Մարտի 11-ին՝ ժամը 11.27-ին, ԱԻՆ–ում ահազանգ է ստացվել, որ Երևանի Ղափանցյան փողոցի թիվ 2/2 շենքի վերելակում քաղաքացիներ են մնացել. դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները քաղաքացիներին դուրս են բերել վերելակից:

***

Մարտի 11-ին՝ ժամը 09.23-ին, ահազանգ է ստացվել, որ Երևանի Ֆուչիկի փողոցի թիվ 20 շենքի բնակիչներից մեկին (ոտքի կոտրվածքով) բնակարանից իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները 1937 թ. ծնված Ա. Ա.-ին ցուցաբերել են համապատասխան օգնություն: