Հատուկ քննչական ծառայությունում ավարտվել ՀՀ պաշտպանության նախարարության քննչական ծառայության  քննիչի կողմից կաշառք ստանալու  դեպքի առթիվ հարուցված քրեական գործի նախաքննությունը: Քրեական գործի նախաքննության օրինականության նկատմամբ  հսկողություն իրականացնող դատախազը հաստատել է  մեղադրական եզրակացությունը:

Նախաքննությամբ պարզվել եւ հիմնավորվել է, որ  ՀՀ ՊՆ ՔԾ 5-րդ կայազորային քննչական բաժնի քննիչ Լ. Սահակյանը  իր վարույթում քննվող քրեական գործով մեղադրյալ, կալանքի տակ գտնվող  Ա. Թովմասյանի խափանման միջոցը փոխելու  եւ գործի վարույթը կարճելու  համար 2009թ. նոյեմբերի 4-ին  նրանից պահանջել է 775 000 ՀՀ դրամին համարժեք 2000 ԱՄՆ դոլար կաշառք: Պահանջված գումարի մի մասը'  600 ԱՄՆ դոլարը, նա ստացել է նույն օրն իր աշխատասենյակում:  Գումարի մնացած մասը' 1400 ԱՄՆ դոլարը,  Լ. Սահակյանն ստացել է   2009թ. նոյեմբերի 18-ին' ժամը 12:30-ի սահմաններում, որը հայտնաբերվել եւ առգրավվել է  Լ. Սահակյանի մատնանշած վայրում:

Նախաքննությամբ ձեռք բերված փաստերի հիման վրա Լ. Սահակյանին մեղադրանք է առաջադրվել  ՀՀ քրեական օրենսգրքի  311-րդ հոդվածի 3-րդ մասի 3-րդ կետով: Քրեական գործն  ուղարկվել է Գեղարքունիքի  մարզի ընդհանուր իրավասության դատարան' ըստ էության քննելու համար: Ա.Թովմասյանի վերաբերյալ քննիչ Լ.Սահակյանի վարույթում քննվող քրեական գործի նախաքննության օրինականության նկատմամբ հսկողություն իրականացնող դատախազն ազատվել է աշխատանքից: