Սիրիական Թիլ Ջիհան քաղաքում, որի մոտ թուրք զինվորները բետոնե պատ են կառուցել և ռազմական ուժ են կենտրոնացնում, ընդամենը մի քանի ընտանիք է մնացել, իսկ բնակչության մեծ մասը, այդ թվում՝ քրիստոնյաները, լքել են քաղաքը:

«LifeNews»-ի նկարահանող խումբն այցելել է փոքր անտիոքյան ուղղափառ եկեղեցի և պարզել, որ գրեթե բոլոր քրիստոնյաները լքել են քաղաքը:

«Մենք՝ մնացածներս, հետևում ենք տաճարին: Մենք փոքր քրիստոնեական համայնք ունեինք, սակայն բոլոր քրիստոնյաները լքել են Թիլ Ջիհանը Թուրքիայի կողմից անդադար ռմբակոծությունների պատճառով: Ոմանք վնասվածքներ են ստացել, իսկ ոմանք որոշել են այլևս ռիսկի չդիմել», - պատմել է տեղի բնակիչ Ֆահադը:

Աղբյուրի փոխանցմամբ` տեղացիների՝ զանգվածային կերպով սահմանամերձ քաղաքները լքելը ձեռնտու է թուրք զինվորներին, քանի որ Անկարայի կողմից Սիրիա ներխուժման պարագայում Անկարան ստիպված չի լինի արդարանալ քաղաքացիական զոհերի համար:

7or.am