Գիտնականներն ու բժիշկները հանգել են այն եզրակացության, որ քաղցկեղը մարդկանց կողմից ստեղծված հիվանդություն է և խթանվել է ժամանակակից կյանքի ճոխություններով։ Պարզվել է, որ քաղցկեղային ուռուցքները մինչև վերջերս չափազանց հազվադեպ են ի հայտ եկել։ Գիտնականների կարծիքով՝ այդ հիվանդության առաջացման աղբյուրների առավել հստակ ճշգրտումը կօգնի կանխել քաղցկեղի՝ մեր օրերում բռնկված համաճարակը։

Գիտնականները հետազոտել են մումիաներին, սակայն միայն մեկ դեպքում են քաղցկեղի նշաններ հայտանբերել։ Նույնիսկ նեանդերթալցիների հազարավոր ոսկորների հետազոտությունը քաղցկեղի միայն մեկ դեպք է ի հայտ բերել։ Իսկ հին եգիպտական տեքստերում, պարզվել է, քաղցկեղի մասին հիշատակումները իրականում վերաբերում են բորոտությանը և անոթների լայնացմանը։

XVIIդ. կրծքի քաղցկեղի հեռացման և այդ հիվանդության այլ ձևերի առաջին նկարագրություններ են հայտնաբերվել, սակայն ուռուցքներին բնորոշ, հստակ պարզված հաշվետվություններն ի հայտ են եկել վերջին 200 տարիներին։