Ազգային ժողովի էթիկայի հարցերով ժամանակավոր հանձնաժողովում ԱԺ ՀՀԿ խմբակցության պատգամավոր Շուշան Պետրոսյանի հարցի քննարկման արդյունքում որևէ որոշում չի կայացվել, սակայն քննարկումները շարունակվելու են: Այս մասին լրագրողների հետ զրույցում հայտնել է Էթիկայի հանձնաժողովի նախագահ Խոսրով Հարությունյանը։

«Ըստ օրենքի՝ մինչև մենք մեր որոշումը չկայացնենք քննարկվող հարցի վերաբերյալ, հանձնաժողովի անդամներն ու նախագահը քննարկվող հարցի վերաբերյալ դիրքորոշում հայտնելու իրավունք չունեն: ԱԺ կանոնակարգով կա ընթացակարգ, պետք է հետևել դրան»,- ասել է Հարությունյանը՝ նշելով, որ Շուշան Պետրոսյանի ՀՀԿ-ական լինելու հանգամանքը չի խանգարի իրենց որոշում կայացնել:

Հանձնաժողովի նիստին մասնակցող Շուշան Պետրոսյանն էլ հրաժարվել է պատասխանել լրագրողների հարցերին:

7or.am