախանութը և փորձել է տարածքից վտարել տարածքում գտնվող անձանց: Տարածքը սեփականության իրավունքով պատկանել է Փայլակ Հայրապետյանին, որը Բանկի կողմից (մեր կարծիքով) ապօրինի կարգով վերցվել է ի սեփականություն»:

«Աշխատանքի միջազգային կազմակերպության» ամենամյա զեկույցում ընդգրկված տվյալներով՝ Ռուսաստանի Դաշնությունում աշխատող միգրանտների 13,7%–ը ՀՀ քաղաքացիներ են՝ այդպիսով զբաղեցնելով ցուցակի 3–րդ հորիզոնականը։ Առաջին տեղում՝ 17,6%, ուկրաինացիներն են, երկրորդ տեղում՝ 16,3%՝ ուզբեկները։ Ադրբեջանցի միգրանտները ՌԴ–ում 8,7% են կազմում։

Տիգրան Դավթյանը պնդել է, որ գործարարության համար բարենպաստ պայմանների ստեղծումը նախարարության գործունեության թիրախներից է, որի ուղղությամբ իրականացվելու են լայնամասշտաբ բարեփոխումներ:

Շիրակի մարզի Արփենի գյուղում մշակույթի տան հիմնանորոգումը ֆինանսավորած ռուսաստանցի թոշակառու, համատեղության կարգով Ռուսաստանի առևտրաարդյունաբերական պալատի ներկայացուցիչ Վալերի Ռուդակովը մշակույթի տան բացման ժամանակ լրագորողներին ասել է, որ Հայասատանի անկախացումը սխալ քայլ է եղել:

Բացասական եզրակացություն է ստացել ԱԺ մի խումբ պատգամավորների` օրենսդրական նախաձեռնության կարգով ներկայացված «Գույքահարկի մասին» ՀՀ օրենքում լրացում կատարելու օրինագիծը, որով առաջարկվում է գույքահարկի վճարումից ազատել 3-րդ և 4-րդ աստիճանի վթարային բազմաբնակարան բնակելի շենքերի բնակիչ ֆիզիկական անձանց։

Պետական եկամուտների կոմիտեի 2012-ի գործունեության հիմնական ուղղություններից է շարունակում մնալ Խոշոր հարկ վճարողների նկատմամբ անհատական մոտեցումը, ինչն իր հերթին ենթադրում է վերահսկողության ուժեղացում, միաժամանակ սպասարկման որակի բարձրացում: