«Հոկտեմբերի 1-ին Վրաստանում կայացած խորհրդարանական ընտրություններից հետո ստեղծվել է բացառիկ հնարավորություն՝ Կովկասում լարվածությունը էապես թուլացնելու, պետությունների միջև նոր որակի հարաբերությունների ձևավորման և առկա խնդիրները խաղաղ, կառուցողական ճանապարհով լուծելու համար: Ռուսաստանի, Աբխազիայի, Վրաստանի, Հայաստանի միջև երկաթուղային հաղորդակցության վերականգնումը կլինի այդ ուղղութամբ կատարված ամենակարևոր քայլերից մեկը»։

Լրագրողների հետ զրույցում իր այս քայլը նա պատճառաբանել է Վրաստանի արտաքին քաղաքականության մասին Հայաստանում Իվանիշվիլիի արած հայտարարություններով և, ընդհանրապես, Վրաստանի վարած արտաքին քաղաքական գծի և ոճի հետ համամիտ չլինելով։ Վաշակիձեն նշել է, որ այժմ մտադիր է հանգստանալ, հետո նոր որոշում կայացնել իր հետագա աշխատանքի մասին։

Իսրայելն Ադրբեջանում իջեցրել է իր անօդաչու սարքերը, այն բանից հետո, երբ Իրանը որսացել է ամերիկյան PG 150 թռչող սարքերը։ Vesti.Az-ի հաղորդմամբ՝ իսրայելական անօդաչու սարքերը՝ այդ թվում Hermes 450-ը, դադարեցրել են թռիչքները այն բանից հետո, երբ Ադրբեջանի պաշտպանության նախարարության փորձագետը մտավախություն է հայտնել, թե դրանք կարող են բռնագրավվել Իրանի կողմից։

–Ինձ բազմիցս քննադատել են հայոց պատմության, մշակույթի և հայ ազգի նկատմամբ տածած իմ սիրո համար։ Ինձ անգամ մեղադրում էին հայ լինելու, բայց այդ հանգամանքը թաքցնելու մեջ,-հայտարարել է Սահակաշվիլին: Նա նաև ակնարկել է, որ թեև հայ հարևանները նախընտրել են այլ դաշինք, ինչը, իհարկե, նրանց իրավունքն է, Վրաստանը շարունակում է հավատարիմ մնալ ՆԱՏՕ-ին:

Դավիթ Մկրտչյան. «Առաջացել է պարադոքսալ իրավիճակ: Վրաստանի ներկայիս իշխանություններն ավելի շահագռգռված վրացահայության խնդիրների լուծմամբ, քան թե Հայաստանի ներկայիս նժդեհական համարվող ղեկավարությունը»։

Ծնունդով ջավախքցի ՀՀ ԱԺ պատգամավոր, Ջավախք» հայրենակցական միության նախագահ Շիրակ Թորոսյանը վստահ է, որ Վրաստանի խորհրդարանական ընտրություններում «Վրացական երազանք» կոալիցիայի հաղթանակից հետո հայ-վրացական նոր մակարդակի հարաբերություններ կառուցելու իրական հնարավորություն է ստեղծվել:

«Ադրբեջանը շարունակում է մեծացնել իր ռազմական կարողությունները, ինչն արդեն անդրադառնում է այդ պետության արտաքին քաղաքականության վրա։ Համաձայն 2012թ. ռազմականացման գլոբալ ցուցիչի(GMI)՝ Ադրբեջանը մոլորակի ամենառազմականացված պետություններից է։ Վարկանիշային ցուցակը կազմվում է Բոնի միջազգային ինստիտուտի կողմից՝ 149 պետություններից ստացված տվյալների հիման վար։ Այդ ցուցակում Ադրբեջանը 8-րդ տեղում է՝ զինված ուժերի վրա ծախսելով ՀՆԱ-ի 5,7%–ը (համեմատության համար՝ ԱՄՆ-ը ծախսում է 4,7%-ը, իսկ Ռուսաստանը՝ 3,02%)»։

Սյունիքի մարզի մարզպետ Սուրիկ Խաչատրյանն ու Իրանի Արևելյան Ադրբեջանի գավառի կառավարիչը Թավրիզում ստորագրել են երկկողմ տնտեսական հարաբերությունները զարգացնելու մասին համաձայնագիր։ Ըստ դրա` Հայաստանի մարզն ու Իրանի գավառը խթանելու են անասնաբուծության և անասնաբուժության բնագավառում համագործակցությունը, ինչպես նաև հիմնելու են գյուղատնտեսական համատեղ ընկերություններ։ Իրանը Հայաստանին է տրամադրելու կոմբայններ, տրակտորներ և պարարտանյութեր։

Շահան Գանտահարյան. «Հայաստանի Հանրապետության համար տնտեսական նոր հեռանկարներ բացող այս ուղու հարթումը բանակցությունների առարկա է: Թբիլիսին, ըստ այս հայտարարության իր համաձայնությունը տվել է եւ ակնկալում է, որ Մոսկվան վերջնականացնի ծրագիրը: Իսկ նման ուղու հարթումը խորքում Երեւանի համար կարժեզրկի Թուրքիայի հետ սահմանի գինը»։

