Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Երևանի Կոմիտասի պողոտայի և Փափազյան փողոցի խաչմերուկից, գողություն կատարելու կասկածանքով, բերման են ենթարկել 1974 թ. ծնված Արմեն Ա.-ին, ում մոտ հայտնաբերվել է դրամապանակ` գումարով և բանկային քարտերով:
Արմեն Ա.-ն խոստովանական բացատրություն է տվել, որ թիվ 28 երթուղու ավտոբուսի սրահում դրամապանակը գողացել է մի անծանոթ կնոջ պայուսակից:
Ձեռնարկված միջոցառումների շնորհիվ պարզվել է տուժողի անձը և ընդունվել է հաղորդում:
Կատարվում է հետաքննություն:

***
Ոստիկանության Երևան քաղաքի վարչության գրպանահատության դեմ պայքարի բաժանմունքի և Նոր Նորքի բաժնի ծառայողները Երևանի Միկոյան և Գալշոյան փողոցների խաչմերուկից, գողություն կատարելու կասկածանքով, բերման են ենթարկել 1963 թ. ծնված Ռուբեն Բ.-ին:
Պարզվել է, որ նա թիվ 8 երթուղու ավտոբուսի սրահում 1947 թ. ծնված Ռոզա Օ.-ի պայուսակից գողացել է դրամապանակը, որի մեջ եղել է գումար և բոնուսային քարտեր:
Գողոնն առգրավված է:
Կատարվում է հետաքննություն: