Հանրաքվեի արդյունքներն այնպիսի թվեր են, որոնց դիտորդները, պետական մարմինները պետք է քաղաքական կամքի առկայության դեպքում շատ լուրջ ուշադրություն դարձնեն։ Այս մասին այսօր լրագրողների հետ հանդիպմանն ասել է «Թրանսփարենսի Ինթերնեյշնլ» հակակոռուպցիոն կենտրոնի գործադիր տնօրեն Վարուժան Հոկտանյանը՝ ներկայացնելով սահմանադրական հանրաքվեի ընտրական թվերի մոնիթորինգի ամփոփիչ արդյունքները։

«Բնակչությունը նվազել է մարդահամարի տվյալներով, սակայն, միևնույն ժամանակ, ընտրողների թիվն աճել է»,- տարակուսել է բանախոսը՝ հավելելով, որ, փաստորեն, մշտական բնակչության 85 տոկոսն ընտրացուցակներում է, մինչդեռ, դեմոգրաֆիական տվյալներով, մոտ 70-72 տոկոսն է 18 տարեկանից բարձր։

Հոկտանյանն այդպիսով չի բացառել, որ ֆիկտիվ և մահացածների անուններ էլ լինեն, և հարկ է համարել ստուգել՝ արդյոք հասցեներ չունեցող ընտրողները ֆիկտի՞վ են, քանի որ 4611 ընտրող հասցե չունի:

7or.am