«Այժմ նման երկաթգծի անհրաժեշտություն չկա։ Վրաստանն այլընտրանքային ելք ունի դեպի Եվրոպա՝ Ախալքալաք-Կարս երկաթգծով, և այդ երկաթուղին մրցունակ է հենց Ռուսաստանի համար»,–ասել է Սահակաշվիլին:

Խոսելով Ադրբեջանի նախագահ Իլհամ Ալիևի հետ ունեցած իր հանդիպումից, Վրաստանի վարչապետը հայտնել է, որ իրենք անդրադարձել են ԼՂ–ի խնդրի կարգավորմանը և այդ հարցում Ալիևի դիրքորոշումն ինքը փոխանցել է Տիգրան Սարգսյանին։ Իվանիշվիլիին բարկացրել է «Ռուսթավի-2» հեռուստաընկերության թղթակցի հարցը Վրաստանի ԱԳ նախարարի հայտարարության վերաբերյալ: Նա ընդգծել է, որ այդ մասին անհրաժեշտ պարզաբանումն արդեն տրված է, և նախարարի խոսքն աղավաղել են լրատվամիջոցները։

Թուրքիայի վարչապետ Ռեջեփ Էրդողանը հայտարարել է, որ Թուրքիայի ռազմաօդային ուժերը շարունակելու են ռմբակոծել Իրաքի տարածքում տեղակայված Քրդստանի աշխատավորական կուսակցության ճամբարները։ Ըստ zman.com-ի՝ այս հայտարարությունն արվել է այն բանից հետո, երբ նախօրեին թուրքական օդուժը հարվածել է քրդական ճամբարներին։ Զոհերի վերաբերյալ առայժմ տեղեկություններ չկան։

Վրաստանի դատախազությունը մի շարք քաղաքական գործիչների մեղադրել է շանտաժի նպատակով գաղտնի նկարահանումներ կազմակերպելու համար, որտեղ հրապարակային գործիչներին իրենց սեռի անձանց հետ են հարաբերվում։ Նոր հետաքննությունը նախագահ Միխայիլ Սահակաշվիլիի թիմակիցների դեմ առաջադրված տարբեր մեղադրանքների շարունակությունն է։ Ընդ որում, նրանց մեծ մասը նախկին կառավարության անդամներ են։

Վրաստանի արտգործնախարար Մայա Փանջիկիձեն Ռիգայում հայտարարել է, որ Վրաստանը կաշխատի հարաբերությունները լավացնել Ռուսաստանի հետ, սակայն Թբիլիսիի համար առաջնահերթություն է մնում եվրատլանտյան ինտեգրացիան: «Մենք աշխատում ենք բարելավել հարաբերությունները Ռուսաստանի հետ, սակայն չենք անդամակցի որևէ դաշինքի կամ միության՝ բացի Եվրոպական Միությունից և ՆԱՏՕ-ից>,- ասել է Փանջիկիձեն:

Վրաստանի նախագահ Միխայիլ Սահակաշվիլին և երկրի վարչապետ Բիձինա Իվանիշվիլին միասին նշել են հին Նոր տարին։ Հունվարի 13 լույս 14-ին նրանք գտնվել են Վրաստանի պատրիարքարանում՝ Իլյա երկրորդի կազմակերպած ընդունելությանը։

Ինչպես արդեն տեղեկացրել էինք, Վրաստանում ընդունված «Համաներման մասին» օրենքը տարածվում է նաև այն հոդվածների վրա, որով դատապարտվել է ջավախահայ քաղաքական-հասարակական գործիչ Վահագն Չախալյանը: Նրա փաստաբան Ստեփան Ոսկանյանը panarmenian.net-ին տեղեկացրել է, որ խնդիր է առաջացել ներկայացված ցուցակների հետ։ «Այդ ցուցակներից հանվել է Վահագնի անունը, ինչը նշանակում է, որ հարցը պիտի լուծվի դատական ճանապարհով»,-ասել է փաստաբանը։

1news.az-ի փոխանցմամբ՝ Վրաստանի ԱԳ նախարար Մայա Փանջիկիձեն հունվարի 10-ին Լիտվայում հայտարարել է, թե Վրաստանը բարիդրացիական հարաբերություններ ունի տարածաշրջանի երկու հարևան պետությունների հետ: Իսկ ղարաբաղյան հակամարտության կարգավորման մասին Վրաստանի դիրքորոշումը ներկայացնելով` նա հայտարարել է, որ այն անփոփոխ է:

Թբիլիսիի քաղաքային դատարանը Վրաստանի պաշտպանության նախկին նախարար Իրակլի Օկրուաշվիլիի նախնական կալանքը փոխարինել է 15 հազ. լարի (մոտ 9 հազ. դոլար) գրավի դիմաց ազատ արձակմամբ։ Օկրուաշվիլին ազատ է արձակել դատարանի դահլիճում։ Հիշեցնենք, որ Սահակաշվիլիի նախկին թիմակից Օկրուաշվիլին, ով 2012թ. Ֆրանսիայից ինքնակամ վերադարձել էր Վրաստան, ձերբակալվել էր օդանավակայանում։