Հայ կատակաբան Տաշ Սարգսյանին  (Արտաշես Սարգսյան) կողոպտել են Մոսկվայի հենց կենտրոնում։

Երկու ժիր տատիկ ձևացնելով, թե ուշաթափվում են, հաջողացրել են թռցնել երգչի դրամապանակը։

«Սառույց և բոց» հեռուստահաղորդման աստղ Տաշ Սարգսյանի քսակի կորուստը հայտնաբերվել է մի քանի րոպե անց, սակայն արդեն ուշ է եղել. նա ստիպված է եղել շտապ արգելափակել բանկային քարտերը։ Այս մասին հաղորդում են ռուսական լրատվամիջոցները։

-Ամեն ինչ տեղի ունեցավ Մոսկվայի հենց կենտրոնում. ես դուրս թռա մեքենայից ընդամենը մի քանի րոպեով և ընկա այդ անհեթեթ իրավիճակի մեջ։ Տարեց կինն անցնելով կողքովս՝ ցույց տվեց, թե հենվում է ինձ ու սկսեց ընկնել,-պատմել է Սարգսյանը։

Տուժածի խոսքերով՝ ինքը հասցրել է օգնել տատիկին, ինչից հետո որոշել է կնոջը մի կողմ տանել և շտապօգնություն կանչել։

-Այդ պահին մեզ մոտ վազեց նրա հանցակիցը և ասաց, թե ամեն ինչ նորմալ է, և արդեն իրենք գլուխ կհանեն,-ավելացրել է հեռուստահաղորդավարը։