Մայիսի 7-ին՝ ժամը 9.30-ին, հիվանդանոցից ոստիկանության Չարենցավանի բաժնում հաղորդում է ստացվել, որ Չարենցավան քաղաքի 5-րդ թաղամասի 3 շենքի 1-ին մուտքի 3-րդ հարկում մարդ կա ընկած:

Մեկնած օպերատիվ խումբը նշված վայրում հայտնաբերել է անձը չպարզված տղամարդու դիակ` արտաքինից բռնության հետքերով: Նշանակվել է ԴԲՓ:

Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ մահացածը 1958 թ. ծնված Սամվել Հարությունյանն է: Նրան ապօրինաբար դիտավորությամբ կյանքից զրկելու կասկածանքով ձերբակալվել է 1968 թ.ծնված Աշոտ Խ.-ն: Չարենցավանի քննչական բաժնում ՀՀ քրեական օրենսգրքի 104 հոդվածի 1-ին մասի հատկանիշներով հարուցվել է քրեական գործ: Կատարվում է քննություն: