Արամյան դպրոցում երկար տարիներ դասավանդած 40-ամյա Իլքեր Շահինից մի քանի օր որևէ տեղեկություն չունեցած գործընկերները որոշել են այցելել նրան։ Չստանալով, որևէ արձագանք` նրանք կասկածել են և դիմել իրավապահ մարմիններին։ Կանչին արձագանքած ոստիկանները հայտնաբերել են հայ տղամարդու դին՝ վիզը կտրված։ Հիշեցնենք, որ օրեր առաջ Ստամբուլում տարեց հայուհի էր սպանվել։ Մարդասպանը դարձյալ կտրել էր նրա պարանոցը։

Իսրայելը պատրաստվում է մեծացնել զենքի և ռազմական սարքավորումների արտահանման ծավալները մի շարք երկրներ, այդ թվում Ադրբեջան: 1news.az-ի հաղորդմամբ՝ այդ մասին հայտարարել է Իսրայելի պաշտպանության նախարարության գլխավոր տնօրեն Ուդի Շանեն:

ԱՄՆ պետքարտուղարության ներկայացուցիչ Վիկտորիա Նուլանդը հայտարարել է, որ ԱՄՆ-ն շարունակելու է Ռուսաստանի հետ համագործակցել Լեռնային Ղարաբաղի հակամարտության կարգավորման հարցում։ Նա նաև հավելել է, որ Ռուսաստանի հետ ԱՄՆ–ի համագործակցությունը կշարունակի ընթանալ Իրանի, Աֆղանստանի, Սիրիայի և բազմաթիվ այլ հարցերի շուրջ ևս, ու կջանան անկեղծ լինել անգամ տարբեր մոտեցումներ ունեցող հարցերի դեպքում։

Վրաստանում մեկ միլիոն ստորագրություն է հավաքվել երկրի նախագահ Միխայիլ Սահակաշվիլիի հրաժարականի պահանջով։ Խորհրդարանական ընտրություններում իշխող կուսակցության պարտությունից հետո ստորագրահավաքը նախաձեռնել են Վրաստանի մի շարք հասարակական կազմակերպություններ, որոնք մի քանի օր առաջ նման պահանջով բողոքի գործողություն էին իրականացրել նախագահական նստավայրի առջև։

Իրանի ԱԳՆ պաշտոնական ներկայացուցիչ Ռամին Մեհմանպերեստը ամենշաբաթյա մամուլի ասուլիսի ժամանակ հայտարարել է, որ իրենց երկիրը պատրաստ է ամեն կերպ աջակցել Լեռնային Ղարաբաղի հակամարտության կարգավորման բանակցային գործընթացին և այդ հարցում օգնել կողմերին։ Նա ընդգծել է, որ նման հակամարտությունները կարող են կարգավորվել տարածաշրջանում ազդեցություն ունեցող պետությունների աջակցությամբ:

Վրաստանի գլխավոր դատախազությունը պաշտպանության նախկին նախարար Իրակլի Օքրուաշվիլիի 5 մեղադրանքներից 3 հոդվածները հանել է: Դրանք մասնավորապես կապված են «Geocell» բջջային կապի ընկերության բաժնետոմսերի ապօրինի սեփականաշնորհման և պաշտոնական դիրքի չարաշահման հետ: Ավելի վաղ Օքրուաշվիլիի դեմ ցուցմունքն տվածները հրաժարվել են իրենց ցուցմունքներից:

ՌԴ փոխարտգործնախարար Միխայիլ Բոգդանովի հրավերով Թուրքիայի փոխարտգործնախարար Ֆերիդուն Սինիրլիօղլուն երկօրյա այցով գտնվում է Ռուսաստանում։ Նա այնտեղ է մեկնել ռուս բարձրաստիճան պաշտոնյաների հետ Սիրիայի ճգնաժամը քննարկելու և կոնկրետ առաջարկներ ներկայացնելու համար։ Նախատեսվում է, որ Ռուսաստանից Սինիրլիօղլուն կմեկնի ԱՄՆ։

Վրաստանի պաշտպանության նախարար Իրակլի Ալասանիան մամուլի ասուլիսին հայտնել է, որ Վրաստանը փուլային տարբերակով կանցնի պրոֆեսիոնալ բանակին՝ հրաժարվելով պարտադիր զինակոչից։ «Նախատեսվում է պրոֆեսիոնալ բանակին անցնել չորս տարի հետո, իսկ պարտադիր զինվորական ծառայության ժամկետն աստիճանաբար կկրճատվի մինչև 12 ամիս, որից հետո անցում կկատարվի պայմանագրային ծառայությանը»,–ասել է Ալասանիան։

Euronews-ի փոխանցմամբ՝ Թուրքիայի իշխանությունները բանակցություններ են վարում անազատության մեջ գտնվող Քրդստանի աշխատավորական կուսակցության առաջնորդ Աբդուլա Օջալանի հետ՝ նրա միջոցով համոզելու քուրդ զինյալներին վայր դնել զենքը։ Ըստ աղբյուրի՝ Թուրքիայի վարչապետի խորհրդականներից մեկը խոստովանել է, որ միայն ռազմական մեթոդներով հնարավոր չի լինի լուծել քրդական խնդիրը։

Վրաց պատրիարքարանի արտաքին կապերի գրասենյակի ղեկավար մետրոպոլիտ Գերասիմը հայտնեց, որ Իլյա Երկրորդին Լեռնային Ղարաբաղի վերաբերյալ ադրբեջանական լրատվամիջոցների կողմից վերագրվող արտահայտությունները ամբողջովին կեղծ են եւ չեն համապատասխանում իրականությանը։

«Բաքուն ունի հնարավորություն բավարարելու իր բուռն ցանկությունը և շրջանցելու Մինսկի խմբի համանախագահների ձեւաչափն ու հասնելու ստատուս-քվոի փոփոխությանը: Դրա համար որպես առաջին քայլ Ադրբեջանը ճանաչում է Լեռնային Ղարաբաղի Հանրապետությունը և դուրս բերում իր օկուպացիոն զորքերը ԼՂՀ գրավյալ տարածքներից»,-ասել է ՀՀ ԱԳ փոխնախարարը:

Ուկրաինայի ԱԳՆ մամլո ծառայությոնը հրապարակել է պաշտոնական հայտարարություն, որում, մասնավորապես, ասված է. «Ձգձգված հակամարտությունների կարգավորումը, սպառազինությունների վերահսկումը, թրաֆիքինգի դեմ պայքարը լինելու են Ուկրաինայի ԵԱՀԿ նախագահությունում հիմնական առաջնահերթությունները»:

Վրաստանի խորհրդարանը, իր պատմության մեջ առաջին անգամ հաղթահարել է նախագահի վետոն։ Քվեարկությամբ չեղյալ է հայտարարվել «Համաներման մասին» օրենքի վրա դրված նախագահ Միխայիլ Սաակաշվիլիի արգելքը: Խորհրդարանի ընդունած օրենքով համաներումը տարածվում է 3000 մարդու վրա: Մասնավորապես քաղհալածյալների ու քաղբանտարկյալների ցուցակում էլ երեք հայ կա...

Վրաստանի նախագահ Միխայիլ Սահակաշվիլին վետո է դրել Վրաստանի խորհրդարանի կողմից ընդունված համաներման մասին օրինագծի վրա ու ետ ուղարկել փաստաթուղթն իր առաջարկություններով։ Ինչպես արդեն տեղեկացրել էինք, «Միասնական Ջավախք» շարժման առաջնորդ Վահագն Չախալյանին քաղբանտարկյալների ցուցակում խորհրդարանը չէր ընդգրկել որոշ պատգամավորների ելույթներից հետո, սակայն խորհրդարանի ընդունած համաներման մասին օրենքը տարածվում է նաև նրա վրա։

«Ես նախկինում հայտարարում էի, որ Բաքու-Թբիլիսի-Կարս երկաթգծի կառուցումից հետո, հնարավոր է, վրացական երկաթգծերով բեռնափոխադրումները կնվազեն: Սակայն, դա հապճեպ հայտարարություն էր: Իրականում այդ հարցում խնդիրներ չկան»,-հայտարարել է Իվանիշվիլին Ադրբեջանի վարչապետ Արթուր Ռասի-զադեի հետ հանդիպումից հետո:

Կողմերը քննարկել են երկկողմանի հարաբերությունների և տարածաշրջանային հիմնախնդիրներին վերաբերող հարցեր։ Այլ մանրամասներ չեն հաղորդվում: Իվանիշվիլին մինչ մեկնելը հայտարարել էր, որ Ալիևի հետ պետք է քննարկի Ադրբեջանից գնվող գազի, Կարս-Ախալքալաք երկաթուղու և Դավիդ Գարեջի վրացական վանական համալիրի պատկանելության հետ կապված հարցեր:

Ադրբեջանի նախագահ Իլհամ Ալիևը հարցազրույց է տվել «Ռոսիա 24» հեռուստաալիքին՝ անդրադառնալով Լեռնային Ղարաբաղի հակամարտության կարգավորմանը։ Ալիևը հույս է հայտնել, որ միջնորդ երկրներն ավելի ակտիվ մասնակցություն կունենան կարգավորմա՛ն, այլ ոչ թե անվտանգության ապահովման գործընթացին։

ԵԱՀԿ Մինսկի խմբի ամերիկացի նոր համանախագահ կլինի դեսպան Յան Քելին։ Նախկին համանախագահ Ռոբերտ Բրադտկեի առաքելության ավարտից հետո նա այս պաշտոնում նշանակվել է ժամանակավորապես, մինչև ԱՄՆ-ը նոր մշտական համանախագահ կնշանակի: Բրադկեն պաշտոնավարել է մոտ երեք տարի, և նրա առաքելությունն ավարտվել է նախորդ շաբաթ։