Մարտի 10-11-ը ՀՀ ԱԻՆ ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես, Երևանի Արտաշիսյան փողոցում` թիվ 27 դպրոցի մոտակայքում, այրվել է 800 քմ, «Սուրբ Աստվածամայր» բժշկական կենտրոնի մոտակայքում՝ 1000 քմ խոտածածկ տարածք, Իսակովի պողոտայում՝ ԱՄՆ դեսպանատան մոտակայքում՝ 4000 քմ եղեգնուտ, Արարատի մարզի Նոր Ուղի գյուղի դաշտերում՝ 1 հա, Սյունիքի մարզի Լեհվազ գյուղի վերջնամասում՝ 400 քմ, Լոռու մարզի Տաշիր քաղաքի թիվ 2 մանկապարտեզի մոտակայքում՝ 1800 քմ, Վանաձոր-Դիլիջան ավտոճանապարհի 28-րդ կմ-ի մոտակայքում` 1500 քմ խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: