«Թուրքիան այժմ տարածաշրջանային կենտրոնի դեր է կատարում։ Մեզ հաջողվել է ստեղծել տարածաշրջանի երկրների հետ համագործակցության քառակողմ, եռակողմ և երկկողմ մեխանիզմներ։ Մենք ցանկանում ենք բարելավել մեր հարաբերությունները Հայաստանի հետ, և որ դրանք լինեն ավելի կայուն։ Դրա համար կարևոր է սառեցված հակամարտությունների կարգավորումը»,–ասել է Թուրքիայի ԱԳ նախարարը։

Ալեք Յենիգոմշյան. «Որպես հայրենական տարածք իր ներկայացրած առանձին նշանակությանը զուգահեռ, Ջավախքը' ներկա Հայաստանի անվտանգության համար ներկայացնում է ռազմավարական անգնահատելի նշանակություն»։

Եվրոպական պառլամենտը պահանջում է (Եվրոպական) Խորհրդից ճնշում գործադրել ներկայիս թուրքական կառավարության վրա, որպեսզի վերջինս ճանաչի 1915-1917 թվականների հայերի հանդեպ կազմակերպված ցեղասպանությունը և այդպիսով նպաստի քաղաքական երկխոսության հաստատմանը Թուրքիայի և հայերի լիազոր պատվիրակների միջև։

2009թ. համեմատ Ադրբեջանը 2010թ. 3,6 անգամ մեծացրել է ռազմական նշանակության ապրանքների արտադրության ծավալը։ Ինչպես հաղորդում է «Trend»-ը, այս մասին հայտարարել է Ադրբեջանի պաշտպանական արդյունաբերության նախարար Յավեր Ջամալովը։ Նա ասել է, թե 2006 թ. համեմատ այս ցուցանիշն աճել է 115 անգամ, և երկիրն ամբողջովին հաղթահարել է կախվածությունը ռազմամթերքի ներմուծումից։

Հայկ Դեմոյան. «Այո՛, պարո՛ն Դավութօղլու, ես լիովին համաձայն եմ Ձեզ հետ, որ շատ բաներ են փոխվել թուրքական հասարակության մեջ, և 1915 թվականի «ողբերգական դեպքերն» այժմ հասարակական քննարկումների օրակարգում են, բայց հարց է ծագում' ինչո՞ւ են այդ դեպքերը ժխտվել»։

«Անցյալ շաբաթ թուրքական «Ջիհան» լրատվական գործակալությունը սենսացիոն բացահայտում էր արել. թուրքական ահաբեկչական մի խմբակ ծրագրել էր սպանել 2009 թվականի մարտի 22-ին Թուրքիա այցելած հայ պատգամավորին»։

-Աբխազիայում այժմ ծառայող ռուս մայոր Եվգենիյ Բորիսովը հրահանգել և վճարել է այս տարվա սեպտեմբեր-նոյեմբեր ամիսներին Վրաստանում տեղի ունեցած ահաբեկչությունների համար,-հայտարարել է Վրաստանի ՆԳՆ փոխնախարար Եկա Զգուլաձեն ։

«Կովկասի բանբեր»-ը Աստանայում ԵԱՀԿ գագաթնաժողովի արդյունքների վերաբերյալ հոդված է տպագրել, որում նշվում է, թե գագաթնաժողովը ձախողված էր։ Ամփոփիչ հռչակագիրը, չնայած սպասումներին, ընդունվել է 10-ժամյա ուշացումով և համաժողովի կազամակերպիչների նախատեսածից տարբերվող ընդհանրապես այլ տեքստով։

Վահե Սարգսյան. «Եթե այս խոսքերով թոռնիկը պապիկին պատմեր իր տպավորությունները Ջավախք այցելության մասին, կարելի էր հիանալ նրա մանկական երևակայություններով, բայց երբ այս, մեղմ ասված, տպավորությունները հնչեցնում է մեր մեծահասակ, այն էլ' փոխնախարար մարդը, դա արդեն տխրեցուցիչ է»։

Վրաստանի նախագահ Միխաիլ Սահակաշվիլին նշել է, որ ԱՄՆ-ը ֆորմալ առումով պաշտոնական Թբիլիսիին անվտանգության երաշխիքներ չի տվել։ «Ներկա պահին ձեռնարկվում են դիվանագիտական առավել արդյունավետ ջանքեր՝ կանխելու հասունացող հակամարտությունը»,-ասել է Սահակաշվիլին։

Հայերենով գրքեր, թերթեր կամ ամսագրեր արգելվում է անցկացնել Վրաստան՝ անկախ դրանց բովանդակությունից: «Դուք իրավունք չունեք գրքերը ձեզ հետ Ջավախք տանել, չի թույլատրվում, դրանք պետք է թողնեք այստեղ՝ մեզ մոտ»,-Հայաստան-Վրաստան սահմանային բոլոր անցակետերում նման պատասխան են տալիս, երբ Վրաստան մեկնող հայ ուղևորների ձեռքում վրաց սահմանապահները հայտնաբերում են գրքեր, ամսագրեր, կամ պարզապես գրահրատարակչական այլ նյութեր։

«Արսեն Քարամյանն ասել է, թե իր Վրաստանյան այցը տվել է փայլուն արդյունքներ։ Հետաքրքիրն այն է, որ ՀՀ փոխնախարարը Ջավախք էր մեկնել իր գերատեսչության կողմից իրականացվող միջոցառմանը մասնակցելու, և Ջավախքում էլ սպասում էին նրա այցին: Իսկ թե ինչու էր վերջինս Բավրայի սահմանակետից, առանց Ջավախքի հողի վրա ոտք դնելու ուղիղ մեկնել Թիֆլիս, մնում է հանելուկ...»։

«Միջին Արևելքի քրիստոնէութիւնը եկուոր չէ. ան կը պատկանի Միջին Արեւելքի հողին, մշակոյթին, քաղաքակրթութեան ու պատմութեան: Շրջանին զարգացման ու յառաջդիմութեան մէջ կարեւոր դեր ունեցած է քրիստոնէութիւնը: Միջին Արեւելքի մեծ իրագործումներուն մէջ ան իր յատկանշական դերը ունեցած է: Չմոռնանք, որ քրիստոնէութեան ծննդավայրը հոս է»։

«Ադրբեջանի նախագահի ասածը քոչվոր խաշնարածին բնորոշ արտահայտություն է, քանի որ նրա համար չկա հայրենիք, այլ կա միայն արոտավայր: Տվյալ դեպքում մեր ԱԳՆ-ն պիտի եռանախագահների և ՄԱԿ-ի Անվտանգության խորհրդի ուշադրությունը հրավիրի Ալիևի հայտարարությունների վրա՝ դրանք որակելով որպես սադրանք, որը սպառնում է տարածաշրջանի խաղաղությանը և անվտանգությանը»։

Թուրքիայի նախագահ Աբդուլա Գյուլին շնորհվելու է Մեծ Բրիտանիայի Միջազգային հարաբերությունների թագավորական ինստիտուտի՝ Chatham House-ի մրցանակը։ Գյուլն արժանացել է այդ պատվին Իրաքի տարբեր քաղաքական խմբերի միջև հանձայնություն հաստատելու ջանքերի, ինչպես նաև աֆղանա-պակիստանյան հարաբերություններում ունեցած ավանդի համար։ Նշվում են նաև Գյուլի ջանքերը Մերձավոր Արևելքում կայնության ամրապնդման և Հայաստանի հետ հարաբերությունների հաստատման գործում։

Վահե Սարգսյան. «Վրաց Դավիթ թագավորը, սակայն, վրաց պատմության մեջ հիշվում է որպես սովորական թագավոր: Վրաց ժողովրդական ստեղծագործությունների մեջ հերոսացումի որևէ փորձ գոյություն չունի այս խեղճ թագավորի կյանքի վերաբերյալ, ապա ակամա հարց է ծագում, ո՞ր ծանոթ ճամփով Մցխեթցի Դավիթը եկավ հասավ մինչև բարձրաբերձ Սասուն»։

Ողջունելով Արցախ ժամանած Եվրոպական խորհրդարանի մի խումբ պատգամավորներին՝ Արցախի Հանրապետության Ազգային ժողովի նախագահ Աշոտ Ղուլյանը տարակուսանք է հայտնել, որ ամեն անգամ եվրոպական կառույցները որոշակի դժկամությամբ են արձագանքում Արցախում անցկացվող նախագահական, խորհրդարանական կամ թե տեղական ինքնակառավարման մարմինների յուրաքանչյուր ընտրության փաստին:

Երվանդ Բոզոյան. «Եթե միջազգային հանրությունը շարունակի հանդուրժել Ադրբեջանի ռազմատենչ հայտարարություններն ու լկտի պահվածքը, ապա 1938թ. իրադրության նման մի պատկեր կստեղծվի, երբ Անգլիան և Ֆրանսիան Մյունխենի պայմանագրով Չեխոսլովակիան զոհաբերեցին հիտլերյան Գերմանիային, սակայն Գերմանիան էլ ավելի լկտիացավ ու դարձավ գլոբալ խնդիր»։