ՀՌԱՀ-ի հայտարարած թվային հեռարձակման 18 կապուղիների մրցույթին թիվ 8 մայրաքաղաքային կապուղու (երիտասարդական) համար հայտ են ներկայացրել «ԱԼՄ Հոլդինգ» ՍՊԸ -ն և «Երևան ՀԸ» ՓԲԸ-ն։

«7օր»-ի հետ զրույցում «Ժողովրդական» կուսակցության նախագահ, «ԱԼՄ Հոլդինգ»-ի տնօրեն Տիգրան Կարապետյանը գնահատելով մրցույթում հաղթելու իր հնարավորությունները՝ ասել է, թե իր բոլոր հնարավորությունները ներկայացված են ծրագրում։

-Ես համարում եմ, որ լավ ծրագիր եմ տվել,-նշել է նա։

Տիգրան Կարապետյանը տոկոսային հարաբերակցույթամբ չի գնահտել իր հնարավորությունները՝ հայտարարելով, թե տոկոսամանիայով չի տառապում։

-Համենայնդեպս ես հուսով եմ, որ իմ տված առաջարկն իր մեջ ավելի շատ տարր է պարունակում ի նպաստ ժողովրդի, քան թե «Երևան» հեռուստաընկերությանը, և այս 7 տարվա ընթացքում անցած ուղին նույնն է թելադրում,-ընդգծել է «ԱԼՄ Հոլդինգ»-ի տնօրենը։

7or.am