«Հիմնադիր խորհրդարանի» անդամ Խաչատուր Գիչյանը կալանավորվել է՝ իր բեռնատարը զինված խմբին տրամադրելու մեղադրանքով
Ոստիկանության պարեկապահակային ծառայության գունդը գրաված զինված խմբին աջակցելու մեղադրանքով կալանավորվել է «Հիմնադիր խորհրդարանի» անդամ Խաչատուր Գիչյանը։ Այս մասին «NEWS.am»-ի թղթակցին ասաց Գիչյանի փաստաբան Տիգրան Սարգսյանը:
Խաչատուր Գիչյանը մեղադրվում է շենքեր ու շինություններ, կապի միջոցներ զավթելու եւ ապօրինի կերպով զենք, զինամթերք պահելու եւ տեղափոխելու հոդվածներով։
«Ըստ մեղադրանքի՝ Գիչյանն իր բակում կայանված բեռնատար մեքենան տրամադրել է զինված խմբին։ Գիչյանը, սակայն, իրեն առաջադրված մեղադրանքը չի ընդունում»,- ասաց Տիգրան Սարգսյանը:
Հիշեցնենք՝ «Սասնա ծռեր» խումբը հուլիսի 17-ին բեռնատարով մտել է ոստիկանության պարեկապահակային ծառայության գնդի տարածք և պատանդ վերցրել ոստիկանների:
«Հիմնադիր խորհրդարանի» անդամ Խաչատուր Գիչյանը կալանավորվել է՝ իր բեռնատարը զինված խմբին տրամադրելու մեղադրանքով
Ոստիկանության պարեկապահակային ծառայության գունդը գրաված զինված խմբին աջակցելու մեղադրանքով կալանավորվել է «Հիմնադիր խորհրդարանի» անդամ Խաչատուր Գիչյանը։ Այս մասին «NEWS.am»-ի թղթակցին ասաց Գիչյանի փաստաբան Տիգրան Սարգսյանը:
Խաչատուր Գիչյանը մեղադրվում է շենքեր ու շինություններ, կապի միջոցներ զավթելու եւ ապօրինի կերպով զենք, զինամթերք պահելու եւ տեղափոխելու հոդվածներով։
«Ըստ մեղադրանքի՝ Գիչյանն իր բակում կայանված բեռնատար մեքենան տրամադրել է զինված խմբին։ Գիչյանը, սակայն, իրեն առաջադրված մեղադրանքը չի ընդունում»,- ասաց Տիգրան Սարգսյանը:
Հիշեցնենք՝ «Սասնա ծռեր» խումբը հուլիսի 17-ին բեռնատարով մտել է ոստիկանության պարեկապահակային ծառայության գնդի տարածք և պատանդ վերցրել ոստիկանների: