«Վրացական երազանք» կոալիցիայի առաջնորդ Բիձինա Իվանիշվիլին մեկնաբանել է այսօր Newtimes կայքում հրապարակված իր հարցազրույցը, որ մեծ աղմուկ հանեց Հայաստանում.

Վրաստանի տարածքում գործող «Վիրք» հայկական կուսակցության ղեկավար Դավիթ Ռստակյանը հայտարարել է, որ Բիձինա Իվանիշվիլիի հարցազրույցի այն հատվածը, որտեղ վերջինս զարմանում է, թե ինչու են հայերը ապրում Վրաստանում, կտրված է իր կոնտեքստից ու մատուցված է սխալ լույսի ներքո.

ԱՄՆ պետքարտուղար Հիլարի Քլինթոնը հեռախոսազրույց է ունեցել Վրաստանի նախագահ Միխայիլ Սահակաշվիլիի հետ: Այս մասին, «Грузия Online»-ի փոխանցմամբ, հայտարարել է Վրաստանի նախագահի վարչակազմի ներկայացուցիչը: Հեռախոսազրույցի հիմնական քննարկման առարկան հանդիսացել է Վրաստանի հետընտրական իրավիճակը։

Թուրքիայի վարչապետ Ռեջեբ Թայիբ Էրդողանը Անկարայում մամլո ասուլիս է հրավիրել, որտեղ հայտարարել է, որ Թուրքիան չի պատրաստվում պատերազմել Սիրիայի հետ։ Հիշեցնենք, որ երեկ Թուրքիայի խորհրդարանը Էրդողանի կառավարությանը մեկ տարի ժամկետով մանդատ է տրամադրել անդրսահմանային ռազմական գործողությունների անցկացման համար, ինչը նշանակում է, որ խորհրդարանը թույլատրել է այդ թվում նաև Սիրիայի դեմ մարտական գործողություններ սկսել։

Թուրքիայի խորհրդարանը, ձայների 320 կողմ, 129 դեմ հարաբերակցությամբ, հաստատել է Սիրիայի կողմից Թուրքիայի սահմանին հետագա հարձակումների դեպքում Սիրիայի տարածք մտնելու և ռազմական հարված հասցնելու վերաբերյալ կառավարության այսօր ներկայացրած փաստաթուղթը։ Այսպիսով Թուրքիայի խորհրդարանը կառավարությանը մեկ տարի ժամկետով լիազորություն է տալիս Թուրքիայի զինված ուժերն անհրաժեշտության դեպքում արտերկիր գործուղելու համար։

Թուրքիայի կառավարությունը դիմել է խորհրդարանին Սիրիայի տարածքում ռազմական գործողություններ իրականացնելու թույլտվության համար։ Համաձայն սահմանադրության 92-րդ հոդվածի՝ կառավարությունը խնդրում է խորհրդարանից մանդատ տրամադրել թուրքական զորքերը երկրի սահմաններից դուրս ուղարկելու համար: Հիշեցնենք, որ նախօրեին սիրիական տարածքի սահմանային հատվածից Թուրքիա հասած արկի պայթյունից ավելի քան 5 թուրք էր զոհվել։

Վրաստանի Կենտրոնական ընտրական հանձնաժողովն հաշվել է հոկտեմբերի 1-ին կայացած խորհրդարանական ընտրությունների ձայների 97.03%-ը։ Վրացական լրատվամիջոցների փոխանցմամբ, նախնական տվյալներով՝ ձայների 54.8%-ով (1 154 533 քվե) հաղթում է ընդդիմադիր Բիձինա Իվանիշվիլիի գլխավորած «Վրացական երազանք» կոալիցիան։ Երկրորդ տեղում Միխայիլ Սահակաշվիլիի առաջնորդած «Միացյալ ազգային շարժում»-ն է՝ 40.4% (845 169 քվե)։

Հարութ Սասունյան. «Կոնգրեսականներն անդրադարձան ԱՄՆ կողմից Հայոց ցեղասպանության ճանաչման, Թուրքիայի փոխհատուցումների, Իսրայելի կողմից Հայոց ցեղասպանության ճանաչման մերժման, Սիրիայում և Վրաստանում հայ համայնքների պաշտպանության, Թուրքիայի Ինջիրլիքի ռազմաօդային բազայի օգտագործման համար, այդ հողամասերի հայ սեփականատերերին ԱՄՆ-ի վարձակալության վճարման, Թուրքիայում եկեղեցիները քրիստոնայներին վերադարձնելու, Ադրբեջանին Իսրայելի զենքերի վաճառքի... խնդիրներին»։

Ըստ Վրաստանի ԿԸՀ–ի վերջին տվյալների, Բիձինա Իվանիշվիլու «Վրացական երազանք» դաշինքը հաղթում է նաև մեծամասնական համակարգով, բայց շատ քիչ է առաջ անցել Սահակաշվիլու «Միասնական Ազգային Շարժում» կուսակցությունից՝31 ընտրատարածքում հաղթել են առաջինի թեկնածուները, իսկ 29–ում իշխանության թեկնածուները։

Ընտրություններին մասնակցում է 16 կուսակցություն։ Իշխող, Միացյալ ազգային շարժում կուսակցության հիմնական մրցակիցը կլինի միլիարդատեր Բիձինա Իվանիշվիլիի Վրացական երազանք կոալիցիան։ Երկրի քաղաքացիները պետք է ընտրեն 150 պատգամավոր, որոնցից 77՝ կուսակցական ցուցակներով, իսկ 73՝առանձին տեղամասերում։

Թուրքիայի արտգործնախարար Ահմեդ Դավութօղլուն ՄԱԿ–ում ելույթ ունենալու ժամանակ անրադարձել է ղարաբաղյան հիմնախնդրին։ «Ամեն անգամ մենք ընդգծում ենք ղարաբաղյան հիմնախնդրի կարգավորման ուղիների որոնման կարևորությունը Ադրբեջանի տարածքային ամբողջականության սահմաններում։ Սակայն վերջին 20 տարում ոչինչ այդ ուղղությամբ չի արվել»,–ասել է նա։

Թեո Բիչիկաշվիլի. «Խորհրդարանական ընտրություններին պատրաստվող Վրաստանում բացահայտված սարսափելի տեսանյութը, որտեղ պատկերված է, թե ինչպես են բանտարկյալներին խոշտանգումների ենթարկում, լրջորեն նվազեցրել է իշխող կուսակցության վերընտրվելու հնարավորությունները»։

Հայաստանի և Ադրբեջանի ԱԳ նախարարները վերահաստատել են հակամարտության խաղաղ կարգավորման գործում ջանքեր ներդնելու և բանակցությունները շարունակելու իրենց պատրաստակամությունը: Իրենց հերթին ԵԱՀԿ Մինսկի խմբի համանախագահներն անհանգստություն են հայտնել վերջին ամիսներին բանակցային գործընթացում զգալի առաջընթացի բացակայության կապակցությամբ:

Տիգրան Աբրահամյանց. «Անկասկած, վերջին երկու տարիներին Ադրբեջանի բարձրաստիճան պաշտոնյաների, փորձագետների և զլմ-ների կողմից քննարկվող հիմնական թեմաներից մեկը Ստեփանակերտի օդանավակայանի վերաբացման հարցն է: Այդ ընթացքում պաշտոնական Բաքուն Ստեփանակերտի օդանավակայանի շահագործման վերաբերյալ աշխարհով մեկ աղմուկ բարձրացնելու հետ միաժամանակ հասցրել է հայկական կողմին մի շարք սպառնալիքներ ներկայացնել...»։

Իրանի նախագահ Մահմուդ Ահմադինեժադը ուսումնասիրում է իր խորհրդական, իրանական «IRNA» գործակալության տնօրեն Ալի Աքբար Ջավանֆեքրի ձերբակալության հանգամանքները: Ջավանֆեքրը մեղադրվում է երկրի գերագույն առաջնորդ Ալի Համենեիին վիրավորելու համար։ Նրան դատապարտել են վեցամսյա ազատազրկման և ուղարկել են Թեհրանի բանտ: Ընդ որում չի նշվում, թե նախագահի խորհրդականը երբ և որտեղ է Համենեիին վիրավորել:

52-ամյա Ալի Ջեմալ Աղըրմանին Ֆեյսբուք սոցիալական ցանցում Թուրքիայի նախագահ Աբդուլլահ Գյուլի հասցեին վիրավորական գրառումներ կատարելու համար դատապարտվել է 1 տարի 3 ամիս ազատազրկման։ Dատարանում Աղըրմանին պահանջել է ազատ արձակել իրեն՝ հայտարարելով, թե չգիտեր, որ սոցցանցում գրառում կատարելը հանցագործություն է։

«Եվրախորհրդարանը՝ որպես բացարձակ անկախ կազմակերպություն, իրավունք ունի իր կարծիքը հայտնել այս կամ այն խնդրի շուրջը: Երբեմն մենք կիսում ենք Եվրախորհրդարանի կարծիքը, երբեմն էլ՝ ոչ: Ռամիլ Սաֆարովի գործն արդեն անցյալում է, մենք պետք է առաջ նայենք»:

Արկադի Գրիգորյան. «Կոչումը բարձրացրած, աշխատավարձ ստացած և ներկայումս արձակուրդի մեկնած Ռամիլ Սաֆարովին, միգուցե, թվում է, թե ամեն ինչ հոյակապ է: Նա հերոս է, այն էլ կենդանի… բայց ի հիասթափություն այդ «հերոս-կացնամարդի», պետք է նշել, որ նրա մեկանգամյա օգտագործման գործընթացն ավարտվել է և հիմա նա այլևս պետք չէ ադրբեջանական տոտալիտար համակարգին»։