Ուրվականների 32-ամյա որսորդ Գաուրավ Թիվարին մահացած է գտնվել Դելիի իր տանը։ Դիահերձողները տղամարդու վզին սև գիծ են հայտնաբերել, որի առաջացումը, սակայն, չեն կարողանում բացատրել։ Նրանք ենթադրում են, որ դա օղի հետք է։

Գաուրավ Թիվարիի մարմինը լոգասենյակում գտել է նրա կինը։ Նա հաղորդել է, որ մահվանից մի քանի րոպե առաջ խուլ աղմուկ է լսել լոգարանի դռան հետևից։

Թիվարին հիվանդանոց է հասցվել, սակայն բժիշկները չեն կարողացել փրկել նրա կյանքը։ Պաշտոնական եզրակացությունը՝ մահ շնչահեղձությունից։ Հնդկացու այրիի խոսքով՝ մահվանից մեկ ամիս առաջ ամուսինն ասել էր, որ մի չար ուժ իրեն իր մոտ է ձգում։

«Ես մտածում էի, որ նա ընկճախտի մեջ է գերհոգնածությունից։ Գաուրավը երջանիկ էր և հիանալի էր զգում իրեն»,–պատմել է կինը։

Թիվարին պարանորմալ երևույթների հետազոտող էր 2009–ից և տեղական հեռուստաալիքով հաղորդում էր վարում խորհրդավոր վայրերի ու դեպքերի մասին։

7or.am