Վրաստանի վարչապետ Բիձինա Իվանիշվիլին չի բացառել, որ Բոստոնի ահաբեկչությունների մասնակից Թամերլան Ցառնաևը վերապատրաստվել է Վրաստանում։ «Ռուսթավի 2» հեռուստաընկերությանը տված հարցազրույցում Իվանիշվիլին ասել է, որ «իրականում հնարավոր է որոշակի կապ լինել Բոստոնում իրականացված ահաբեկչության և Վրաստանում վերապատրաստվելու միջև»։ Միաժամանակ, նա կասկած է հայտնել, որ հնարավոր ահաբեկիչների հավաքագրումը տեղի է ունեցել Վրաստանի տարածքում։

Ադրբեջանը բռնապետական երկիր անվանելու համար Չեխիայի առաջին փոխվարչապետ, ԱԳ նախարար Կարել Շվարցենբերգը չի պատրաստվում պաշտոնական Բաքվից ներողություն խնդրել։ «Ես ճշմարտության համար ներողություն չեմ խնդրելու»,-հղում անելով չեխական լրատվամիջոցներին՝ Շվարցենբերգի խոսքերն է մեջբերում «Թուրան» գործակալությունը:

«Մենք ափսոսանք ենք հայտնում ԱՄՆ նախագահի հայտարարության կապակցությամբ։ Օբամայի հայտարարությունն արտահայտում է հայկական կողմի տեսակետը մի հարցի շուրջ, որը ցավոտ է ինչպես Հայաստանի, այնպես էլ Թուրքիայի համար։ Վաշինգտոնի նման հայտարարությունները խոչընդոտ են 1915թ.-ին տեղի ունեցած դեպքերի բացահայտմանը»,-ասված է Թուրքիայի ԱԳՆ կայքում տեղադրված հայտարարության մեջ։

Ջավախահայ հասարակական գործիչ Վահագն Չախալյանն ընդգծել է, որ Վրաստանում իշխանության նոր հատվածը փորձում է բուժել Սաակաշվիլիի ռեժիմի թողած վերքերը: «Տարիներ առաջ մենք ահազանգում էինք, որ Սահակաշվիլիի ռեժիմը թուրք-ադրբեջանական կապիտալի միջոցով հայաթափում է Ջավախքը։ Նունն այսօր հայտարարում են Վրաստանի նոր իշխանությունները՝ ընդգծելով, որ ռեժիմը հանցագործություն է արել ջավախահայության հանդեպ»,–ասել է Չախալյանը։

«Առաջիկա նախագահական ընտրություններում Իրանի զինված ուժերը պատրաստ են ցանկացած զարգացումների»,-հայտարարել է Իրանի զինված ուժերի գլխավոր շտաբի պետ, գեներալ Սեյեդ Հասան Ֆիրուզաբադին։ ISNA գործակալության փոխացմամբ՝ Ֆիրուզաբադին հայտնել է, թե իրանական բանակը «նման խնդիրներ լուծելու հարցում բավականին փորձ ունի»։

Պաշտոնական այցով Իսրայելում գտնվող Ադրբեջանի արտգործնախարար Էլմար Մամեդյարովը հանդիպել է Իսրայելի նախագահ Շիմոն Պերեսի հետ։ Ըստ Ադրբեջանի ԱԳ մամլո ծառայության՝ հանդիպման ընթացքում Մամեդյարովը ներկայացրել է ԼՂ հակամարտության կարգավորման բանակցային գործընթացը։ Հանդիպման ընթացքում քննարկվել են նաև երկուստեք հետաքրքրություն ներկայացնող հարցերի լայն շրջանակ։

«Համաձայն համաձայնագրի՝ Իրանի ազատ տնտեսական գոտին(ԱՏԳ) և Վրաստանի Քութայիսի քաղաքում գտնվող ԱՏԳ-ն կզարգացնեն տնտեսական համագործակցությունը»,- հայտարարել է «Արաս» ազատ տնտեսական գոտու ղեկավար Սադեկ Նեջեֆին: Նա նաև նշել է, որ Վրացական կողմը մի շարք օտարերկրյա ներդրողների հետ կայցելի Իրանի ազատ տնտեսական գոտիներ՝ ուսումնասիրելու առևտրային և արդյունաբերական բնագավառներում ներդրումային հնարավորությունները։

Եվրամիության ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն հայտարարել է, որ Թուրքիան պետք է կիսի եվրոպական արժեքները: Ֆյուլեն նաև ընդգծել է, որ Թուրքիան դեռ գտնվում է ԵՄ անդամակցության գործընթացի նախնական փուլում: Ըստ դիվանագետի՝ թեև Թուրքիա-ԵՄ բանակցություններն արդեն տևական ժամանակ ընթանում են, սակայն անդամակցության հարցում չկա կոնսենսուս:

Նախօրեին Ստամբուլում կայացել է Ռուսաստանի և Թուրքիայի արտգործնախարարներ Սերգեյ Լավրովի և Ահմեդ Դավութօղլուի հանդիպումը: Ըստ թուրքական լրատվամիջոցների` կողմերն անդրադարձել են Սիրիայում և Հարավային Կովկասում տիրող իրավիճակին։ Համատեղ մամուլի ասուլիսին Դավութօղլուն հայտնել է, որ Լավրովի հետ քննարկել են նաև Ղարաբաղյան հակամարտությունը:

Վրաստանի նախագահ Միխայիլ Սահակաշվիլին ապրիլի 17–ին այցելել է Ախալքալաք։ Նա շքանշանով պարգևատրել է եպիսկոպոս Նիկոլոզին և ընդգծել, որ եպիսկոպոսը մեծ ներդրում ունի տեղի հայ և վրաց ժողովուրդների բարեկամության ամրապնդման գործում։ «Այստեղ երբեք չի եղել ու չի լինի ազգային ընդհարում։ Եթե ինչ–որ բան էլ եղել է, ապա միայն դրսի ուժերի հրահրմամբ։ Ընդհարվողները միշտ եղել են եկած վրացիներ, հայեր կամ այլ ազգեր»,-ասել է եպիսկոպոսը:

Նա նաև բողոքել է, որ Վրաստանի ԱԳՆ-ն չի անդրադարձել դրան, իսկ հետո դժգոհել է, որ վերջին շրջանում Հայաստանի պաշտոնատար անձինք Աբխազիան հայտարարում են որպես կայացած հանրապետություն։

Շահան Գանտահարյան. «Շատ բան է գրվել ու գրվում քրդական գարնան, Քրդստանի ստեղծման հավանականության տեսանելիության մասին՝ տարածաշրջանում իրականցվող նոր բաժանարար ծրագրերի եւ նոր քարտեզագծման մի ընդհանուր պարունակում։ Բնական ու պարզ է, որ հայկական կողմը այս բոլոր գործընթացները պիտի դիտարկի իր ոսպնյակից և փորձ կատարի հաշվարկելու դիպաշարի զարգացումների հավանական ազդեցությունները հայկական կողմի վրա»։

«Մենք, ներքոստորագրյալ Վրաստանի հայ համայնքի աշխարհիկ եւ կրոնական կազմակերպություններս, հանուն արդարության եւ ժողովրդավարական արժեքների նվիրվածության, կոչ ենք անում, միանալ աշխարհի քաղաքակիրթ հասարակության նախաձեռնություններին եւ Վրաստանի խորհրդարանում կազմակերպել քննարկում Օսմանյան կայսրությունում տեղի ունեցած Հայոց ցեղասպանության ճանաչման հարցի վերաբերյալ» – ասվում է դիմումում:

Միջադեպը տեղի է ունեցել Վան նահանգի Օզալփի շրջանի թուրք-իրանական սահմանի հատվածում։ Թուրքիայի քաղաքացիներ 36-ամյա Արիֆ Նոյանը և 50-ամյա Զեքի Յալչընքայան փորձել են մաքսանենգ ճանապարհով վառելանյութ տեղափոխել Թուրքիա։ Նրանց նկատած իրանցի սահմանապահները կրակ են բացել, ինչի արդյունքում Արիֆ Նոյանը տեղում մահացել է, Զեքի Յալչընքայան՝ վիրավորվել։

Մայիսի 26-ին Վրաստանում պետք է տեղի ունենան այդ երկրի Անկախության տոնին նվիրված միջոցառումներ։ Վրաստանի խորհրդարանի փոխխոսնակ Մանանա Կոբախիձեն, սակայն, հայտնել է, որ այս միջոցառումներին մասնակցելու հատուկ հրավեր Վրատանի նախագահ Միխայիլ Սահակաշվիլիին չի ուղարկվել։

Ադրբեջանն ու ԱՄՆ–ը համատեղ զորավարժություններ են անցկացնում, հաղորդում է Ադրբեջանի ՊՆ–ը։ ՆԱՏՕ–ի անհատական՝ «Գործընկերություն հանուն խաղաղության» ծրագրի շրջանակներում զորավարժությունները տեղի կունենան ապրիլի 15-24–ը։

«Մինչև մեկ ջոկ կազմով զինծառայողներ ոչ ադեկվատ վիճակում, անկանոն տեսքով և պահվածքով մոտեցել են հայ դիրքապահներին: Նախնական զգուշացումից հետո նրանք չեն ենթարկվել և շարունակել են առաջանալ զինվորականներին ոչ բնորոշ ձևով: Հայ դիրքապահները սադրանքը կանխելու նպատակով կրակ են բացել, ինչի արդյունքում հակառակորդը կարող է ունենալ նաև կորուստներ: Եղածի ողջ պատասխանատվությունը ընկնում է ադրբեջանական կողմի վրա»:

Մոսկվայում գործող «Անկախ Թալիշստան» հասարակական միությունը (общественный союз «Независимый Талышстан») հայտարարություն է ընդունել, որում ողջունել է Արցախի Սուվորովի և Մադաթովի անվան ռազմական ուումնարան ընդունվելու հնարավորության ընձեռումը ազգությամբ թալիշ երիտասարդներին: