Լրագրողների հետ հանդիպման ժամանակ Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանն ասել է, որ ամանորյա տոներից հետո թատրոնում կվերաբացվի տիկնիկների թանգարանը: Այն կրում է թանգարանի հիմնադիր Պավլոս Բորոյանի անունը։

Ըստ Ռուբեն Բաբայանի՝ 1975-ին մշակույթի նախարարությունը թատրոնում թանգարան բացելու որոշում է կայացրել՝ շնորհիվ Պ. Բորոյանի, սակայն տարբեր խնդիրների պատճառով փակվել է, և 2002-ին կրկին վերաբացվելու որոշում է կայացվել, բայց չի ունեցել ցուցափեղկեր: Այսօր արդեն ցուցափեղկերը պատրաստ են, և հունվարին թանգարանը բաց կլինի այցելուների համար։

-Այն հիմնականում տիկնիկ կերպարների թանգարան է: Մեր թանգարանում կան նաև տարազներով տիկնիկներ: Տիկնիկների մի մասը մեր խաղարկային ցանկից է: Ունենք երկու նվեր՝ չինական, նորզելանդական: Թանգարանի պատերին փակցված են նաև տիկնիկների էսքիզներ,-ասել է Ռուբեն Բաբայանը։

Նրա խոսքերով՝ թանգարանն ունի շուրջ 300 տիկնիկ։

7or.am