«7օր»-ը Հայաստանում գտնվող «CNN Turk» հեռուստաալիքի լուրերի խորհրդատու, պատմաբան Ֆերհաթ Բորաթավից հետաքրքրվել է, թե նրա կարծիքով հայ-թուրքական արձանագրությունների վավերացումից հետո պատմաբանների ենթահանձնաժողովը Հայոց ցեղասպանության եղելությա՞ն հարցը պետք է քննարկի։

-Մենք միշտ ասում ենք՝ խնդիրը թողնենք պատմաբաններին, բայց Ցեղասպանությունը լինելու կամ չլինելու հավաստիության խնդիրը պատմաբաննե՛րը չեն խնդրո առարկա դարձնում։ Եթե նեղ առանցքով նայենք այդ հարցին, դա իրավաբանների խնդիրն է։ Եթե նայենք, Ցեղասպանության հետ կապված մինչ օրս եղած դատավճիռները միշտ դատարաններն են կայացրել։ Դրա համար էլ սխալ կլինի սպասել, որ այսպիսի մի ենթահանձնաժողով այսպիսի մի որոշման հանգի՝ Ցեղասպանություն եղե՞լ է, թե՞ չի եղել,- պատասխանել է թուրք լրագրողը՝ ավելացնելով.

-Մեծ հավանականությամբ այս հանձնաժողովը լինելու է մի խմբակ, որտեղ որոշվելու են այս խնդրի հետ կապված շրջանակը, փաստարկներն ի հայտ բերելը։

7or.am