Հունիսի 25-ին, ժամը 20.14-ին ԱԻՆ–ում ահազանգ է ստացվել, որ Սպիտակ-Վանաձոր ավտոճանապարհի 9-րդ կմ-ում տեղի է ունեցել ՃՏՊ. կա տուժած, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-3 միջպետական ավտոճանապարհի Սպիտակ-Վանաձոր հատվածի 9-րդ կմ-ում բախվել են «Մերսեդես» մակնիշի 13LO313 (վարորդ՝ Գ. Ն. 1964թ ծնված) և «Վոլկսվագեն» մակնիշի 32SO128 (վարորդ՝ Վ. Հ. 1976թ .ծնված) պետհամարանիշի ավտոմեքենաները, ինչից «Մերսեդես» մակնիշի ավտոմեքենան դուրս է եկել ճանապարհի երթևեկելի հատվածից և գլորվել մոտակա ձորակը (մոտ 4մ):

Մինչ հրշեջ-փրկարարների կանչի վայր հասնելը Գ. Ն.-ը, Վ. Հ.-ը և «Վոլկսվագեն» ավտոմեքենայի ուղևոր Վ. Հ.-ը (1999թ ծնված) հոսպիտալացվել են Սպիտակի ԲԿ, որտեղ բժիշկները տուժածների առողջական վիճակը գնահատել են բավարար:

Հրշեջ-փրկարարները ավտոմեքենան դուրս են բերել ձորից:

***

Հունիսի 25-ին, ժամը 22.38-ին ահազանգ է ստացվել, որ Երևանի Դավիթ Բեկի փողոցում՝ Գաջի գործարանի մոտակայքում տեղի է ունեցել ՃՏՊ՝ բախումով. անհրաժեշտ է փրկարարների օգնությունը

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում Դավիթ Բեկի փողոցում՝ Գաջի գործարանի մոտակայքում, բախվել են «Toyota Corolla» մակնիշի 01AR005 (վարորդ՝ Ա Հ.) և «BMW X5» մակնիշի 38SP888 (վարորդ՝ Արմեն Դավթյան, ծնվ. 1963թ.) պետհամարանիշերի ավտոմեքենաները:

Հրշեջ-փրկարարները հոսանքազրկել են «BMW X5» մակնիշի ավտոմեքենան և փակել գազի փականը, նաև հոսանքազրկել «Toyota Corolla » մակնիշի ավտոմեքենան: