Այսօր ԱՄՆ–ի Քեմփ–Դևիդ քաղաքում տեղի ունեցող «Մեծ ութնյակի» գագաթաժողովին մասնակից երկրների ղեկավարները քննարկել են Իրանի միջուկային ծրագիրը։ Իսրայելական լրատվամիջոցները հայտնում են, որ թեև առաջատար երկրների ղեկավարներին չի հաջողվել ընդհանուր հայտարարի գալ այս խնդրի շուրջ, մեկ հարցում բոլորը միակարծիք են՝ Իրանն ինքը պետք է ապացույցներ ներկայացնի, որ իր միջուկային ծրագիրն ունի բացառապես խաղաղ նպատակներ...

Դեմոկրատ-կոնգրեսական Դենիս Կուսինիչը հայտարարել է, թե 2013թ. ԱՄՆ ռազմական բյուջեի նախագիծը պարունակում է Իրանի դեմ ծովային և ցամաքային ռազմական գործողությունների համար անհրաժեշտ ավիացիայի, ռազմամթերքի և վառելիքի տեղափոխման պլան։

Հրաչյա Արզումանյան. «Իրավունք ունի՞ արդյոք Հայաստանն ունենալ թույլ տնտեսություն և անարդար հասարակություն։ Միանշանակ բացասական պատասխանը պետք է օգնի բացահայտել հայության իրական խնդիրները` սխալ ձևակերպված մարտահրավերների և սպառնալիքների համար պատասխաններ փնտրելու համար»։

Իրանը պետք է լուրջ առաջարկներ ներկայացնի իր միջուկային ծրագրի վերաբերյալ, եթե ցանկանում է խուսափել Իսրայելի հնարավոր հարվածից։ Այս նախազգուշացումը, «Կուրսոր»–ի փոխանցմամբ, Թուրքիայի ղեկավարությունը փոխանցել է Իրանի առաջնորդներին։

Մայիյի 15–ի առավոտյան Թեհրանում կախել են 24–ամյա «իսրայելյան լրտեսին», ում մեղավոր են ճանաչել իրանցի միջուկային ֆիզիկոսի սպանության մեջ։ Իրանի քաղաքացի Մաջիդ Ջամալի Ֆաշին մահապատժի է դատապարտվել պրոֆեսոր Մասուդ Ալի Մոհամադիի սպանության համար։ Գիտնականը զոհվել էր 2010–ի հունվարին, երբ իր մեքենայի կողքին պայթել էր ականապատ մոտոցիկլը։

Թուրքական Hurriyet-ը տեղեկացնում է, որ երկրի Դիարբեքիր նահանգի Քուլփի շրջանում Քրդական Բանվորական Կուսակցության(PKK) զինյալները փակել են ճանապարհը, իրականացրել անձնագրային ստուգում՝ միաժամանակ քարոզելով PKK–ի գաղափարախոսությունը։

1994թ. մայիսի 5-ին ավարտվեց ՌԴ նախաձեռնությամբ Բիշքեկում կայացած Ադրբեջանի, Հայաստանի ու Լեռնային Ղարաբաղի խորհրդարանական կառույցների ղեկավարների հանդիպումը, որտեղ ստորագրվեց Բիշքեկի արձանագրությունը` մայիսի լույս 9-ի գիշերը կրակը դադարեցնելու կոչով: Այն ուժի մեջ մտավ մայիսի 12-ի կես գիշերին:

ՆԱՏՕ–ի գլխավոր գրասենյակը պաշտոնապես տեղեկացրել է Իսրայելի կառավարությանը, որ Իսրայելը չի ստանա ՆԱՏՕ–ի մայիսի 20–ին Չիկագոում կայանալիք գագաթաժողովի հրավեր։ Պաշտոնյաները հատուկ ընդգծել են, որ այս որոշումն ընդունվել է Թուրքիայի կողմից շարունակվող ճնշումների ներքո։

«Ինտեռֆաքսի» փոխանցմամբ՝ Եվրոպայի և Եվրասիայի հարցերով ԱՄՆ Պետքարտուղարի տեղակալ Ֆիլիպ Գորդոնը Սենատի միջազգային հանձնաժողովի լսումների ժամանակ հայտարարել է, որ Միացյալ Նահանգներն առայժմ պատրաստ չէ խոսել Վրաստանի ՆԱՏՕ-ին անդամակցության ժամկետների մասին։ Միաժամանակ, Գորդոնը նշել է, որ իրենք շարունակելու են աջակցել Թբիլիսիին` դաշինքին անդամակցության պահանջների իրականացման հարցում:

Անցած տարի Կանաչների կուսակցության ներկայացուցիչ Մեհմետ Կապլանը կոչ էր արել, որ Շվեդիան ակտիվորեն ներգրավվի Լեռնային Ղարաբաղի հակամարտության կարգավորման գործընթացում։ Կանաչների ներկայացուցիչը պահանջում էր, որ «օկուպացված ադրբեջանական տարածքից անհապաղ և անվերապահ դուրս բերել հայկական բոլոր զինված ուժերը»...

Հարութ Սասունյան. «Վերջին տարիներին, դատ բացելու մոլուցքով տարված Ամերիկայի թուրքական համախմբումը (ԱԹՀ) դատական գործեր է հարուցել այն դասախոսների, պետական ծառայողների և քաղաքացիական խմբերի դեմ, ովքեր սատարում են Հայոց ցեղասպանության ճանաչմանը»։

Էրդողանը հայտարարել է, թե Թուրքիան բացել է բոլոր արխիվները՝ կապված հայկական հարցի հետ։ Նա ընդգծել է, որ եթե «Հայաստանը Ցեղասպանությունն ապացուցող փաստաթղթեր ունի, ապա պետք է հայտարարի այդ մասին». «Եթե ուսումնասիրությունների ընթացքում հարկ լինի, որ մենք նայենք մեր պատմության դեմքին, մենք պատրաստ ենք»,–հավաստիացրել է Թուրքիայի վարչապետը։

ԱԻ նախարարությունից տեղեկացնում են, որ այսօր՝ մայիսի 7-ին, տեղական ժամանակով ժամը08:40-ին ՍՊԱԾ-ի սեյսմոլոգիական ցանցի կողմից գրանցվել է 5,9 մագնիտուդով երկրաշարժ (նախնական տվյալներով), որի էպիկենտրոնը գտնվում է Ադրբեջանի տարածքում Շեքիքաղաքից 28 կմ դեպի հյուսիս-արևմուտք: Երկրաշարժի ուժգնությունը էպիկենտրոնային գոտում կազմել է 8 բալ:

Վրաստանի նախագահ Միխայիլ Սահակաշվիլին Քութաիսիում, քաղաքի տոնի առթիվ իր ելույթում, Թբիլիսին անվանել է «ամբողջ Կովկասի պատմական և մշակութային մայրաքաղաք»։ Խոսելով Թբիլիսի նշանակության մասին՝ Վրաստանի նախագահը նշել է, թե այն տարածաշրջանային կենտրոն է, որի նշանակությունը օրեցօր մեծանում է։

Վրաստանի անվտանգության խորհրդի քարտուղարի տեղակալ. «Վրաստանը կմտնի ՆԱՏՕ միայն սեփական տարածքների ամբողջականության դեպքում: Վրաստանի տարածքների դեօկուպացիան և Վրաստանի ինտեգրումը եվրոատլանտյան կառույցներին՝ զուգահեռ գործընթացներ են»։

Թուրքական լրատվամիջոցների փոխանցմամբ՝ մայիսի 2-4–ը հայ–թուրքական հարաբերությունների վերաբերյալ Էրզրումում տեղի կունենա համաժողով, որին կմասնակցեն 75 գիտնականներ տարբեր երկրներից։ Թուրքիայի Հայ–թուրքական հարաբերությունների հետազոտական կենտրոնի տնօրեն Էրոլ Քյուրքչուօղլուն հայտնել է, որ համաժողովի ընթացքում ներկայացվելու են «երկու ժողովուրդների պատմությանը վերաբերող նոր փաստաթղթեր»։

Այսօրվանից, մեկ ամիս ժամկետով, Ադրբեջանը ստանձնում է ՄԱԿ-ի Անվտանգության խորհրդի նախագահությունը` այս պաշտոնում փոխարինելով ԱՄՆ-ին: ՄԱԿ-ում Ադրբեջանի մշտական ներկայացուցիչ Ագշին Մեհթիևը ԻՏԱՌ ՏԱՍՍ գործակալությանը հայտնել է թե, Ադրբեջանի անդամակցությունը Խորհրդին ոչ մի կերպ չի ազդի արտաքին քաղաքականության առաջնահերթությունների վրա:

Հայաստանի և Իրանի արտաքին քաղաքական գերատեսչությունների ղեկավարները քննարկեցին միջկառավարական հանձնաժողովի աշխատանքները, որի հաջորդ նիստը նախատեսված է անցկացնել ս.թ. ամռանը Երևանում: Անդրադարձ կատարվեց երկու երկրների միջև համագործակցությանը՝ տրանսպորտի, էներգետիկայի, մաքսային, բնապահպանության, կրթական, առողջապահության, գյուղատնտեսության, մշակութային բնագավառներում, մտքեր փոխանակվեցին իրավա-պայմանագրային դաշտի ընդլայնման շուրջ: