Երևան քաղաքի Անդրանիկի փողոցի 73 շենքի 34 բնակարանի բնակիչ, 1977 թ. ծնված Արթուր Խաչատրյանն իր մտերիմ՝ Արարատի մարզի Հովտաշատ գյուղի բնակիչ, 1981 թ. ծնված Վահրամ Հախվերդյանի հետ հոկտեմբերի 9-ին, ժամը 18:30-ի սահմաններում, մտել են ԼՂՀ Ստեփանակերտ քաղաքի Ազատամարտիկների փողոցի 37 հասցեում գտնվող ոսկյա իրերի խանութ, որտեղ բռնություն գործադրելով՝ ցանկացել են հափշտակել ոսկյա իրեր, սակայն բարձրացված աղմուկից դիմել են փախուստի, որից հետո հայտնաբերվել և ձերբակալվել են ոստիկանության աշխատակիցների կողմից։  Փաստի առթիվ ԼՂՀ քր. օր.-ի 175 հոդվածի 2-րդ և 3-րդ մասերով հարուցվել է քրեական գործ:
Արթուր Խաչատրյանը և Վահրամ Հախվերդյանը կալանավորված են։
Իրավապահները կասկածներ ունեն, որ նրանք հնարավոր է կատարած լինեն կողոպուտներ և ավազակային հարձակումներ ՀՀ տարածքում։

Նշված անձանցից տուժածները կարող են զանգահարել 010-56-12-32, 1-02 հեռախոսահամարներով կամ դիմել ոստիկանության մոտակա բաժին։