ԱԺ այսօրվա արտահերթում քվեարկության է դրվել համայնքների խոշորացման մասին հարցը:

Մինչ քվեարկությունը ՀԱԿ պատգամավոր Հրանտ Բագրատյանը հայտարարել է, որ այդպիսով գյուղերը կդատարկվեն։

Նրան փորձել է հակադարձել ՀՀԿ-ական պատգամավոր Վարդան Այվազյանը, ինչն արդյունքում վերածվել է Բագրատյանի հետ վեճի:

–Վունդերկի՛նդ, հանգիստ նստի՛ տեղդ, այ քեզ բան, իյա՜։ Հանգի՛ստ։ Էս «ազվերիննի» կերածներին հանգստացրեք, հա, թե չէ ես կհանգստացնեմ,- դիմելով ԱԺ նախագահ Գալուստ Սահակյանին՝ ասել է Այվազյանը։

–Դե արի հանգստացրո՛ւ, հելի հանգստացրո՛ւ,–տեղից բորբոքվել է Բագրատյանը:

Գալուստ Սահակյանն էլ հորդորել է դադարեցնել վեճը և խոսել ընդմիջման ժամին։

Ի վերջո, հարցը դրվել է քվեարկության և 58 կողմ, 23 դեմ, 4 ձեռնպահ ձայների հարաբերակցությամբ ընդունվել է:

7or.am