Ապրիլի 15-ին` ժամը 09:30-ին, ԱԺ Ոսկեզօծ դահլիճում տեղի կունենա ՀՀ ԱԺ պաշտպանության, ազգային անվտանգության եւ ներքին գործերի մշտական հանձնաժողովի եւ ՌԴ Դաշնային ժողովի Դաշնության խորհրդի պաշտպանության եւ անվտանգության կոմիտեի համատեղ նիստը:

Նիստի ընթացքում քննարկվելու են Հարավային Կովկասում ռազմաքաղաքական իրավիճակին, հայ-ռուսական ռազմական, ռազմատեխնիկական, ռազմարդյունաբերական ոլորտներին եւ միջազգային ահաբեկչության, ծայրահեղականության եւ այլատյացության հակազդմանը վերաբերող հարցեր:

Նույն օրը` ժամը 17:30-ին, ԱԺ Ոսկեզօծ դահլիճին կից սրահում նախատեսվում է հայտարարություն լրատվամիջոցների համար:

Ապրիլի 16-ին` ժամը 09:30-ին, ՀՀ ԱԺ պաշտպանության, ազգային անվտանգության եւ ներքին գործերի մշտական հանձնաժողովի եւ ՌԴ ԴԺ ԴԽ պաշտպանության եւ անվտանգության կոմիտեի անդամները կայցելեն Ծիծեռնակաբերդի Հայոց ցեղասպանության հուշահամալիր:

ՀՀ ԱԺ