ՀՅԴ խմբակցության ղեկավար Վահան Հովհաննիսյանը «Դուպլեքս» ակումբում հայտարարել է, որ կոալիցիայի մեջ լինելն իր դրական կողմերն ուներ, սակայն դա իրենց սահմանափակում էր, իսկ «հիմա այդ կապանքները չկան»։

-Բայց մենք մեր աշխատելաոճը չենք փոխում։ Մենք չենք դառնում ընդդիմություն, որի ամենօրյա օրակարգն իշխանափոխությունն է։ Ցանկացած ընդդիմություն այդ հարցն ունի իր օրակարգում, բայց դա չպետք է լինի ամեն գնով և ամեն օր։ Բոլոր այն քաղաքական ուժերի ճակատագիրը, որոնք իշխանափոխությունը դարձրեցին նպատակ, այլ ոչ թե միջոց, հայտնի է՝ սկսած Արկադի Վարադանյանից, հետո Դեմիրճյանից, Գեղամյանից, Լևոն Տեր-Պետրոսյանից և այլն։ Այսինքն, նրանց մեթոդական սխալը եղել է այն, որ նրանք իշխանափոխությունը դիտել են որպես նպատակ, այլ ոչ թե միջոց հասնելու իրենց նպատակներին։ Մենք այդ սխալը թույլ չենք տա։ Մենք մեթոդապես գրագետ կուսակցություն ենք, և դրա համար որոշներին թվում է, թե այս ի՞նչ ընդդիմություն է, եթե պատուհան չի ջարդում, բայց նրանք, ովքեր պատուհան են ջարդում, քաղաքականությունից դուրս են։

7or.am