Լրագրողների հետ հանդիպման ժամանակ Հովհ. Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանն ասելէ, թե մեր հասարակությունը հիվանդ է։ «7օր»-ի այն հարցին, թե արդյոք մտավորականությունն է՞լ է հիվանդ՝ նա պատասխանել է, թե նրանք, ովքեր կրում են մտավորականի անունը՝ պետք է շատ զգույշ լինեն այդ կարգավիճակի հանդեպ։

- Դժվար է վարկաբեկել մեկին, ով չի ուզում վարկաբեկվել։ Շատ ուշադիր պետք է լինել այն տաղանդի հանդեպ, որ տրված է քեզ։ Դա հենց այնպես տրված չէ, որ դու գնաս՝ մրցանականեր շահես և այլն։ Երբ դու ինքնդ քեզ դավաճանում ես՝ դու ստանում ես այն՝ ինչ ստանում ես,-ասել է Ռուբեն Բաբայանը։

 Նրա խոսքերով՝ նյութականը չէ պատճառը, որ մտավորականները դառնում են քծնող, հարմարվող, այլ այն, որ իրենք ուղղակի այդպիսին են և չեն կարողանում դիմադրել գայթակղությանը։

Այն հարցին, թե ինչո՞ւ է մեր հասարակությունն այդքան հարմարվող դարձել՝ Ռուբեն Բաբայանը պատասխանել է, թե դա նրանից է, որ մենք չենք հասկացել ազատության քաղցրությունը. թե ինչ լավ բան է այն։

7or.am