Հարութ Սասունյան. «Մի քանի շաբաթ հետո, երբ թուրքական մեծածախս լոբբիստական ընկերությունները ԱՄՆ Արդարադատության նախարարություն ներկայացնեն իրենց պարտադիր հաշվետվությունները, կարվեն կարևոր բացահայտումներ իրենց ծածուկ գործունեության վերաբերյալ, որով փորձում են Կոնգրեսի միջոցով անցկացնել այնպիսի օրինագիծ, որը թուրքական ընկերություններին կշնորհի Ամերիկայի հնդիկ ցեղերին պատկանող հողերում ներդրումներ կատարելու մենաշնորհային դիրք»։

Իրանական «Rajanews» էլեկտրոնային պարբերականը մեկնաբանել է երկրի ֆուտբոլի առաջնության «Tractorsazi» (Թավրիզ) – «Fecr-i Sepasi» (Շիրազ) հանդիպմանը տեղի ունեցած միջադեպը։ Բանն այն է, որ այդ խաղի ժամանակ մի շարք հանդիսատեսներ բարձրացրել են ադրբեջանական, ինչպես նաև թուրքական դրոշներ։ Կայքը սա որակել է անջատողականության դրսևորում.

«Ես փորձել եմ ինքս Ասադին համոզել, որ երկրին բարեփոխումներ են անհրաժեշտ, սակայն նա գործում էր դժկամությամբ»,–նշել է Թուրքիայի նախագահը՝ հավելելով, որ իր երկիրը Դամասկոսին այլևս չի հավատում։

«Վրացական իշխանությունների կողմից Ջավախքում իրականցվող հակահայ քաղաքականությունը, մերթընդմերթ ստանալով անձնավորված երանգ` հասավ նաև մեր ընտանիքին: Սույն ուսումնական տարվա սկզբին Ջավախքի Ղադո գյուղի բազային դպրոցից հեռացվեց մայրս` ուղիղ 30 տարվա վաստակավոր ուսուցչուհի Վարդուհի Մուրադյանը»։

Ինչպես հաղորդում են թուրքական լրատվամիջոցները, Ֆրանսիայի արտգործնախարար Ալեն Ժյուպեն Թուրքիայի իր գործընկեր Ահմեդ Դավութօղլուի հետ համատեղ ասուլիսում հայտնել է, որ մեծ տերությունները նույնպես ուսումնասիրում են սեփական պատմությունը, լուրջ աշխատանք տանում պատմական իրադարձությունների հետ կապված։

Ալեք Ենիգոմշյանը նկատել է, որ եթե մինչև 2000թ.-ն ջավախահայերը կարողանում էին պահպանել իրենց ազգային ինքնությունը, ապա 2000թ.–ից սկսած ՀՀ իշխանության անտարբեր քաղաքականության հետևանքով ամեն ինչ հասավ նրան, որ Հայաստանի իշխանությունները Ջավախքն սկսեցին անվանել Սփյուռք։

Ինչպես գրում է, «Ախալի թաոբա» («Նոր սերունդ») թերթը, Վրաստանի նախագահ Միխեիլ Սահակաշվիլիի մերձավոր շրջապատում քննարկվում է արտահերթ նախագահական ընտրություններ անցկացնելու հարցը։ Ըստ թերթի՝ գաղտնի աղբյուրը հաստատել է, որ նախագահական ընտրությունները կարող են տեղի ունենալ ոչ թե 2013թ., այլ 2012թ. գարնանը։ Իշխանության ազդեցիկ ներկայացուցիչները, այդ թվում Ազգային անվտանգության խորհրդի քարտուղար Գեորգի Բոկերիան, Սահակաշվիլիին խորհուրդ են տալիս ընդհանրապես լքել քաղաքական ասպարեզը։

«Հաճախ ասվում է, որ մենք ցանկանում ենք մեր հարաբերություններն մերձեցնել, ոչ թե հեռացնել: Մենք կհարգենք մեր խոստումները և կպահպանենք սերտ հարաբերությունները, որոնք միայն փողով չեն սահմանափակվում»։

ՀՀԿ խմբակցության պատգամավոր, «Վիրահայերի միություն» ՀԿ նախագահ Հայկ Սանոսյանն ԱԺ ամբիոնից հայտարարել էր, որ ինքը դեմ է քվեարկելու 2012թ. պետական բյուջեի նախագծին, քանի որ այն ամբողջությամբ անտեսում է Ջավախքի հիմնախնդիրները։ Մեկ այլ ՀՀԿ–ական պատգամավոր, «Ջավախք» հայրենակցական միության նախագահ Շիրակ Թորոսյանն էլ հայտարարել է, որ կողմ է քվեարկելու բյուջեին ու ընդգծել, որ բյուջեի առանձին հոդվածներով ֆինանսական հատկացումներ են նախատեսված ջավախքահայերի խնդիրների լուծման համար։

