Ներկայացնելով ԼՂ հակամարտության կարգավորման հարցում Լեհաստանի դիրքորոշումը՝ Հայաստանում Լեհաստանի դեսպան Զդիսլավ Ռաչինսկին «Հայելի» ակումբում ասել է, թե Եվրամիության դիրքորոշումը, որը նույնն է, ինչ Լեհաստանինը, հիմնվում է երեք սկզբունքի վրա՝ հարգանք տարածքային ամբողջականության, ազգերի ինքնորոշման իրավունքի և հիմքերի հիմք սկզբունքի նկատմամբ, այն է՝ բոլոր հարցերը կարելի է լուծել բացառապես խաղաղ ճանպարհով և երկու կողմերի համաձայնությամբ։

Ինչ վերաբերում է ԼՂ հարցում իր դիրքորոշման համար Ադրբեջանի կողմից Լեհաստանի ստացած շնորհակալությանը, դեսպանն ասել է.

-Կարծում եմ՝ Բաքվում ուղղակի տեսնում և գնահատում են մեր կշռադատված դիրքորոշումը, այնպես, ինչպես այն բարձր է գնահատվում Հայաստանում, ինչը նախագահ Սերժ Սարգսյանն ուղիղ հայտարարել է մեր վարչապետի այցի ժամանակ։ Ղարաբաղյան խնդրի նկատմամբ Լեհաստանը խիստ չեզոք դիրքորոշում է պահպանում, այսինքն մենք 3 երկրներից որևէ մեկին  չենք աջակցում՝ միաժամանակ կարծես աջակցելով 3-ին էլ։ Կարծում ենք՝ այդ հարցը հնարավոր չէ լուծել ինչ-որ արտաքին ազդեցությամբ, դա Ղարաբաղի, հայկական և ադրբեջանական կողմերի համայնքների համաձայնության հարց է։

7or.am