«Մենք պետք է նպաստենք Աբխազիայի միջով տրանսպորտային շարժին ՝ ինչպես երկաթուղային, այնպես էլ ավտոմոբիլային։ Մենք պարտավոր ենք բացառել քաղաքական ենթատեքստը և խնդիրը դիտարկել բացառապես տնտեսական տեսանկյունից»,-«Կոմերսանտ» թերթի հետ զրույցում նման հայտարարությամբ է հանդես եկել Վրաստանի վերաինտեգրման պետնախարար Պաատա Զաքարեիշվիլին։

–Թուրքիան պատրաստ է ԵՄ-ին անդամակցելու հարցում սպասել մինչև 2023 թվականը (Թուրքիայի Հանրապետության հիմնադրման 100-ամյակ): Մենք պատրաստ ենք սպասել մինչև այդ ժամկետը: Հակառակ դեպքում ԵՄ-ը կկորցնի իրեն կամ նվազագույն դեպքում Թուրքիային:

Թուրքիայի արդարադատության նախարարություն հայց է ուղարկվել Քրդական աշխատավորական կուսակցության հետ հանդիպած Թուրքիայի խորհրդարանի պատգամավորների վերաբերյալ: Հայցում նշված է, որ 10 պատգամավորներ Շեմդինլիում PKK-ականների հետ հանդիպել են 2012 թվականի օգոստոսի 17-ին: Հայցը բաղկացած է 15 էջից։ Դրանում պահանջվում է պատգամավորներին զրկել անձեռնմխելիությունից, հետ վերցնել նրանց մանդատները և նրանց ազատազրկել 5-10 տարով:

Թուրքիայի վարչապետ Ռեջեբ Թայիփ Էրդողանը 2-օրյա պաշտոնական այցով Գերմանիայում է։ Թուրք պաշտոնյային բավական սառը ընդունելություն են նախապատրաստել տեղի հայերն ու քրդերը, ինչպես նաև գերմանական մի շարք լրատվամիջոցներ։ Էրդողանի այցին դեմ երթով հանդես կգան Քրդստանի աշխատավորական կուսակցության (PKK)անդամները, ալավիական (Սիրիայում իշխող փոքրամասնությունը) հ/կ-ները և հայ համայնքի ներկայացուցիչներ:

Իսրայելի ԱԳՆ–ն իր պաշտոնական կայքում հաղորդագրություն է տարածել որում երկրի քաղաքացիներին խորհուրդ է տվել ձեռնպահ մնալ Արցախ այցելելուց։ Կենտրոնական Ասիայի և Կովկասի եվրասիական երկրորդ դեպարտամենտի տնօրենի տեղակալ Գոլդման Շայմանը նշել է, թե Իսրայելի քաղաքացիները զգուշացված են, որ Լեռնային Ղարաբաղ այցելելու դեպքում նրանք խնդիրներ կարող են ունենալ Ադրբեջան մուտք գործելիս։

Միջադեպը տեղի է ունեցել Քահրամանմարաշ բնակավայրի մոտակայքում գտնվող փախստականների ճամբարում։ Սիրիացիները բողոքել են, թե ոստիկաններն իրենց չեն տրամադրում հասանելիք տաք հագուստն ու սկսել են քարկոծել նրանց։ Վիրավորները տեղափոխվել են հիվանդանոց։վիրավորվել է 3 մարդ, որոնցից երկուսը ոստիկաններ են։

Ինչպես հաղորդում է Հայաստանի պաշտպանության նախարարության մամլո քարտուղարությունը՝ իրականում «Իստիգլալը» Հարավաֆրիկյան հանրապետությունում արտադրվող զենքի նմանատիպն է, բայց, իհարկե, չլիցենզավորված տարբերակը: Փաստորեն այն գողացված է:

Ի դեպ, Թուրքիայի ազգային տոնին դեռ 4 օր կա. այն նշվում է հոկտեմբերի 29–ին։ Փաստորեն, ՀՀ նախագահը դեռևս «ֆուտբոլային» հովերով է տարված ու լուրջ խնդիրներ ունի արժանապատվության հետ։

Իվանիշվիլին հայտնել է, որ կառավարության գլխավոր առաջնահերթությունը երկրի միավորումն է լինելու և ձգտելու է հասնել Վրաստանի հակամարտությունների կարգավորմանը:

Սիրիայի կառավարական զորքերի և զինված ապստամբների միջև թեժ պայքարի գոտի համարվող Իդլիբ քաղաքի մոտակայքում արձակված արկը հասել է թուրքական տարածք՝ սահմանից 200 մետր հեռավորության վրա գտնվող Ռեյհանլը բնակավայր։ Այս մասին տեղեկացնում է «Միլլիեթը»։ Արկի բեկորները կոտրել են բուժկետի պատուհանի ապակին և մխրճվել շինության սենյակներից մեկի պատի մեջ։ Բուժկետում հերթապահելիս է եղել մեկ բժիշկ և երկու բուժքույր։ Զոհերի ու տուժածների մասին չի հաղորդվում։

