Վրաստանի ՆԳՆ մամուլի ծառայությունը հայտարարություն է տարածել, որում ասվում է, որ նախկին վարչապետ Վանո Մերաբիշվիլին փորձել է անօրինական կերպով հատել վրաց-հայկական սահմանը, ինչի կապակցությամբ քրեական գործ է հարուցվել։ «Грузия Online»–ի փոխանցմամբ՝ պարզվել է, որ Մերաբիշվիլին սահմանը փորձել է հատել Գորա Ծերեթելի անուն–ազգանունով և ՆԳՆ նախկին փոխնախարար Գեորգի Լորդկիպանիձեի լուսանկարով անձնագրով:

Դեկտեմբերի 5-ին Վրաստանի խորհրդարանը 77 կողմ, 14 դեմ ձայներով ընդունել է որոշումը՝ 190 անձի քաղբանտարկյալ, իսկ 25-ին քաղաքական հալածյալ ճանաչելու մասին որոշումը: Ցանկում ընդգրկվել են քաղաքական, հասրակական այն գործիչները, ովքեր դատապարտվել են Վրաստանի նախկին կառավարության կողմից կամ ստիպված են եղել հեռանալ երկիրից:

Արա Աբրահամյանի հայտարարությունը Նիժեգորոդի դատախազություն ներկայացվել է այս տարվա հոկտեմբերի 24-ին։ Դրանում Ռուսաստանի հայերի միության նախագահն անդրադարձել է Վիդադի Աբասովի արած հայտարարություններին։ Մասնավորապես, սեպտեմբերի 7-ին Vesti.Az–ի հոդվածում Աբասովն ասել էր, թե «Մոսկվայում կայանալիք հանրահավաքին հայերը կբերեն իրենց կանանց ու սիրուհիներին»։ Արա Աբրահամյանի դիմումում նշված է, որ այս արտահայտությունը վիրավորում է հայերի արժանապատվությունն ու հրահրում ազգային ատելություն Ռուսաստանում։

ՌԴ նախագահ Վլադիմիր Պուտինը մեկօրյա այցով գտնվում է Թուրքիայում։ Նա հանդիպել է Թուրքիայի վարչապետ Ռեջեփ Թայիփ Էրդողանի հետ, մասնակցել ռուս-թուրքական համագործակցության բարձրագույն խորհրդի նիստին, ստորագրել է 11 փաստաթուղթ և համաձայնագրեր: Երկու երկրները նպատակ ունեն առևտրաշրջանառությունը հասցնել 100 մլրդ դոլարի: Պայմանավորվածություն է ձեռք բերվել հաջորդ տարի Համագործակցության խորհրդի 4-րդ նիստն անցկացնել Ռուսաստանում:

ՌԴ նախագահի մամուլի ծառայության պաշտոնական` kremlin.ru կայքի փոխանցմամբ` ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի միջև հեռախոսազրույց է տեղի ունեցել: Հաղորդվում է, որ երկու երկրների ղեկավարները քննարկել են երկկողմ հարաբերությունների որոշ հրատապ հարցեր: Այլ մանրամասներ չեն հաղորդվում:

«Դա հեշտ ճանապարհ չէ, սակայն Ռուսաստանը միշտ ասել է, որ մենք պատրաստ ենք երկխոսության Վրաստանի նոր կառավարության հետ։ Սակայն դաս հնարավոր կլինի, եթե հաշվի առնվեն առկա աշխարհաքաղաքական իրողությունները և Աբխազիայի և Հարավայի Օսեթիայի ճանաչման որոշումները, որոնք ընդունել է Ռուսաստանը»,-ասել է ՌԴ վարչապետը։

Թուրքական լրատվամիջոցները հայտնում են, որ Անկարան Սիրիայի հետ սահմանին ավելացնում է ռազմական կուտակումները։ Ջեյլանփընար շրջանի բլուրներից մեկի վրա, Սիրիայի տարածքից հնարավաոր հրթիռակոժությունները կանխելու նպատակով, տեղակայվել է «Սթինգեր» հրթիռային համակարգ:

«Ուխտ Արարատի». «ԱՄՆ բանակի պաշտոնաթող սպա Ռալֆ Պիտերսի 2006 թվականի հունիսի 6-ին գրած «Միջին Արեւելքի նոր քարտեզը ըստ արյունակցական կապերի եւ հավատի նմանությունների» հոդվածում քրդերին վերաբերող հատվածը հետեւյալն է. «Բալկանյան լեռների եւ Հիմալայների արանքում գտնվող ամենամեծ սահմանային անարդարությունը անկախ քրդական պետության բացակայությունն է»։

Վրաստանի նախկին վարչապետ Զուրաբ Ժվանիան մահացել էր 2005 թ-ին: Նրան հայտնաբերել էին նահանգապետ Ռաուլ Յուսուպովի բնակարանում, ում ևս մահացած էին գտել: Պաշտոնական վարկածի համաձայն, Ժվանիան և Յուսուպովը մահացել էին գազի արտահոսքից։ Սակայն, ընդդիմությունը պնդում էր, թե տեղի է ունեցել սպանություն, որին առնչություն է ունեցել Վրաստանի նախագահ Միխայիլ Սաակաշվիլին:

Տարածաշրջանային հերթական այցի շրջանակներում ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Իգոր Պոպովը (Ռուսաստան), Ժակ Ֆորը (Ֆրանսիա), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը նոյեմբերի 24-ին Երևանից ժամանել են Բաքու։ Այսօր համանախագահները հանդիպումներ կունենան Ադրբեջանի նախագահ Իլհամ Ալիևի և ԱԳ նախարար Էլմար Մամեդյարովի հետ։

Սիրիայի իշխանությունները դատապարտել են թուրք–սիրիական սահմանին «Պետրիոտ» հրթիռային համալիրներ տեղակայելու Թուրքիայի որոշումը: Դամասկոսն այդ քայլն Անկարայի կողմից հերթական սադրանք է համարել: Այս մասին հայտարարել է Սիրիայի ԱԳՆ-ի ներկայացուցիչը` Թուրքիային մեղադրելով իր տարածքում զինված ահաբեկիչներ նախապատրաստելու, զինելու և նրանց անօրինական կերպով Սիրիա ուղարկելու համար:

Վրաստանի նախագահ Միխայիլ Սաակաշվիլին նոյեմբերի 30-ին կժամանի Երևան՝ մասնակցելուԵվրոպայի ժողովրդական կուսակցության (ԵԺԿ)Արևելյան գործընկերության երկրորդ գագաթաժողովին։ Այս տեղեկացնում է ռուսական «Վզգլյադ» պարբերականը։

Վրաստանի նախագահ Միխայիլ Սահակաշվիլին Սուրբ Գեորգիի (Գիորգոբա) տոնի կապակցությամբ համաներում է շնորհել 519 բանտարկյալի։ Նրանցից 50-ի ազատազրկման ժամկետը կկրճատվի, իսկ մյուսները ազատ կարձակվեն: Համաներվածներից 43-ը կանայք են: Պետական հանձնաժողովը դիտարկել է 1400 գործեր և առաջարկել է համաներել մոտ կեսին:

«Ստեփանակերտի օդանավակայանը պաշտոնապես տրված է շահագործման, իսկ քաղաքացիական չվերթներն իրականացնելու համար մի քանի ավիաընկերություններ դիմել են մեզ, սակայն չվերթներ իրականացնելու համար կան դեռ որոշ տեխնիկական ու կազմակերպչական հարցեր, որոնք լուծման փուլի մեջ են»,- iLur.am-ի հետ զրույցում ասաց ԼՂՀ կառավարությանն առընթեր քաղաքացիական ավիացիայի վարչության պետ Դմիտրի Ադբաշյանը:

Աստղիկ Խաչատրյան. «Վրաստանի նորընտիր խորհրդարանում ընդունեցին, որ Վրաստանի նախագահ Միխեյիլ Սահակաշվիլիի ղեկավարած ռեժիմը քաղաքական դրդապատճառներով էր քրեական հետապնդում հայտարարել ու դատապարտել հայ քաղաքական գործիչներին»։

Թուրքիայի վարչապետ Ռեջեփ Թայիփ Էրդողանը Գազայում պաղեստինցի խաղաղ բնակչությանը ոչնչացնելու համար մեղադրում է Իսրայելին։ Նա Իսրայելի ղեկավարության գործողությունները որակել է որպես ահաբեկչություն, էթնիկ զտման փորձ և ոչ մի դեպքում՝ ինքնապաշտպանություն։

Վրաստանի խորհրդարանի Մարդու իրավունքների հարցերով հանձնաժողովը տարբեր մեղադրանքներով կալանավորված 180 մարդու հայտարարել է քաղբանտարկյալ։ Հանձնաժողովի կարծիքով, ևս 22 մարդ քաղաքական վտարանդի է։ Նրանց թվում են Ֆրանսիայում բնակվող Շիդա–Քարթլի շրջանի նախկին նահանգապետ Միխայիլ Կարելին, գործարար Կիբար Խալվաշին, պաշտպանության նախկին նախարար Իրակլի Օքրուաշվիլին և այլոք։

ԵԱՀԿ անդամ երկրների ԱԳ նախարարների՝ դեկտեմբերին Դուբլինում նախատեսված հանդիպման շրջանակներում նոյեմբերի 23-ին տարածաշրջանային այցով Երևան են ժամանելու ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ռոբերտ Բրադտկեն (ԱՄՆ) և Ժակ Ֆորը (Ֆրանսիա)։ Եղանակային բարենպաստ պայմանների դեպքում նրանք կայցելեն նաև Ստեփանակերտ։