Վիլնյուսում տեղի ունեցավ Հայաստանի արտգործնախարար Էդվարդ Նալբանդյանի, Ադրբեջանի արտգործնախարար Էլմար Մամեդյարովի, ԵԱՀԿ Մինսկի խմբի համանախագահներ Բեռնար Ֆասյեի, Ռոբերտ Բրադկեի, Իգոր Պոպովի, ՄԽ ֆրանսիացի նոր համանախագահ Ժակ Ֆորի և ԵԱՀԿ գործող նախագահի անձնական ներկայացուցիչ Անջեյ Կասպրչիկի հանդիպումը:

«Apsny.ge» կայքը փոխանցում է, որ Վրաստանի նախկին նախագահ Էդուարդ Շևարդնաձեն լուրջ սպառնալիք է տեսնում Հայաստանը և Աջարիան միացնող ուղիղ ավտոճանապարհի կառուցման հարցում։ –Այդ նախագիծը կարող է Վրաստանի համար ժողովրդագրական խնդիրներ առաջացնել,–«Ասավալ–դասավալի» շաբաթաթերթին իր մտավախությունն է հայտնել Շևարդնաձեն։

Վրաստանի ճանապարհային դեպարտամենտից հաղորդում են, որ դեկտեմբերի 5-ի ժամը 12.00-ի դրությամբ, Վերին Լարսի անցակետը հատել են հայկական բեռնափոխադրող ընկերությունների 60 բեռնատար մեքենաներ։ Առաջիկա օրերին բոլոր մեքենաները կանցնեն անցակետը:

Ինչպես տեղեկացնում է ՀՀ ՊՆ պաշտոնական կայքը, հայկական և ադրբեջանական զինված ուժերի շփման գծում 2011թ. նոյեմբերի 1–ից 30–ը Ադրբեջանը հրադադարի ռեժիմը խախտել է ավելի քան 1150 անգամ: Հայաստանի Հանրապետության սահմանին գրանցվել է Ադրբեջանի կողմից հրադադարի խախտման ավելի քան 200 դեպք:

Թուրքիայի նախագահ Աբդուլահ Գյուլը Youtbube World View հեռուստաալիքի եթերում պատասխանել է համանցացով իրեն ուղղված հարցերին։ Մասնավորապես, պատասխանելով 20-րդ դարի 30-ականներին Դերսիմում տեղի ունեցած քրդերի ջարդերի վերաբերյալ արխիվները բացելու հարցին՝ Գյուլն ասել է. «Դերսիմյան իրադարձությունները ողբերգական են, և ես խնդիր չեմ տեսնում արխիվների բացման հարցում։ Մենք միշտ վիճահարույց պահերին բացում ենք արխիվները»։

ԵՄ պատժամիջոցները տարածվում են Իրանի 180 քաղաքացիների, ինչպես նաև մի շարք իրանյան ընկերությունների վրա։ «Սև ցուցակի» մեջ են հայտնվել պետության վերահսկողության տակ գտնվող տրանսպորտային ընկերությունները, ինչպես նաև մի շարք անձինք, ովքեր կապ ունեն Իրանի միջուկային ծրագրի հետ։

Իրանի իրավապաշտպան մարմիններն ազատ են արձակել մի քանի օր առաջ բրիտանական դեսպանատան վրա հարձակված ուսանողներին։ Այս մասին հաղորդում է «Associated press»-ը։ Ավելի վաղ «Fars» գործակալությունը հաղորդել էր, որ դեսպանատան առջև բողոքի ակցիային մասնակցած 200 ուսանողներից 12–ը ձերբակալվել է։ Երեկ երեկոյան նրանցից 11-ն ազատ է արձակվել։ Ազատման հիմքերը չեն պարզաբանվում։

«Իրանը ոչ՛Աֆղանստանն է, ո՛չ էլ Իրաքը։ Եթե ամերիկացիներն այդպիսի սխալ գործեն, մենք իրենց ցույց կտանք՝ ինչպես պատերազմել»։ Այս մասին հայտարարել է Իրանի պաշտպանության նախարար Ահմեդ Վահիդին։

ԱՄՆ փոխնախագահ Ջո Բայդենը ելույթ կունենա Ստաբուլում կայանալիք «Համընդհանուր նախաձեռնություն» վեհաժողովի ժամանակ։ Նա կհանդիպի Հունաստանի պատրիարքի, Թուրքիայի վարչապետի Ռեջեփ Թայիփ Էրդողանի և նախագահ Աբդուլահ Գյուլի հետ։ Քննարկման հիմնական թեման լինելու է Քրդական աշխատավորական կուսակցության հարցը։ Օրակարգում կլինեն նաև տարածաշրջանային հարցեր, այդ թվում նաև հայ-թուրքական հարաբերությունների խնդիրը:

«Պատերազմի ընթացքում գերիներին և սպանվածներին կողմերին վերադարձնելու համաձայնությանը համառորեն ավելացնում ենք նաև շփման գծից դիպուկահարներին հեռացնելու խնդրանքը, որպեսզի զոհեր չգրանցվեն»,–նշել է Համայն Ռուսիո պատրիարքը։

Ի պատասխան նոյեմբերի 19-ին և 20-ին առաջնային գծում հակառակորդի նախահարձակ գործողությունների արդյունքում ՊԲ-ի կրած երկու զինվորի կորստի, հայկական կողմը, ինչպես և նախապես զգուշացրել էր, դիմել է պատժիչ գործողությունների:

Թուրքագետ Անուշ Հովհաննիսյանն այսօր անդրադարձել է օրերս Թուրքիայի վարչապետ Ռեջեփ Թայիբ Էրդողանի արած հայտարարությանը, որտեղ նա ներողություն է խնդրել Դերսիմում 1938-1939թթ. տեղի ունեցած կոտորածների համար։ Թուրքագետը նշել, է որ իրականում Էրդողանի այդ հայտարարության արժեքը չափազանցված է, և այդ հայտարարությունը պետք է դիտարկել նախ և առաջ Թուրքիայում ներկուսակցական պայքարի համատքեստում։

Իրանի պաշտպանության նախարարը Բաքու կատարած այցի ժամանակ հստակ զգուշացրել է Ադրբեջանի իշխանություններին հանդես չգալ որևէ նման առաջարկով։ Այդ պատճառով էլ , ըստ Սերգեյ Շաքարյանցի, Ադրբեջանը հանդես չի գա որևէ առաջարկով և կմերժի ցանկացած առաջարկ։

Թուրքիայի Բաթման նահանգում Քրդական աշխատավորական կուսակցության գրոհայինները հարձակում են իրականացրել Կոզլուկ քաղաքի մոտակայքում գտնվող Սելմո նավթային հանքավայրի վրա, որի հետևանքով զոհվել են երկու պահակները և էլեկտրատեխնիկը։ Այս մասին տեղեկացնում է «MIGnews.com»-ը։

–Միջնորդների առաքելությունը լինելու է պատերազմի հավանականությունը զրոյի հավասարեցնելը: Իրենք էլ շահագրգռված չեն, որ խնդիրը կարգավորվի,–հայտարարել է ՀՅԴ Բյուրոյի քաղաքական հարցերի և Հայ դատի գրասենյակի պատասխանատուն։

Հարութ Սասունյան. «Մի քանի շաբաթ հետո, երբ թուրքական մեծածախս լոբբիստական ընկերությունները ԱՄՆ Արդարադատության նախարարություն ներկայացնեն իրենց պարտադիր հաշվետվությունները, կարվեն կարևոր բացահայտումներ իրենց ծածուկ գործունեության վերաբերյալ, որով փորձում են Կոնգրեսի միջոցով անցկացնել այնպիսի օրինագիծ, որը թուրքական ընկերություններին կշնորհի Ամերիկայի հնդիկ ցեղերին պատկանող հողերում ներդրումներ կատարելու մենաշնորհային դիրք»։

Իրանական «Rajanews» էլեկտրոնային պարբերականը մեկնաբանել է երկրի ֆուտբոլի առաջնության «Tractorsazi» (Թավրիզ) – «Fecr-i Sepasi» (Շիրազ) հանդիպմանը տեղի ունեցած միջադեպը։ Բանն այն է, որ այդ խաղի ժամանակ մի շարք հանդիսատեսներ բարձրացրել են ադրբեջանական, ինչպես նաև թուրքական դրոշներ։ Կայքը սա որակել է անջատողականության դրսևորում.

«Ես փորձել եմ ինքս Ասադին համոզել, որ երկրին բարեփոխումներ են անհրաժեշտ, սակայն նա գործում էր դժկամությամբ»,–նշել է Թուրքիայի նախագահը՝ հավելելով, որ իր երկիրը Դամասկոսին այլևս չի հավատում։