Թուրքական «Այդինլիք» պարբերականը հրապարակել է նյութեր այն մասին, որ հոկտեմբերի 8-ին Ռուսաստանի նախագահ Վլադիմիր Պուտինի և Թուրքիայի վարչապետ Ռեջեբ Թայիփ Էրդողանի միջև տեղի է ունեցել խիստ լարված հեռախոսազրույց, որում Պուտինը նույնիսկ սպառնացել է Էրդողանին:

Թուրքիայի Ինջիրլիք ավիաբազայում տեղակայված է ամերիկյան B-61տեսակի 70 ամերիկյան միջուկային ռումբ: «ԽաբարԹյուրք»-ի փոխանցմամբ` չնայած այս զինատեսակի առկայությանը, դրա օգտագործման հնարավորությունները սահմանափակ են: Ռումբերի մեծ մասը հանդիսանում է ԱՄՆ սեփականությունը, և Վաշինգթոնը ինքն է տնօրինում դրանց ըստ նշանակության կիրառումը:

2012թ հունվար-սեպտեմբեր ամիսներին թուրքական բանակի կողմից Քրդստանի աշխատավորական կուսակցության(ՔԱԿ) անդամների դեմ իրականացված ռազմական գործողությունների արդյունքում Թուրքիայի և հյուսիսային Իրաքի տարածքում սպանվել է 670 գրոհային: Տվյալ ժամանակահատվածում հայտնաբերվել և առգրավվել է 3 տոննա պայթուցիկ նյութ, 800 նռնակ, ձերբակալվել է 6300 մարդ, ովքեր օգնել են ՔԱԿ գրոհայիններին: Մոտ 170 գրոհային հանձնվել է թուրքական իշխանություններին:

Լիբանանի մայրաքաղաք Բեյրութում հզոր պայթյուն է որոտացել, որի հետևանքով առնվազն 8 մարդ է զոհվել։ Հաղորդվում է, որ զոհված հայը Ժորժեթ Սարգիսյանն է։

Թուրքիայի բանակը կրկին գնդակոծել է Սիրիայի տարածքը։ Դեպքը տեղի է ունեցել այն բանից հետո, երբ Թուրքիայի Հաթայ շրջանում կրկին սիրիական արկ է ընկել։ Այս մասին տեղեկացնում է «Ռոյթերս»–ը՝ հղում անելով թուրքական իշխանությունների ներկայացուցչին: Հիշեցնենք, որ հոկտեմբերի 4-ին թուրքական խորհրդարանը երկրի կառավարությանը մեկ տարով արտոնել էր Թուրքիայի սահմաններից դուրս ռազմական գործողություններ իրականացնել, այդ թվում նաև Սիրիայի դեմ:

Վրացական «Իմեդի» հեռուստաընկերությունը, որը 2011թ. դեկտեմբերին գնել էր ամերիկացի Ռուպերտ Մերդոկը, հայտնել է, որ այն վերադարձվել է հանգուցյալ միլիարդատեր Պատարկացիշվիլի ընտանիքին։ «Մենք անհրաժեշտ բոլոր ջանքերը կներդնենք, որ հեռուստաալիքը դառնա բարձրակարգ և օբյեկտիվ»,-նշված է Պատարկացիշվիլի ընտանիքի տարածած հայտարարության մեջ:

Թուրքիայի վարչապետ Ռեջեբ Թայիբ Էրդողանը հայտարարել է, որ Սիրիայի համար մարդասիրական օգնություն տեղափոխող հայկական օդանավն Էրզրումի օդանավակայանում, իջեցվել է, քանի որ որոշ խախտումներ է թույլ է տվել։ Այս մասին տեղեկացնում է «ՌԻԱ նովոստի»–ն։:

Հարութ Սասունյան. «Արևմտյան Ամերիկայի Հայ դատի հանձնախմբի կազմակերպած բանավեճի մասին այս երրորդ և վերջնական հոդվածում կոնգրեսականներ Հովարդ Բերմանը և Բրեդ Շերմանը պատասխանել են բանավեճի վարողներ Հարութ Սասունյանի և Արա Խաչատրյանի՝ սիրիահայերի անվտանգությանը, Սաֆարովի սկանդալին, Արցախի անկախությանը և Իսրայելի կողմից Ադրբեջանին զենքի վաճառքին առնչվող հարցերին»։