Հոկտեմբերի 25–ին ՀՀ Ազգային ժողովում քննարկվել է ««ՀՀ օրենսդիր, գործադիր և դատական իշխանության մարմինների ղեկավար աշխատողների պաշտոնային դրույքաչափերի մասին» ՀՀ օրենքում փոփոխություններ և լրացում կատարելու մասին» ՀՀ կառավարության ներկայացրած օրինագիծը։ Որոշումը հոկտեմբերի 26–ին առաջին ընթերցմամբ ընդունվել է ձայների 85 կողմ, 11 դեմ և 6 ձեռնպահ հարաբերակցությամբ։

ԱԺ ֆինանսավարկային և բյուջետային հարցերի մշտական հանձնաժողովի նախագահի տեղակալ Արծվիկ Մինասյանի խոսքերով՝ կառավարությունն իր 2011թ. բյուջետային քաղաքականության շրջանակում, գիտակցելով, թե որքան վնաս է պատճառել իր վարքագիծը հանրությանը՝ թե՛ գնաճի, թե՛ անարդյունավետ պետական քաղաքականության տեսքով, փորձում էր սիրաշահել հասարակության հատկապես ցածր աշխատավարձով ապրողներին և առաջարկել է նվազագույն աշխատավարձի բարձրացում 2500 դրամով։

2010 թվականի հունվար-սեպտեմբեր ամիսներին ՀՀ պետական բյուջեի եկամուտները կազմել են ավելի քան 566.6 մլրդ դրամ, իսկ ծախսերը՝ շուրջ 595 մլրդ դրամ, որոնք ապահովել են կառավարության' ինն ամիսների համար հաստատած ծրագրի համապատասխանաբար 109.8 և 93.2 տոկոսը:

Տ. Սարգսյան. «2010-2011 թթ. կարևորագույն մարտահրավերներից լինելու է բարձր գնաճը և բարձր գնաճի զսպումը, և դրան են ուղղված լինելու դրամավարկային և հարկաբյուջետային քաղաքականությունը։ Այս տարի մենք եղել ենք զսպող այն առումով, որ հավաքագրել ենք ավելի շատ հարկային մուտքեր, և եկամուտները պետական բյուջեում եղել են ավելին, իսկ ծրագրված ծախսերն' ավելի քիչ»։

Ամասիայի տարածաշրջանը Հայաստանում ամենախնդրահարույցներից է: Այստեղ ակտիվություն մտավ այն ժամանակ, երբ վարչապետ Տիգրան Սարգսյանը որոշեց այն ընդգրկել այսպես կոչված «Հայկական աշխարհի» սահմաններում և դրաձնել զբոսաշրջային ծաղկուն կենտրոն: Դրանից հետո Ամասիայի գյուղերում կտրուկ թանկացավ անշարժ գույքը, իսկ Արփի լճի ափին սկսեց վեր խոյանալ ապագա կենտրոնի վարչական շենքը։ Եվ միայն այսքան է մեզ հիշեցնում, որ Ամասիան այլևս զարգացող տուրիստական շրջան է:

«Մենք ոչինչ չենք անում ՀՆԱ–ի աճի ավելացման ուղղությամբ, սակայն փորձում ենք ամեն ինչ անել այդ նույն պայմաններում ավելի շատ հարկեր հավաքելու համար»։

«Մարդկայնի կապիտալի ուղղվածության տոկոսը եղել ու մնում է շատ բարձր՝ 46% բյուջետային ծախսերից ուղղվելու է այս բնագավառին՝ առողջապահություն, գիտություն, մշակույթ, կրթություն, սոցիալական ոլորտ, հանգիստ, կրոն, սպորտ։ Բյուջեի շուրջ 20%–ը գնալու է պաշտպանության, անվտանգության խնդիրների ապահովմանը, շուրջ 15%–ը՝ տնտեսական բլոկի ֆինանսավորման խնդիրներին, 4,5%–ը՝ արտաքին պարտքի սպասարկմանը, 3,3%–ը՝ դոտացիաներին և 2,6%–ը կազմելու է պահուստային ֆոնդի գումարը»:

«Ակցիզային հարկի մասին» ՀՀ օրենքում փոփոխություններ և լրացումներ կատարելու մասին Կառավարության ներկայացրած օրինագծի վերաբերյալ իր ելույթում ՀՀ ԱԺ ՀՅԴ խմբակցության ղեկավար Վահան Հովհաննիսյանն ասել է, որ իր կարծիքով նման օրինագիծ կարող էր առաջանալ միայն երկու դեպքում. առաջին՝ եթե խոշոր ներկրողները, որոնք բավական հզոր են մեր երկրում ինչ-որ անհայտ ձևով այնպես են շահագրգռել Կառավարությանը, որ նա հանդես է եկել նման օրինագծով և երկրորդ՝ Հայաստանին իսկապես ենթարկում են ճնշումների դրսից, ընդ որում ոչ թե միջազգային ֆինանսական կազմակերպությունները, այլ կոնկրետ երկրները, որոնք համարվում են Հայաստանի ամենամտերիմ բարեկամը և տարբեր տեսակի ներկայացվածություն ունեն Հայաստանում:

Երեկվանից ՀՀ Ազգային ժողովում սկսվել է ՀՀ կառավարության կողմից օրենսդրական նախաձեռության կարգով ներկայացված «Ակցիզային հարկի մասին» օրենսդրական փաթեթը, որի քննարկումը շարունակվել է սեպտեմբերի 5-ի նիստում. առաջարկվել է փաթեթը քննարկել 24-ժամյա կարգով։

«Ակցիզային հարկի մասին ՀՀ օրենքում փոփոխություններ և լրացումներ կատարելու մասին» կառավարության ներկայացրած նախագիծը (որի համաձայն օղու, դիզվառելիքի և ծխախոտի ոլորտում հաստատագրված հարկման դաշտից անցում է կատարվում ընդհանուր հարկման դաշտ) այսօր ԱԺ նիստում ներկայացրել է ՀՀ ֆինանսների փոխնախարար Սուրեն Կարայանը։ Պատգամավորների հարցերին Ս. Կարայանի տված պատասխանները հավանաբար չեն գոհացրել ԱԺ նախագահին։

2010թ առաջին ութ ամիսներին ՀՀ սոցիալ-տնտեսական վիճակը բնութագրող նախնական հիմնական մակրոտնտեսական ցուցանիշների համաձայն՝ ՀՀ-ում գրանցվել է միջին ամսական անվանական աշխատավարձի բարձրացում 7,8%-ով և կազմել 105 613 դրամ, ընդ որում, պետական հատվածում միջին ամսական անվանական աշխատավարձն աճել է 4,7%-ով, իսկ ոչ պետական հատվածում' 9,0%-ով: Հունվար-օգոստոս ամիսների արդյունքներով միջին ամսական անվանական աշխատավարձը պետական հատվածում կազմել է 85 368 դրամ, ոչ պետական հատվածում' 132 518 դրամ:

Մենք բազմիցս անդրադարձել ենք «Հարավկովկասյան երկաթուղի» ընկերության գործունեությանը՝ նշելով, որ կոնցեսիոները չարաշահում է իր բնական մենաշնորհ ունենալու դիրքը։ Ընկերության վարած քաղաքականությունը դժգոհություն է առաջացնում գործարար շրջանակների, երկաթգծից օգտվողների ու աշխատակիցների մոտ։

2010 թվականի հունվար-օգոստոս ամիսներին ՀՀ պետական բյուջեի եկամուտները կազմել են 503.3 մլրդ դրամ, իսկ ծախսերը՝ 529.8 մլրդ դրամ, որոնք ապահովել են կառավարության' ինն ամիսների համար հաստատած ծրագրի համապատասխանաբար 97.5 և 83.2 տոկոսը:

Սեպտեմբերի 24-ին «Orange» ընկերությունը Հայաստանում հայտարարել է iPhone 4-ի պաշտոնական վաճառքի մասին։ Այսուհետ iPhone 4-ը «Orange»-ի խանութներում կարելի է ձեռք բերել հատուկ iPhone-ի համար մշակված սակագնային պլաններով։

Վարդան Այվազյան. «Չինովնիկի՝ զուտ իր կամայական որոշման կայացման հավանականությունը պետք է հավասարեցվի 0–ի, որովհետև չինովնիկի կամայականությունից որոշ կազմակերպություններ կարող են իսպառ վերացվել, որոշներն էլ մոնոպոլ կարգավիճակ ստանալ»։

Թաթուլ Մանասերյան.«Երկրորդ ճգնաժամի ալիքի մասին շատ են խոսում ճանաչված, միջազգայի մասշտաբով հայտնի փորձագետները, և Հայաստանը ևս զերծ չի մնացել։ Ճգնաժամի այդ ալիքն արդեն մի քանի շաբաթ, մի քանի ամիս է՝ Հայաստանում է»։

Պատասխանելով «7օր»-ի այն հարցին, թե ընտրություների ժամանակ ՕԵԿ-ը հանդես էր գալիս փոքր և միջին բիզնեսի շահերի պաշտպանության տեսանկյունից, այդ դեպքում ինչո՞ւ է կողմ քվեարկում կառավարության ներկայացրած այն օրինագծերին, որոնցով հարված է հասցվում փոքր և միջին բիզնեսին՝ Արծրունի Աղաջանյանն ասել է...

2010 թվականի առաջին եռամսյակում ՀՀ պետական բյուջեն կատարվել է 6 մլրդ դրամ պակասուրդով' նախատեսված 34.8 մլրդ դրամի դիմաց: 2009 թվականի նույն ժամանակահատվածում պետական բյուջեն կատարվել էր 13.6 մլրդ դրամ պակասուրդով: