Չցանկանալով խոսել Սոցիալ դեմոկրատ-հնչակյան կուսակցության ներսում տեղի ունեցող խմորումների մասին՝ այսօր «Դե ֆակտո» ակումբում ՀԺԿ նախագահ Ստեփան Դեմիրճյանը նշել է միայն, որ կուզենար' արագ հանգուցալուծվեր ստեղծված իրավիճակը, և «մենք շարունակեինք աշխատել Լյուդմիլա Սարգսյանի հետ»։

-ՍԴՀԿ-ի հետ մենք ունենք համագործակցության նորմալ, լավ փորձ։ Կոնկրետ Լյուդմիլա Սարգսյանի հետ շատ նորմալ համագործակցել ենք,- ասել է Ս. Դեմիրճյանը։

«7օր»-ի՝ «Իսկ եթե ՍԴՀԿ ատենապետ դառնա Վարդան Խաչատրյանը կամ Վահան Շիրխանյանը, նրանց հետ նույնպե՞ս կշարունակեք համագործակցել» հարցին էլ ՀԺԿ նախագահը պատասխանել է.

-Եկեք «եթե»-ներով նախ չխոսենք, սպասենք տեսնենք՝ ի՞նչ կլինի, նոր հետո կանդրադառնանք այդ հարցերին։ Իսկ առհասարակ՝ մենք պատրաստ ենք համագործակցել այն ուժերի հետ, որոնց հետ ունենք ընդհանուր եզրեր։

7or.am