Էդվարդ Նալբանդյանը հանդիպել է Կանադայի արտգործնախարար Ստեֆան Դիոնի հետ
Սեպտեմբերի 19-ին աշխատանքային այցով Նյու Յորքում գտնվող ՀՀ արտգործնախարարի պաշտոնակատար Էդվարդ Նալբանդյանը հանդիպել է Կանադայի արտգործնախարար Ստեֆան Դիոնի հետ:
Այս մասին հայտնում են ՀՀ ԱԳՆ լրատվական ծառայությունից։
«Էդվարդ Նալբանդյանը նշեց, որ ուրախ է հանդիպել Հայաստանի վաղեմի բարեկամ Ստեֆան Դիոնին՝ որպես Կանադայի արտաքին քաղաքական գերատեսչության ղեկավար, և շարունակել երկկողմ հարաբերությունների համակողմանի զարգացման շուրջ երկխոսությունը։
Նախարար Դիոնը շնորհավորեց Հայաստանի անկախության 25-ամյակի կապակցությամբ և նշեց, որ շարունակելու է Հայաստանի հետ փոխգործակցության համակողմանի խորացման ուղղությամբ ջանքերը։
Զրուցակիցները քննարկեցին հայ-կանադական օրակարգին վերաբերող բազմաթիվ հարցեր, անդրադարձան միջխորհրդարանական կապերին, իրավապայմանագրային դաշտի ընդլայնմանը, մուտքի արտոնագրային ռեժիմի դյուրացմանը։ Երկուստեք կարևորվեց կանադահայ համայնքի ակտիվ դերակատարությունը հարաբերությունների խորացման գործում։
Հայաստանի և Կանադայի արտաքին քաղաքական գերատեսչությունների ղեկավարները քննարկեցին ՄԱԿ-ի, ԵԱՀԿ և Ֆրանկոֆոնիայի շրջանակներում փոխգործակցության հարցեր։
Էդվարդ Նալբանդյանը կանադացի գործընկերոջը ներկայացրեց այս տարվա ապրիլին Ադրբեջանի կողմից Լեռնային Ղարաբաղի դեմ սանձազերծված լայնածավալ ռազմական ագրեսիայի հետևանքները, դրանց վերացմանն ուղղված՝ Վիեննայում և Սանկտ-Պետերբուրգում կայացած գագաթաժողովներին ձեռք բերված պայմանավորվածությունների կատարմանն ուղղված ջանքերը»,-ասվում է հաղորդագրությունում։
Էդվարդ Նալբանդյանը հանդիպել է Կանադայի արտգործնախարար Ստեֆան Դիոնի հետ
Սեպտեմբերի 19-ին աշխատանքային այցով Նյու Յորքում գտնվող ՀՀ արտգործնախարարի պաշտոնակատար Էդվարդ Նալբանդյանը հանդիպել է Կանադայի արտգործնախարար Ստեֆան Դիոնի հետ:
Այս մասին հայտնում են ՀՀ ԱԳՆ լրատվական ծառայությունից։
«Էդվարդ Նալբանդյանը նշեց, որ ուրախ է հանդիպել Հայաստանի վաղեմի բարեկամ Ստեֆան Դիոնին՝ որպես Կանադայի արտաքին քաղաքական գերատեսչության ղեկավար, և շարունակել երկկողմ հարաբերությունների համակողմանի զարգացման շուրջ երկխոսությունը։
Նախարար Դիոնը շնորհավորեց Հայաստանի անկախության 25-ամյակի կապակցությամբ և նշեց, որ շարունակելու է Հայաստանի հետ փոխգործակցության համակողմանի խորացման ուղղությամբ ջանքերը։
Զրուցակիցները քննարկեցին հայ-կանադական օրակարգին վերաբերող բազմաթիվ հարցեր, անդրադարձան միջխորհրդարանական կապերին, իրավապայմանագրային դաշտի ընդլայնմանը, մուտքի արտոնագրային ռեժիմի դյուրացմանը։ Երկուստեք կարևորվեց կանադահայ համայնքի ակտիվ դերակատարությունը հարաբերությունների խորացման գործում։
Հայաստանի և Կանադայի արտաքին քաղաքական գերատեսչությունների ղեկավարները քննարկեցին ՄԱԿ-ի, ԵԱՀԿ և Ֆրանկոֆոնիայի շրջանակներում փոխգործակցության հարցեր։
Էդվարդ Նալբանդյանը կանադացի գործընկերոջը ներկայացրեց այս տարվա ապրիլին Ադրբեջանի կողմից Լեռնային Ղարաբաղի դեմ սանձազերծված լայնածավալ ռազմական ագրեսիայի հետևանքները, դրանց վերացմանն ուղղված՝ Վիեննայում և Սանկտ-Պետերբուրգում կայացած գագաթաժողովներին ձեռք բերված պայմանավորվածությունների կատարմանն ուղղված ջանքերը»,-ասվում է հաղորդագրությունում։