Շիրակի մարզի ընդհանուր իրավասության դատարանն այսօր մերժեց Ավետիսյանների ընտանիքի իրավահաջորդների շահերի պաշտպանների քաղաքացիական հայցն ընդդեմ Ռուսաստանի Դաշնության։ Այս մասին հայտնում է «Ազատություն»–ը։

Ավետիսյանների իրավահաջորդների ներկայացուցիչները, հիշեցնենք, քաղհայցով Ռուսաստանից պահանջում էին Ավետիսյանների 7 հոգանոց ընտանիքի սպանության գործով բարոյական վնասի փոխհատուցում։

Անցյալ դատական նիստի ավարտին Ավետիսյանների իրավահաջորդների շահերի պաշտպան Լուսինե Սահակյանն «Ազատության»-ը փոխանցեց, որ իրենց վստահորդները քաղհայցը ներկայացրել են, որպեսզի Ռուսաստանը իմանա, որ պատասխանատվություն կկրի, եթե հետագայում շարունակի նման գործողությունները։

Մանրամասները՝ «Ազատություն»–ում։