ՀՀԿ–ի համագործակցությունը Դաշնակցության հետ երկարատև կլինի։ Այս մասին այսօր, «vesti.am»–ի տեղեկացմամբ, լրագրողների հետ հանդիպմանն ժասել է ՀՀԿ անդամ, ԱԺ պատգամավոր Գագիկ Մինասյանը։

-Ես չեմ կարծում, որ որոշումներն ուշանում են. մենք հետևողական աշխատանքներ ենք կատարում, և մոտ ապագայում ամեն ինչ կավարտվի: Համագործակցությունը պետք է կարճաժամկետ, միջնաժամկետ, երկարաժամկետ բնույթ կրի: Այն խնդիրները, որ մենք փորձում ենք լուծել ՀՅԴ-ի հետ, դրանք տևական ժամանակ պահանջող ջանքեր են ենթադրում,լ և այդ տեսակետից ես կարծում եմ, որ մեր համագործակցությունը Դաշնակցության հետ երկարատև կլինի,-ասել է Մինասյանը:

Հարցին, թե ինչի շուրջ են այսքան երկար բանակցում ՀՀԿ-ն և ՀՅԴ-ն, հանրապետական պատգամավորը պատասխանել է.

-Այն բոլոր խնդիրների, որոնք ծառացած են մեր երկրի առջև:

Անդրադառնալով այն խոսակցություններին, որ Սերժ Սարգսյանը մտադիր չէ հեռանալ ակտիվ քաղաքականությունից, պատգամավորը շեշտել է.

-Որոշողը ժողովուրդն է: Մենք ունենք ընտրություններ. ինչպես կորոշի ժողովուրդն, այնպես էլ կլինի:

Աղբյուրը՝ «vesti.am»