Քիչ առաջ թքական լրատվամիջոցները հաղորդագրություն են տարածել, թե Երևանում գտնվող «Հզոր Թուրքիա» կուսակցության նախագահ Թունա Բեքլևիչին ձերբակալել են։

Նշենք, որ վերջինս և կուսակցության փոխնախագահ Բայբարս Օրսեքն այսօր մամլո ասուլիս էին հրավիրել, որտեղ հաստատել էին, թե իրենք իսկապես հատել են հայ-թրքական սահմանը։

Ասուլիսի կազմակերպման հարցում նրանց աջակցել էր  Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանը, սակայն նա «7օր»-ի հետ զրույցում ասաց, թե թուրք քաղաքական գործիչներից տեղեկություն չունի ՝ ավելացնելով, որ իրենք պայմանավորվածություն ունեն այսօր երեկոյան հանդիպելու։

 ՀՀ Ազգային անվտանգության ծառայության ղեկավար Արծվին Բաղրամյանը, ի պատասխան մեր հարցի, թե ճի՞շտ են արդյոք այդ հաղորդագրությունները, և ԱԱԾ աշխատակիցները նրանց ձերբակալե՞լ են, պատասխանել է, թե տեղեկություններ չունի, և դրանք լինելու դեպքում անպայման կհաղորդի։

Նշենք, որ ձերբակալման մասին հաղորդագրությունը տարածել է Թունա Բեքլևիչի խորհրդականը՝ ասելով, թե մի քանի ժամ է՝ չի կարողանում կապ հաստատել իր գործընկերների հետ, և նրանցից որևէ տեղեկություն չունի։

7or.am