Որոշ իրավիճակներում վիճաբանությունը դրական է ազդում մարդու առողջության և երկարակեցության վրա։ «Washington ProFile»-ը գրում է, որ Միչիգանի համալսարանի հետազոտությունն է դա ցույց տվել։ Իսկ նախկինում ճիշտ հակառակ արդյունքներն էին ստացվում։ Մասնավորապես նշվում էր, թե ընտանեկան կռիվները բարձրացնում են ծանր հիվանդությունների հավանականությունը։

Գիտնականները 17 տարում հետազոտել են 192 ընտանեկան զույգի, որոնք իրենց տարիքով, սոցիալական դիրքով, առողջական վիճակով, վնասակար և օգտակար սովորություններով և այլնով գրեթե ամբողջությամբ նման են, և տարբերվում են միայն առաջացած վեճերը լուծելու միջոցներով։