Լրահոս

02.06.2016 23:01


«Էտնա» ռեստորանի մոտ «Nissan March»–ը գլորվել է ձորակը. կան տուժածներ

«Էտնա» ռեստորանի մոտ «Nissan March»–ը գլորվել է ձորակը. կան տուժածներ

Հունիսի 2-ին, ժամը 19.01-ին ԱԻՆ–ում ահազանգ է ստացվել, որ Երևանի Թբիլիսյան խճուղում՝ «Էտնա» ռեստորանային համալիրի մոտակայքում, «Nissan March» մակնիշի ավտոմեքենան գլորվել է ձորակը (մոտ 3 մ), կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Թբիլիսյան խճուղու թիվ 22 հասցեի մոտակայքում «Nissan March» մակնիշի 34 NS 267 պետհամարանիշով ավտոմեքենան (վարորդ՝ 1992 թ. ծնված Գ. Օ.) դուրս է եկել ճանապարհի երթևեկելի հատվածից և շրջվել ձորակը:

Մինչ փրկարարների կանչի վայր հասնելը՝ ուղևոր՝ 1990 թ. ծնված Ք. Ջ.-ին տեղի ուժերով դուրս են բերել ավտոմեքենայից:

Փրկարարները ձորակից դուրս են բերել վարորդին և մոտեցրել շտապօգնության ավտոմեքենաներին: Տուժածները տեղափոխվել են «Սրբ. Գրիգոր Լուսավորիչ» ԲԿ, որտեղ բժիշկները նրանց առողջական վիճակը գնահատել են կայուն ծանր:

Փրկարարները հոսանքազրկել են ավտոմեքենան:

Այս խորագրի վերջին նյութերը