Քիչ առաջ ՀՀ ԱԺ նախագահ Հովիկ Աբրահամյանը, ՀՀԿ խմբակցության ղեկավար Գալուստ Սահակյանի և ԱԺ աշխատակազմի ղեկավար Գեղամ Ղարիբջանյանի ուղեկցությամբ անձամբ  է բարձրացել լրագրողների համար նախատեսված հատված և լսել ԶԼՄ-ների ներկայացուցիչների դժգոհությունները:

Հիշեցնենք, որ մի շարք լրագրողներ դժգոհում էին ԱԺ դահլիճի վերանորոգումից հետո իրենց համար նախատեսված աշխատանքային պայմաններից:

-Ես ոչ մի խնդիր չեմ տեսնում, ոչ էլ լրագրողների հետ ինչ-որ խնդիր ունեմ չհանդիպելու կամ չշփվելու: Ուղղակի ես կողմ եմ, որ ձեր հնարավորությունները ինչքան հնարավոր է բարելավվեն: Բայց նաև պետք է ԱԺ-ի անվտանգության, տեխնիկանական, ակուստիկայի խնդիրներին նայենք: Բոլոր մնացած պայմաններին ես համաձայն եմ,-ասել է նա:

«7օր»-ի հարցին ի պատասխան' Հ. Աբրահամյանը նաև նշել է, որ էլեկտրոնային քվերակության համակարգի միջոցով կլուծվի նաև պատգամավորների կողմից ուրիշի փոխարեն քվեարկելու հարցը:

-Ես բացառում եմ, որ հնարավորություն ունենան քվեարկելու,- ասել է ՀՀ ԱԺ նախագահը:

7or.am