Թուրքիայի ռազմաօդային ուժերը հարվածել են Իրաքի հյուսիսում տեղակայված Քուրդիստանի աշխատավորական կուսակցության օբյեկտների ուղղությամբ։ «ԻՏԱՌ ՏԱՍՍ»–ի փոխանցմամբ՝ հարձակումը ծրագրավորված չի եղել՝ օդաչուները անհապաղ թռիչքի հրամանը ստացել են հետախուզական տվյալների հիման վրա։ Օդային հարվածների են ենթարկվել Զապ և Խաքուրք շրջաններում տեղակայված քրդական ճամբարները։

«Ռեգնում»-ի հաղորդմամբ Գազայի հատվածի ուղղությամբ շարունակվող Իսրայելի ռազմական գործողությունները Թուրքիայում դարձել են զանգվածային բողոքի գործողությունների պատճառ։ Ստամբուլում, Դիարբեքիրում, Վանում, Անթալիայում, Ադանայում և մի շարք այլ վայրերում բողոքի գործողությունների մասնակիցները դատապարտել են Իսրայելին և իրենց համերաշխությունն են հայտնել Պաղեստինի ժողովրդին:

Ռուսաստանի նախագահ Վլադիմիր Պուտինն ու Թուրքիայի վարչապետ Ռեջեբ Թայիփ Էրդողանն ուրբաթ օրը հեռախոսով քննարկել են Գազայում տիրող իրավիճակը և պայմանավորվել գործողությունների հետագա համակարգման մասին։ Այս մասին, «ՌԻԱ նովոստի»–ի փոխանցմամբ, հաղորդում է Կրեմլի մամլո ծառայությունը:

Թուրքիայի փոխվարչապետ Բյուլենթ Առընչը հայտարարել է, որ Անկարան պետք է բանակցի Թել Ավիվի հետ՝ Գազայի հատվածում ռազմական գործողությունները դադարեցնելու համար. «Թուրքիան և Իսրայելը պետք է բանակցություններ վարեն Գազայի հատվածում հարվածները դադարեցնելու և խաղաղ բնակիչների զոհվելը կանխելու համար»։

–Սկսած 2009թ.՝ եվրոպական արբանյակների ազդանշանը մերձավորարևելյան տարածաշրջանում պարբերաբար «խլացվում են» Իրանի տարածքից,–նման հայտարարությամբ է հանդես եկել ԵՄ արտաքին գերատեսչության ղեկավար Քեթրին Էշթոնը, ով հավելել է, թե ԵՄ-ն պահանջում է, որ Թեհրանը դադարեցնի «խլացնել» միջազգային արբանյակային հեռուստաալիքների հեռարձակումը:

Թուրքիայի վարչապետ Ռեջեբ Թայիփ Էրդողանը մտադիր է երկրում վերականգնել մահապատժի կիրառումը։ Այս մասին տեղեկացնում է «Ինտերֆաքս»–ը։ Նշենք, որ Թուրքիայում մահապատժի փորձը դադարեցվել է 2002թ. իրականացված բարեփոխումների փաթեթի շրջանակներում, որն ուղղված էր Եվրոպական Միությանը անդամակցելու նախապատրաստական աշխատանքներին։

Վրաստանի վարչապետ Բիձինա Իվանիշվիլին, մեկնաբանելով ՆԱՏՕ-ի գլխավոր քարտուղարի քննադատական նկատողությունները Վրաստանի պաշտպանության և ՆԳ նախկին նախարարի և Միացյալ շտաբի պետի նկատմամբ առաջադրված մեղադրանքների վերաբերյալ, հայտարարել է, որ դա այն ամոթալի իրականությունն է, որ կա Վրաստանում...

Նամակում նշվում է, որ Ադրբեջանը ստահոդ քարոզարշավ է ծավալել Ստեփանակերտի օդանավականայի վերագործարկման վերաբերյալ` նպատակ ունենալով ապակողմնորոշել միջազգային հանրությանը և արդարացնել Լեռնային Ղարաբաղի ժողովրդի նկատմամբ ուժի կամ ուժի սպառնալիքի կիրառման` Ադրբեջանի կողմից իրականացվող քաղաքականությունը:

Իրանը մտադիր է այսուհետ ավելի խիստ կերպով արձագանքել ամերիկյան անօդաչու թռչող սարքերի հետախուզական թռիչքներին։ «Ֆարս» տեղեկատվական գործակալության փոխանցմամբ՝ այսպիսի հայտարարությամբ է հանդես եկել Իրանի «իսլամական հեղափոխության պահակների» կորպուսի օդատիեզերական ստորաբաժանման հրամանատար Ամիր Ալի Հաջիզադեն։

Նոյեմբերի 9-ին՝ Թուրքիայի բանակը 42 քուրդ է սպանել Քրդստանի աշխատավորական կուսակցության (PKK) դեմ իրականացված խոշորամասշտաբ ռազմական գործողության ընթացքում։ Այս մասին տեղեկացնում է «ՌԻԱ Նովոստի»–ն։ Հիշեցնենք, որ 1984-ից ի վեր թուրք-քրդական բախումների հետևանքով ավելի քան 40 000 մարդ է զոհվել:

Վրաստանում գործադուլների իսկական ալիք է սկսվել։ Ինչպես ավելի վաղ տեղեկացրել էինք՝ Թբիլիսիում էլ գործադուլ են անում ավտոբուսների վարորդները՝ պահանջելով աշխատավարձի ավելացում, աշխատանքային պայմանների բարելավում, բժշկական սպասարկման արտոնությունների տրամադրում: Մինչ այդ, գործադուլ էին հայտարարել նաև...

«Մենք դեռ չենք հայտնաբերել, թե ինչ տեղեկություններ են գողացվել, և կարծես, այդ ներխուժման նպատակը ավելի շուտ հետախուզումն էր։ Ես անհանգստացած եմ, որ ինչ-որ մեկը հնարավոր է համարում հետևել մարդկանց համաժողովի ընթացքում, որը նվիրված է ազատությանը և հրապարակայնությունը»,–ասել է Եվրոպական հանձնաժողովի ներկայացուցիչ Ռայան Հիթը։

Քաղավիացիայի միջազգային կազմակերպությունում Ադրբեջանի ներկայացուցիչ Ֆարիդ Շաֆիևը հայտարարել է, թե Ստեփանակերտի օդանավակայանի շահագործումը «միջազգային իրավունքի դեմ ուղղված սադրանք է, որը սպառնում է տարածաշրջանի անվտանգությանը»։ Նա հերթական անգամ սպառնացել է, թե Ադրբեջանը «պաշտպանելու է իր օդային տարածքը` իրավունք վերապահելով ինքնաթիռը առգրավելու»։

Վրաստանում ձերբակալել են ներքին գործերի նախկին նախարար Բաչո Ախալայային։ Նա Վրաստանի նախագահ Միխայիլ Սահակաշվիլիի թիմից է համարվում։ Ծառայողական դիրքի չարաշահման համար Ախալայան որպես վկա հրավիրվել է հարցաքննության, այնուհետև ձերբակալվել։ Նա հրաժարական էր տվել, երբ բանտարկյալների հետ կապված աղմկահարույց մի տեսանյութ էր ի հայտ եկել։

Ամերիկայի Հայ Դատի գրասենյակը Ադրբեջանում ԱՄՆ դեսպան Ռիչարդ Մորնինգսթարին կոչ է արել այցելել Նախիջևանում Ջուղայի հայկական գերեզմանատուն, որտեղ, ըստ հրապարակված տեսանյութի, ավերվել են հազարավոր խաչքարեր։ Հիշեցնենք, որ ավելի վաղ Մորնինգսթարը հայտարարություն էր տարածել, որում նշվում էր, որ երբ ինքը եղել է Նախիջևանում, Ջուղա այցելելու ցանկություն է հայտնել, սակայն ադրբեջանական իշխանությունները թույլ չեն տվել՝ անվտանգության նկատառումներից ելնելով։

Սիրիայի հարցի կարգավորման իր ծրագիրն է առաջարկել նաև Թուրքիան։ Ըստ այդմ՝ սիրիական ճգնաժամը պետք է լուծվի եռակողմ ձևաչափի շրջանակներում։ Ընդ որում՝ Թուրքիան առաջարկում է, որ այդ երեք կողմերից մեկը լինի հենց ինքը, իսկ մյուս երկուսը՝ Ռուսաստանն ու Իրանը։

ԱՄՆ պետդքարտուղարության խոսնակ Վիկտորյա Նուլանդը ճեպազրույցի ժմանակ անդրադարձել է ԼՂ–ում Ստեփանակերտի օդանավակայանի վերաբացմանը և կոչ արել հարցը կարգավորել դիվանագիտական ճանապարհով՝ միջազգային համաձայնագրերի, միջազգային իրավունքի, ինչպես նաև Հայաստանի և Ադրբեջանի միջև քաղավիացիայի վերաբերյալ առկա պրակտիկայի համապատասխան շրջանակներում։ Այս մասին տեղեկացնում է ԱՄՆ պետքարտուղարության կայքը։

Վրաստանի վարչապետ Բիձինա Իվանիշվիլին մտադիր է Մոսկվայի հետ հարաբերությունները «մաքուր էջից» սկսել։ Նա այդ նպատակով նոր պաշտոն է ստեղծել՝ վրաց-ռուսական հարաբերությունների կարգավորման հարցերով վարչապետի հատուկ ներկայացուցիչ։ Այն ղեկավարելու է Ռուսաստանում Վրաստանի նախկին դեսպան Զուրաբ Աբաշիձեն: