Ինչպես արդեն տեղեկացրել էինք, երեկ մամլո ասուլիսի ժամանակ «Ժողովրդական» կուսակցության նախագահ Տիգրան Կարապետյանը հայտարարել էր. ««Ժառանգությունն»  ամերիկյան պրոյեկտ է, և իրեն ինչ ասում են դրսից, դա էլ անում է»։

Դրան ի պատասխան, այսօր մամլո ասուլիսի ժամանակ «Ժառանգություն» խմբակցության ղեկավար Ստեփան Սաֆարյանը հայտարարել է, թե ««Ժառանգությունը» պրոյեկտ չէ,  «Ժառանգությունը» ամերիկյան չէ»։

-Խնդրում ենք  ոչ քաղաքական կարծիքների վերաբերյալ մեկնաբանություններ չխնդրել հետայսու, որովհետև շատ հարգելով ցանկացած կարծիք, իսկապես լինելով ժողովրդավարության կողմնակից և ջատագով, հարգելով ցանկացած մարդու կարծիք' պետք  է նշել, որ նման դեպքերում կարելի է մեկնաբանել այգում նարդի խաղացող յուրաքանչյուրի կարծիքը,-ասել  է նա։

 «Ժառանգության» վարչության փոխնախագահ Ռուբեն Հակոբյանն էլ հայտարարել է, թե կա նշաձող, որը, ցավոք սրտի, շատ հաճախ մարդիկ անցնում են։

-Այդ մարդիկ կարծում են, թե քաղաքականությամբ են զբաղվում, բայց, ըստ էության, զբաղվում են քաղաքական ջեբկիրությամբ, և պետք է խորհուրդ տալ այդ մարդկանց, որ չի կարելի վիրավորել, չի կարելի հայհոյել և առավել ևս'չի կարելի ահաբեկել։ Դա լավ բան չէ,-ընդգծել  է նա։

7or.am