«CNN»–ը հաղորդում է, որ Թուրքիայի էներգետիկայի և բնական ռեսուրսների նախարար Թաներ Յլդըզը Սիրիային սպառնացել է, թե էլեկտրամատակարարումը կդադարեցի, եթե երկրում արյունահեղությունը չդադարի։ Նա նաև հայտարարել է, թե Թուրքիան ժամանակավորապես հետաձգում է Սիրիայի հետ համատեղ իրականացվող նավթային նախագծերը։

Նոյեմբերի 15-ին մեկնարկում է ԵՄ անվտանգության և արտաքին քաղաքականության հարցերով գերագույն հանձնակատար Քեթրին Էշթոնի հարավկովկասյան այցը։ Էշթոնը նախ կայցելի Բաքու, այնուհետև՝ Թբիլիսի, և վերջում՝ Երևան։ Հարավկովկասյան երկրների նախագահների հետ հանդիպումների ընթացքում քննարկվելու է նաև հակամարտությունների կարգավորման գործընթացներում Եվրամիության դերակատարությունը մեծացնելու հարցը։

«Մեծ Բրիտանիան այդպես էլ չի ճանաչել Հայոց ցեղասպանությունը, իսկ Ձեր կարծիքը այդ առումով չի՞ փոխվել» հարցին ի պատասխան՝ Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Չարլզ Լոնսդեյլն ասել է, թե պաշտոնական դիրքորոշումն անփոփոխ է, և այն չի փոխվի դեսպանների փոփոխության հետ։

Նինո Խարաձե. «Չնայած դեռեւս պարզ չէ, թե ինչպես է Վրաստանը համաձայնվել «կանաչ լույս» վառել Ռուսաստանի անդամակցությանը Առեւտրի համաշխարհային կազմակերպությանը (ԱՀԿ), նախագահ Միխեիլ Սահակաշվիլին արդեն իսկ մեկնաբանում է այն որպես դիվանագիտական հաջողություն»։

Կիրակի օրը ամերիկյան «FOX 11» հեռուստաընկերությունը կհեռարձակի հաղորդում, որտեղ նշվում է, թե Հետաքննության դաշնային բյուրոն (ՀԴԲ) բացահայտել է, որ Իրանի իսլամական հեղափոխության պահապանների կորպուսը մտադիր է մի շարք քաղաքական սպանություններ իրականացնել Սաուդյան Արաբիայում, Սիրիայում, Ադրբեջանում, Թուրքիայում և Իրաքում։

«Մեր թշնամիները, մասնավորապես ԱՄՆ–ը, իր դաշնակիցներն ու սիոնիստական վարչակարգը, պետք է իմանան, որ ինչ–որ երկիր ներխուժելը Իրանի ավանդույթների մեջ չէ, բայց մենք ամոբղջ ուժով կպատասխանենք, եթե լինի Իրանի վրա հարձակում կամ նույնիսկ նման սպառնալիք»։

Սարո Սարոյան. «Ժամանակակից Թուրքիայի առաջընթացի եւ արտաքին քաղաքական նորանոր դիրքերի նվաճմանն ուղղված քաղաքականության խորապատկերին պաշտոնական Անկարայի ամենաարդիական հարցը շարունակում է մնալ քրդականը: Այն, ինչպես ցանկացած ազգային հարց, իրենից ներկայացնում է խնդիրների մի տարրապատկեր»։

Երևանում այցով գտնվող Իրանի արտգործնախարար Ալի Աքբար Սալեհին հայաստանցի իր պաշտոնակից Էդվարդ Նալբանդյանի հետ ասուլիսում հայտարարել է, որ Իրանն ու Հայաստանը ոչ մի խնդիր չունեն՝ ո՛չ սահմանային, ո՛չ որևէ այլ։

Հրադադարի խախտումների ժամանակ ադրբեջանական կողմը կրակել է տարբեր զինատեսակներից, այդ թվում` դիպուկահար զինատեսակներից ավելի քան 250 անգամ: Հայկական զինված ուժերը խստորեն պահպանում են հրադադարի ռեժիմը և պատասխան գործողությունների են դիմում ծայրահեղ անհրաժեշտության դեպքում: